سنتحدث عن ؟!
التصويت ذهب للاختيار الثالث ، لكن في زمن المعلومة السريعة وعصر السرعة صار ارتباط وثيق جدًا بين الثاني والثالث لذلك مستحيل تتكلم عن الثالث دون التطرق للثاني ... جهز قهوتك وتعال
بسم الله الرحمن الرحيم وبه نستعين .. أوّل وأهم شيء أنا ما زلت هاوي للقراءة ونقطة في بحر القرّاء لكنّي لدي معرفة بسيطة جدًا على قدي أحببت بأن نتشاركها ونفيد ونستفيد منكم
ثانيًا لازم نعرف ان فيه فرق بين الملل وإدمان التشتت ،لا يجعلك المصطلح تشعر بالخوف فهي متلازمة مع عصر الهواتف الذكية مصاب بها ٨٠٪ منا فلا تكاد تجد شخص يكمل فيديو يتجاوز دقيقتين دون أن يوقفه ويذهب لتويتر ،سناب ،تلقرام ، واتساب وغيره لا لحاجة وهنا حديث سابق
أدري محد بيشوف الفيديو كامل ، لكن اذا لديك مشكلة إدمان التشتت لا يوجد حل أفضل من جهاد النفس وتطبيق الموجود بالفيديو مهما رأيته طويل وممل وتركته ورحت سناب عشان تفتحه وتسوي سكيب لانك مب فاضي وانت فاضي ، الزبدة هذا فيما يخص التركيز والتشتت بالاضافة للألغاز مهمة جدًا مثل تطبيق شعلة
بالنسبة للقراءة بدون ملل ، أول وأهم وآخر شيء انك تشيل التصور انها مملة لانك لو تاخذ أي كتاب في الدنيا بتمل بسبب تصورك السابق بعدها ابدأ بالخطوات .. هيئ المكان والوقت المناسبين والمزاج "تحتها عشرين خط" ، ثانيًا اقرأ ما تستطيع فقط
تشوف شخص حاط صور الكتب اللي قرأها باسبوع او غيره وتضغط نفسك ومزاجك عشان تكون مثل قراءته بنهاية الشهر أو العام هذا خطأ ، الدعوة ماهي سباق .. تقرأ صفحتين في اليوم باستمتاع وبحضور ذهني أفضل من خوض هذا السباق على غير فائدة
بعد إزالة تصوراتك عن القراءة وانها مملة لازم تعرف ان سبب الملل فيما بعد إما القارئ (انت) أو الكتاب .. فاذا مالك مزاج وما كنت مستعد مب لازم تقرأ ، ثانيًا أحسن اختيار الكتاب وشف المجال اللي يستهويك ماهو الكتاب اللي يمدحونه الناس ويصورونه بسنابهم
الناس تختلف ، فيه اللي يحب الروايات .. فيه اللي يحب كتب التنمية .. فيه اللي يحب الفلسفة .. فأسوأ سؤال ممكن تسأله لشخص ..رشّح لي كتاب أو وش أفضل كتاب قرأته عشان تسوي مثله ..لا شوف انت وش تميل له وخذ الكتاب
لا تشتري عدة كتب في زيارتك للمكتبة للمرة الأولى .. كتاب واحد يكفي .. لا تشتت نفسك بالبداية ، واستعن بالله وابدأ بقراءته .. خلصت صفحة ، صفحتين .. ١٠٠ .. واكتفيت وقف وابدأ وقت ثاني وهكذا
في النهاية القراءة مهمة جدًا لتنمية عقلك ولا تستمع للي يقول انتهى عصرها أو بودكاست وغيره .. القراءة مثل الرياضة ..وبالتوفيق للجميع
جاري تحميل الاقتراحات...