هذا ما يحدث الان ببيتنا 👇🏻👇🏻
اقسم بالله فوضى اخواني الصغار يتهاوشون اذا جاه كورونا وتوفى مين ياخذ جواله
اخوي المشتبه من قبل الوالده يحلف انه بيطلع ويسكن بفندق لحاله
اخوي الصغير يغشى عليه من البكاء ويقول ىِلعنم الحاله كورونا جانا
اخوي الصغير قام يتهاوش مع المشتبه به
رجع وهو منهار من البكاء يقول حتى انا جاني كورونا
الوالد دخل غرفته ويقول اللي يبيني يدق على جوالي لحد يجي
اخوي الصغير ينفجر من البكاء ويعلنها تراه كورونا كورونا مو لعبه تراكم تخلوني اكره كلشي وىِلعنم النفسيه الزق ذي
دقيت على اخوي الكبير يعني رجل البيت عشان يجي يعدل الاوضاع قال انا نايم لحد يكلمني وقفلها بوجهي
بقوة امي الي لا تقهر تم عزل اخوي المشتبه به
المشكله البلايستيشن عند اخوي المشتبه به واخوي الصغير يبكي يبيه وهو يقول والله لو اخذتوه لاطلع اكحكح عليكم
عم الهدوء بالبيت كل واحد دخل غرفته الا اخوي الصغير يبكي بالصاله ويبقس المخدات
امي قفلت جوالها بسبب ازعاج الرسايل والاتصالات لان اخوي الصغير انقهر من اللي قاعد يصير وغدر فينا وعلم خالاتي
عمي دق علي يقول صدق عندكم كورونا نجيكم؟ فاهم غلط يحسب الكثره تغلب الشجاعه
ابوي سحب علينا وراح لاخوانه
اخوي الصغير ينهاره بشده ويقول بدايه اليوم كانت حلوه وجبت لقطات بفورت نايت لكن النهايه رْق رْق ويرجع يبكي وهو حاضن المخده
قمت شغلت اغاني يعني بلطف الجو شوي المهم انا معزول بالمجلس الحين
ابشركم طلعت ولقيت اخوي الدب يكلم الشغاله تسوي له اكل ولا همه اللي قاعد يصير
قلت لها تسوي لي معه الشكوى لله الجوع كافر
و بعد اسئلة كثيره اكتشفنا ان اخوي الصغير يبكي عشانه يبي البلايستيشن مو خايف من كورونا ولا همه اذا جاء
الوالده تفجررها جاري العقاب من الوالده للبزر
اصدرت العقاب الا وهو حرمانه من البلايستيشن ٣ ايام
البزر دق على ابوي يعلمه وهو يشاهق
ابوي دق على امي يقول سامحيه ردت عليه لا تتدخل بمشاكلنا وانت ساحب علينا ورايح لاخوانك
اووووه شكلنا نبي نشهد كلاسيكو وزارة الداخلية امي x ابوي الحكومة المستقلة
توقعت لاني هادي بتسمع كلامي قلت مايصير ياوالده سامحيه هالمره قالت مو شغلك انت خلك على جوالك
اخوي المشتبه به طلع وكلهم هجو
وانا هجيت معهم
جهز الاكل واخوي الدب اكثر شخص مبسوط الان ياحليلهم الدببه بسيطين لدرجة ما تتوقعون
طردني واخذ اكلي وربي ظلم وافتراء
بعد ما فرمها حن علي وعطاني شوي ياحليله ليته ماعطاني
الحمدلله اخوي الصغير تحسنت حالته ودخل ينام
بعد ما دبغته امي وخلته ينام وهو يشاهق
اخوي المريض به دق يقول طفش ابي اسولف
صرفته قلت بنام فجأة لقيته مهرب اخوي البزر يلعب فورت نايت
امي داهمتهم واخذت اخوي وصادرت السوني
اخوي البزر نام والمشتبه به نام وطفت انوار البيت
شكلها النهاية يخوان كل البيت ناموا ، والى هنا انتهت تغطيتنا لهذا الحدث نتمنى انكم استمتعتو وترقبونا بتغطيات قادمه❤️
جاري تحميل الاقتراحات...