١. بالرغم ان برج #الدلو مرتبط بالحرية، الاستقلال، معروف بقدرته علي التعبير عن نفسه و مبادئه الا انه اكتر برج من وجهة نظري معرض للقمع و مقيد بمسميات كتير فحتي لو هو مش مقيد بشخص او بوضع هتلاقي جزء منهم مقيد بمسمي معين بيفضل مرتبط بهويته بالفعل ده بيميزه عن غيره لكن بيعيشه تحت ضغط.
٢. لو ركزت مع مشاهير برج #الدلو تحديداً هتلاقي ان اغلبهم ليهم "القاب" مميزة او هوية الشخص مرتبطة بمكانة حققها و وصل اليها فدي حاجة بتخلق ليه شعبية كبيرة وبتحوله ل icon او رمز وثانياً بتخليه "مختلف" عن الجميع وكأنه لا ينتمي اليهم بس في نفس الوقت هو نموذج ليهم وده بيفهمك تركيبتهم.
٣. من التحديات اللي بتواجه برج #الدلو هي المسافات، سواء اللي بينه وبين الاشخاص العادية او الاشخاص المقربين وحتي لو مفيش مسافات احياناً هو بيخلقها تلقائياً لأنه مش دايماً بيحب يتعمق، مش دايماً بيحب ياخد الامور بشكل شخصي او عاطفي فسهل يعزل حاله، يقول لأ انا مش زي فلان ومش هتصرف زيه
٤. طبعاً الكلام ده مش هينطبق علي كل برج #الدلو اللي هتصادفه بس خاصةً لو الشخص لا يمتلك كواكب في ابراج مائية او كواكب في البيت ٨ او في برج الأسد سهل يواجه ازمة هوية، يحتاج وقت عشان يتأقلم مع مشاعره ويفهمها بدون ما يشعر بالوحدة والاحباط من ان محدش ابداً هيفهمه او يتقبله زي ما هو.
٥. التحدي التاني ان برج #الدلو معرض للانتقاد مش سهل الناس تتقبل سلوكياتهم و ارائهم بسهولة يعني سهل الشخص يتعرض للتنمر، يتطلب منه التغيير، لا يتم تقبله وتقبل مشاعره خاصةً لو الشخص شخصيته ضعيفة هيبدأ يبحث عن جماعات، قضايا او مسميات بتمثله وتعبر عن صوته، وعادةً هيعرف يتمرد.
٦. برج #الدلو بيعرف يتمرد، بيكره الاستغلال لأن عادةً بيتم استغلالهم واستغلال شعبيتهم وفي اسوأ الاحوال الشخص قد يتعرض للتعجيز ولكن ده بيفشل ودي بتكون الشرارة اللي بتحفزهم ومن هنا بنعرف هما ليه اشخاص متمردة لأنهم مش بيقبلوا أي وضع يفرض عليهم لفترة طويلة وشبه القنابل الموقوتة.
٧. هيفضل تحدي "المسافات" من التحديات اللي لازم يتخطاها برج #الدلو لأن مهما انعزل، مهما بعد حاله و حاول يتعامل مع الازمات بشكل سطحي او "بمنطقية" زايدة في مرة هيحتاج يتعمق، هيحتاج ياخد المسألة بشكل شخصي لأن لازم يفتح قلبه ويخلي التجارب دي تلمسه وتوجعه عشان يشعر بذاته ويتحرك.
٨. برج #الدلو شغوف ومتقلب للغاية وده اللي بيخلي حياته متطرفة و بيعدد علاقاته احياناً فسهل يتحمس للأشخاص والافكار بسرعة وتلاقيه مش بياخد وقته وفجأة بقي مؤيد لشعار او فكرة او شخص معين، ف بالرغم انه برج هوائي وعقلاني الا انه مش دقيق للغاية وسهل يبقي ضحية شوية "حماس" زيادة.
٩. لو انت برج #الدلو وانطبق عليك بعض النقط حاول تاخد وقتك قبل ما تقبل علي اي علاقات او مشاريع او قرارات مهمة عشان ماترجعش تلاقي نفسك في اوضاع متطرفة في نفس الوقت اكسر بعض الحواجز وحاول تقرب من الاشخاص الصح لأن ده عمره ما هيقيدك او يضعف استقلالك. اسمح للاشخاص انها تعرفك بشكل شخصي!
١٠. في النهاية برج #الدلو مستمع رائع، هو ابن الشارع ونجم المجتمع ولذلك هو "مختلف" غصباً عنه وملهم ومعلم ونموذج للاخرين وعادةً تجاربه الشخصية اللي بيتعامل معاها بسطحية احياناً هي اللي بتميزه وبتخلي الناس تصدقه. سهل ناس كتير تحاول تقلدهم ولكن للأبد صعب يكون ليهم بديل!
كالعادة خريطتك ليها الكلمة الأخيرة ومفيش بطل لحكايتك غيرك 🕊
طبعاً الثريد دي مش هتنطبق علي كل شخص بشمس #دلو فحاول تتعامل مع الثريد بمرونة عزيزي القارئ.
غير كده اتمني للجميع يوم مبهج، مشرق و جميل 🌻
بحبكم أبطالي 🦄💜
طبعاً الثريد دي مش هتنطبق علي كل شخص بشمس #دلو فحاول تتعامل مع الثريد بمرونة عزيزي القارئ.
غير كده اتمني للجميع يوم مبهج، مشرق و جميل 🌻
بحبكم أبطالي 🦄💜
جاري تحميل الاقتراحات...