زي الوقت ده بالضبط وقبل م الناس تصلي العشاء وم معروف بكره العيد او لا وناس صلو التراويح وناس لا.. ونحنا قاعدين في بيتنا قلتا لي امي قومي ورح لي الحداد نشوف السراير💔 ونمشي الفرن نجيب عيش💔 بتزكر كنتا بنضف في البيت على اساس بكره العيد💔واخواني كانو طلعو مكان الناس متلمين في الظلط
طلعنا انا وامي للحداد واثناء م طالعين عموري جا لاحقنا وقال الا يمشي معانا وكل م ارجعو تاني يجي جاري يقول بس الا يمشي معانا 💔قفلنا عليهو الباب فتحو وجا جاري💔 بتزكر حفيان مشى معانا💔 لمن حصلنا الحداد بتزكر عموري طلع في الحديده قلتا ليهو ي عموري انزل منها عشان م تتجرح💔 وقعد يشاغب
ويعمل في حركات زي عاداتو💔 يلا اثناء م ماشين على الفرن و مقاصدين الظلط والفرن مقفل💔في حاجه جواي بتقول لي ارجعو بنفس شارعكم م تلفو💔 بتقول لي قولي لي امك ورح نرجع م تواصلو لحدي الفرن لمن حسيت بي قلبي انقبض عديل من الحاجه دي 💔وفي احساس بعدم الطمأنينة 💔بس م اشتغلتا ب الموضوع
زي م بقولو قدرك بجيبك من رجليك 💔بس اول م لفينا من الفرن وراجعين على البيت بجوه الحله 💔سمعنا الناس جاريين وبقولو اجرو جوكم 💔يلا امي وعموري كانو قطعو الظلط وانا لسه💔 ف بقو هم جنوب الظلط وانا شمالو 💔والناس جاريين وانا ماشه كانو م حاصله حاجه💔
اول م حصلنا اللفه البتودينا على بيتنا وقفتا منتظره امي وعموري يقطعو الظلط عشان نرجع البيت💔 وانا واقفه وبعاين فيهم وهم بقطعو في الظلط في نفس اللحظه كان في عسكري جاي جاري من بعيد ومقاصدهم لانو م كان في غيرهم اصلا 💔الناس كلها جرت ونحنا ماشين مطمئنين💔
لانو م متخيلين اصلا عسكري يضرب ليهو مره وطفل وبي كلاش كمان 💔 ف انا منتظراهم💔 فجأه في لحظه شوفتا ليك شرار احمر جاي قدام عيوني💔 شوفتا الطلقه يخوانا لونها احمر وسمعتا صوتا عديل وهي جات ماره قدام عيوني 💔بس نهائي م اتوقعتا انها تكون ضربت امي وعموري 💔لمن وقعو قدامي 😪
انا قايلاهم وقعهم الحجر م قايلاهم اضربو💔 يلا جريت على امي بقيت بقول ليها امي قومي قومي نمشي البيت سرعه قبل يجونا💔وفعلا عايزه اقوما بقت تقول لي انا اضربتا في قلبي شوفي عموري 💔عاينا لي عموري لقيتو واقع جنب الظلط والدم بطلع من رأسو زي النافوره ومالي الارض💔وهو متكرفس كانو نايم😪
💔تخيلو بس المنظر يخوانا طوالي جريت وبقيت بصرخ في الشارع 💔وبقول امي يا امي يا امي وجاريه وحاسه روحي حتطلع💔 خلاص لاقوني اولاد وانا ماشه على البيت بقو يقولو لي مالك مالك في شنو💔 قلتا ليهم امي اتضربت رصاص ومعاها ود اختي صغير💔 بقو يقولو لي لالا امك م اتضربت امك كويسه💔
