الفترة الزمنية من لحظة موتك لتغسيلك لتكفينك للصلاة عليك لدفنك لن تتجاوز الثلاث أو الأربع ساعات في أغلب الحالات !
و بعد انتهاء الدفن بثلاث أو أربع ساعات بالكتير حيكون كل أحبابك و أهلك بيأكلوا أو بيشربوا أو بيستقبلوا ضيوف أو بيتكلموا في التلفون أو نايمين !

مهما كان عندك ناس بتحبك ما حيقعدوا جنبك بعد الدفن أكتر من نصف ساعة أو ساعة إلا شويه
و حتى لو زاروك كتير ماحيكونوا شايفين و لا حاسيين باللي أنت فيه
و بيتك البتحبه حيسكنه غيرك و عربيتك حيسوقها غيرك و لبسك حيلبسه غيرك و شغلك البتحبه حيشتغله غيرك وقروشك البتحبها حيصرفها غيرك !

مافي حاجة حتقعد معاك في قبرك غير عملك
حتقعد أنت و عملك براكم في القبر تواجهوا مصيركم
كل الغاليين على قلبك حيسيبوك و يمشوا إلا عملك الصالح هو الوحيد المحيرضىٰ يسيبك

قُرآنك ، إيمانك ، إخلاصك ، صلاتك ، صيامك ، زكاتك ، صدقاتك ، حجابِك ، حُسن خُلُقك مع كل الناس ، أذكارك ، دُعائك ، صبرك ، عُمرتك ، حِجتك ، غَضك لبصرك ، مَسكك للسانك ، كظمك لغيظك ، بِرك بوالديك ، إحسانك للغير ، اتباعك للسُنَّة ، فعلك للطاعات ، اجتنابك للنواهي ، قرءانك .

اللهم ارزقنا حُسن الحياة و حُسن الممات و قبر روضة من رياض الجنة🙏