أكيد كثير منا قد مر عليه ان جاه ايميل يفيد ان الموقع اتهكر ويحتاج يغير كلمة المرور.. طيب هل تعرف انه ممكن لو اتهكر الموقع A ممكن الهكر يستغل حسابك في موقع B بسبب انك مستخدم نفس كلمة المرور؟.. انا اشرحلكم كيف
على الدارك ويب تحصل ملايين الحسابات المسروقة من عمليات هكر فيها ايميلات وباسووردات وغيرها كثير من البيانات.. نفرض اتهكر موقع اسمه website وانت مسجل فيه بايميل example@example.com والباسوورد خلينا نقول I*P0werful.. انتا تحسب أمورك في السليم ومستخدم باسوورد صعب وكلو تمام..
شخص ما اشترى البيانات من الدارك ويب ودخل تويتر.. اول شي بيسويه بيجرب الايميل example@example.com والباسوورد I*P0werful بيشوف اذا انتا مستخدم نفس الباسوورد او لا... في حالة مستخدم نفس الباسوورد.. اتهكر حسابك..
طيب كيف تمنع هذا الشي؟ كيف تصنع باسوورد قوي وفي الوقت نفسه باسوورد سهل تتذكره؟ مو معقوله بتكون باسوورداتك sO5,QLx#a* ومثلها كثير؟ مستحيل تنحفظ اذا ما عندك Password Manager.. وحتى برامج Password Manager ممكن تتهكر ونرجع لنفس الموال
افضل طريقة انك تسوي باسوورد قوي وثابت وما احد يعرف تركيبته غير انت.. راح اعطيكم مثال.. نفرض تبغا تسوي باسوورد قوي على تويتر وغير مكرر في أي موقع ثاني.. أول خطوة.. اخترع باسوورد صعب بحيث يكون الأساس لك في صنع الباسوورد
نفرض مثلا انك اخترت اول حرف من اسمك يكون كابيتال واول حرف من اسم الوالد سمول وبعدها اخر ٤ أرقام من جوالك بعدها أول حرف من اسم الوالدة كابيتال وأخر حرف من اسمك سمول
نفرض اسمك محمد واسم الوالد احمد واسم الوالدة سارة واخر ٤ ارقام من رقم جوالك ١٤١٨ يكون الباسوورد بهذا الشكل Ma1418Sd.. الأن انتهيت من النواة حقت الباسوورد وهذا الباسوورد اللي تحفظه ونروح الأن للخطوة الثانية وهي كيف تصنع باسوورد خاص لكل موقع
نجي لتويتر ونبدأ نصنع فيه باسوورد خاص بتويتر.. ممكن تبدأ انك تستخدم اسم تويتر كامل بحيث تخلي اول حرف واخر حرف كابيتال والبقية سمول بهذا الشكل TwitteR بعدها تختار رمز ولنفترض @.. الأن تصنع باسووردك الخاص على تويتر بهذا الشكل Ma1418Sd@TwitteR
هذا الباسوورد يكون منطقي بالنسبة لك... فيمكن ان تقرأه كباسوردي (Ma1418Sd) على (@) تويتر (TwitteR)
لنفترض تريد صنع باسوورد خاص بانستقرام نستخدم نفس الطريقة Ma1418Sd@InstagraM وهكذا
الأن جميع المواقع لها باسوورد خاص فيها ويمكن لك ان تقوم مثلا بوضع آليه بأن يكون كل ٣ حروف من اسم الموقع كبيره وال٣ التاليه صغيره، يمكن لك وضع اسم النطاق com في الاسم اذا كان موقع او app اذا كان تطبيق
وبهذه الطريقة سوف تحصل على باسوورد خاص لكل موقع ولن تقوم بتكرار كمات المرور
@Rattibha لو سمحت
جاري تحميل الاقتراحات...