قلتا ليهم لالا زحو مني اقول ليكم امي اتضربت انا شفتها بعيني تقولو لي كويسه💔 وجريت منهم مشيت على البيت بقيت اخبت الباب بقوه وانادي لي الاء اختي ام عموري💔 ي الاء ي الاء جات مخلوعه مالك ي بت في شنو قلتا ليها امي وعموري اتضربو طلقه وبقينا نصرخ انا والاء اختي وعلى صوتنا الحله اتلمت
ومكان ضربوهم بقا مليان بي العساكر كلو💔 وهم مضروبين ومرمين ف الارض قريب ال ١٠ دقائق مافي واحد رفعهم😪 انا ضربتا لي محمد اخوي كلمتو مشا مكان العساكر بقو يضربو فيهو ويقولو مافي زول اتضرب هنا يلا امشي من هنا وكانو موجهين عليهو السلاح بعد مسافه طويله لقينا امي في المركز الجنبنا
وعموري م لقيناهو وم عارفنو وين ولا الشالو منو ولا حي ولا ميت ولا اتضرب وين زاتو م عارفين عنو اي حاجه غير انو اتضرب طلقه 💔
انا شفتا الدم طالع منو بس كنت بكضب في روحي بقول لا اكيد اتضرب في يدو ولا حاجه بسيطه وحيكون غمران بسبب قوه الطلقه بس اتاريهو المسكين الطلقه شقت راسو علي نصين
انا شفتا الدم طالع منو بس كنت بكضب في روحي بقول لا اكيد اتضرب في يدو ولا حاجه بسيطه وحيكون غمران بسبب قوه الطلقه بس اتاريهو المسكين الطلقه شقت راسو علي نصين
ونحن ماشين في الشارع ومودين امي المستشفى💔 الشوارع كلها كانت مترسه💔 كل مسافه بسيطه في ترس 💔على بال م وصلنا المستشفى اخدنا زمن طويل💔 احساس بتشوف امك قدامك وهي بتنزف وانت م قادر تعمل شي 💔انا حرفيا م كنت قادره اعاين في امي وهي مليانه بالدم كده بس شغاله حسبي الله ونعم الوكيل 💔
احساس انو انا افقد امي كان اكعب حاجه مريت بيها 💔وهي خلاص تعبانه شديد وم قادره وانااصرخ ي امي م تغمضي عيونك ي امي خليك صاحيه عليك الله 💔قربنا نوصل المستشفى💔كل م امي تكَون عايزه تغمض انا اقول ليها امي عليك الله م تغمضي عيونك خليك واعيه 💔ومحمد اخوي سايق العربيه بسرعه مبالغ فيها
💔كان بشوت كل حاجه قداما 💔اي ترس كان قصير بخش فيهو بالعربيه طوالي 💔لحدي م وصلنا المستشفى ومحمد اخوي رجع طوالي عشان يفتش عموري 💔بقيت انا و اواب اخوي برانا في المستشفى 💔 وماسكين في بعض ونبكي الاتنين سوا 💔وطمنونا على امي انو الحمدلله الضربه جلت من القلب بي سم واحد بس💔
وانو هي كويسه وم عليها حاجه بس حيتعمل لي فحوصات وعمليه و صور لمكان الضربه يتاكدو انو م جات في العضم💔
بعد م اطمنا على امي بقيت اضرب على محمد اخوي اشوف عموري وين وبقى كيف ولا الحاصل عليهو شنو 💔
بعد م اطمنا على امي بقيت اضرب على محمد اخوي اشوف عموري وين وبقى كيف ولا الحاصل عليهو شنو 💔
محمد اخوي كل شويه يقول لي م لقيناهو لسه لكن في ناس ضربو لي قالو انو كويس وواعي وبتكلم ( كانو بكذبو علينا وبطمنو فينا) 💔بقيت اقول ليهو ي محمد عموري اضرب وين قال لي في يدو قلتا الحمدلله جات خفيفه 💔تاني رجع لي قال لي والله عموري ده اتضرب في راسو لكن برضو قالو كويس بس في غيبوبه💔
