يا جماعة سؤال جادي ..
كيف انت بتعتبر نفسك ناشط سياسي ولا رجل سياسة اصلا و انت تحت الصفر في علم الاجتماع؟ و ممكن تكون ما عارفو هو يعني شنو زاتو!
كيف انت بتعتبر نفسك ناشط سياسي ولا رجل سياسة اصلا و انت تحت الصفر في علم الاجتماع؟ و ممكن تكون ما عارفو هو يعني شنو زاتو!
دي مصيبة .. و كارثة حقيقية عشان كده الناس بتغلط نفس الغلطات على مدى التاريخ كلو
و اعتمادك كلو على السائد و المعروف و البتأثر فيو الاشاعات بصورة هلاميه في سوداننا الرائع ده، او احتكاكك الشخصي و معرفتك بالمجتمع و تفاعلاتك معاو انت و بناء عليها بتطلق ارآئك و مقتراحتك في الوضع السياسي الراهن و حركات الاصلاح!
اي زول بقرا كتب سياسيه و عن تاريخ السودان و تاريخ دول تانيه و بيقارن بدون ادنى فكره عن المجتمع بتاعنا هو بالضبط شنو، عشان كده الشلف في الحته دي كتييير و ده هو المكان الجات منو غلطة التهميش لانو مافي دراسة حقيقيه على اسس علمية موجودة و الناس اطلعت عليها
سياسة بدون علم اجتماع ما بتجي، هتلر قعد كم تلتين سنه بدرس في المجتمع و التفاعلات البتحصل فيو عشان كده قدر يصنع قاعدة جماهيرية قدر دي و ما هو براو اي شخصية سياسية اثرت في التاريخ عملت كدة يا جماعة دي ابجديات!!
غياب واضح لدراسات المجتمعات السودانية على مدى التاريخ و في الوقت الراهن و تقول لي اصلاح؟ اصلاح شنو و انت عارف السياسة لكن عندك فجوة عظيمة بينك و بين تطبيقو على ارض الواقع عشان كده السياسيين كلامهم ما بتجاوز غرف الاجتماعات ولا النقاشات
جاري تحميل الاقتراحات...