رتبها

✁

@Beerb76

35 تغريدة 47 قراءة Jun 10, 2020

Twitter

ثريد الستكرات :✨✨
بهالثريد راح يكون فيه شلون تسوون الستكر بالبيت + ستكرات تقدرون تطبعونهم وتسوونهم.

في اكثر من طريقه انكم تسوون ستكرات بالبيت طريقتين متشابهين والثالثه ماجربتها بس راح احط فيديو لها✨

الطريقه الأولى:
تحتاجون~" تيب"لزاق" شفاف + مقص + ورق زبده wax paper "الي ما يعرفه ينباع بالجمعية يم القصدير"+ الصور الي بتسوونها ستكر (تقدرون ترسمونها او تطبعونها) " بس😊

هذا ورق الزبده او wax paper

الطريقه الثانيه:
تحتاجون نفس الاغراض بس بدال ورق الزبده التيب دبل فيس double face الي من الصوبين فيه صمغ +" تيب"لزاق" شفاف + مقص + الصور الي بتسوونها ستكر (تقدرون ترسمونها او تطبعونها) "

حق الطريقه الاولى والثانيه نفس الشي راح تطبعون او ترسمون الستكر وتقصونه ويفضل تخلون مسافه شوي

حق الي بيستخدمون ورق زبده راح تقضون قطعه منه وتحطون عليها تيب وراح يكون الاساس مالكم عقب ما تقصون الشكل تحطونها فوقه وزياده فوقه تيب بعدين تقصونه كلامي يمكن مو مفهوم بس مع الفيديو راح تفهمون 👇🏼

ورق زبده +تيب + الصور + تيب

عقب ما قصيتهم الستكر راح يكون جاهز وبس تشيلون ورق الزبده وتلصقونهم نفس الي بصوره الثريد💛✨

حق الطريقه الثانيه ماكو فيديو بس نفس الطريقه الاولى الفرق ان راح تشيلون جهه من الدبل فيس و تحطون الستكر عليه وفوقه التيب الشفاف وتقصونه بعدها راح يكون جاهز واذا بتلصقونه تشيلون الصوب الثاني من الدبل فيس ما يحتاج اخلي مسافه نفس ورق الزبده
"هذول كلهم دبل فيس"