( الوقت داك عموري ميت ليهو قريب الساعه او اكتر)💔 وانا خلاص بقيت قاعده على اعصابي امي اطمنتا عليها بقيت بدعي انو عموري يكون كويس والضربه م تأذيهو💔
بتزكر في ولد كان في غرفه الغيار مضروب في رأسو لكن كويس وواعي لافين ليهو رأسو بي شاش
بتزكر في ولد كان في غرفه الغيار مضروب في رأسو لكن كويس وواعي لافين ليهو رأسو بي شاش
سألتا الزول المعاهو قلتا ليهو الولد ده مضروب طلقه في رأسو قال لي لالا ( كنتا بطمن في روحي انو الزول البضرب طلقه في رأسو بعيش وم بتجيهو حاجه)💔
بس م فقدتا الامل في عموري مع انو احساسي بكذبني انو مستحيل يطلع منها لانها خطيره💔
بس م فقدتا الامل في عموري مع انو احساسي بكذبني انو مستحيل يطلع منها لانها خطيره💔
محمد اخوي ضربتا ليهو تاني قلتا ليهو اها لقيتو عموري قال لي اي 💔قلتا ليهو اها كيف هو هسي 💔قال لي عموري ده مااات💔 انا الوقت داك الدنيا ضاقت بي شديد💔 بقيت م واعيه لي حاجه كيف يعني عموري مات💔 كيف بس يموت 💔هسي قبل شويه كنا ماشين سوا💔 كيف يعني مات 💔وانا ماسكه التلفون ومصدومه
💔وخلاص كنتا ح اصرخ وانفجر💔 جاني خالي قال لي يا ايلاف امك لسه وضعها حرج وم استقر م تبكي عشان هي م عارفه انو عموري اتوفى💔 بس م صرختا ولا بكيت ولا اي حاجه خشيت في حاله بتاعت صدمه💔 كنتا قاعده مع امي في العنبر اول م قالو عموري مات طوالي طلعتا منو 💔
م رجعتا لي امي تاني عشان م تشوفني ببكي تقول لي حصل شنو 💔وغير انو امي كل شويه كانت بتسأل من عموري وين واتضرب وين وهسي هو وين💔 اتخيلو انا بمشي لي امي وقلبي قابضني ومقهوره بمسح دموعي عشان م تحس في حاجه 💔وهي بتسالني من عموري وين بقول ليها في المستشفى 💔واتضرب وين قلتا ليها في يدو
💔 تقول لي يعني هو كويس هسي💔 اقول ليها اي كويس وواعي م عليهو اي حاجه( وعموري ميت)😪💔وتقول لي خلاص قولي لي محمد اخوك يجيب عموري يرقدو معاي هنا في المستشفي💔 ولا انا امشي ليهو وانا بقول ليها خلاص بكلمو💔
وحولونا من المستشفى لمستشفى تاني عشان نعمل العمليه ولسه امي بتسال من عموري
وحولونا من المستشفى لمستشفى تاني عشان نعمل العمليه ولسه امي بتسال من عموري
عاوزه يجيبو ليها ويتعالجو سوا ولسه م عارفه انو مات💔
عموري مما مات الساعه ١٢ امي كلمناها بيهو قريب الاذان الاول ٣ ولا ٤ ساعات عموري ميت وهي م عارفاهو💔
عموري متربي معانا في البيت من عمرو اقل من ٥ شهور قاعد معانا ومربياهو امي 😪😪
#ايلاف_صالح
29رمضان 2019
#مجزرة_القيادة_العامة
عموري مما مات الساعه ١٢ امي كلمناها بيهو قريب الاذان الاول ٣ ولا ٤ ساعات عموري ميت وهي م عارفاهو💔
عموري متربي معانا في البيت من عمرو اقل من ٥ شهور قاعد معانا ومربياهو امي 😪😪
#ايلاف_صالح
29رمضان 2019
#مجزرة_القيادة_العامة
جاري تحميل الاقتراحات...