الحاجة دي زي شفتها قبل كدا ارحكم يا خلايا مناعية نقتلها!
دا العنوان الاخترتو للثريد دا عشان يسهل الفهم
المناعة صعب تتشرح من غير المام بالمفاهيم الاساسية بس على و لعل لمن تنتهي من قراية الكلام تكون قدرت تاخد فكرة عامة
دا العنوان الاخترتو للثريد دا عشان يسهل الفهم
المناعة صعب تتشرح من غير المام بالمفاهيم الاساسية بس على و لعل لمن تنتهي من قراية الكلام تكون قدرت تاخد فكرة عامة
فايروسات الكورونا (البتسبب مرض في الانسان) عائلة بتضم سبعة فايروسات (ستة قديمين و السابع العامل الجائحة الحالية) اول من سمّا العائلة دي من الفايروسات بالاسم دا هم جون الميدا و دفيد تايرل اول اتنين درسوهم، السبعة هم:
1. 229E
2. NL63
3. OC43
4. HKU1
5. MERS-CoV
6. SARS-CoV
7. SARS-CoV-2
2. NL63
3. OC43
4. HKU1
5. MERS-CoV
6. SARS-CoV
7. SARS-CoV-2
النزلات الموسمية نسبة كبيرة منها بتسببها فايروسات كورونا الأربعة الأوائل (اتذكر النقطة دي)،
تتذكرو لمن قلت ليكم في البوست دا انو ناس من جامعة كولومبيا لمن عملو بحث في الاربعة ديل لقو انو حتى لو في زول اتصاب بواحد منهم ف ممكن يتصاب بيه تاني في نفس السنة!
بمعنى انو الزول ما بيكوّن مناعة للفايروس، و يمكن السبب يكون لانو الفايروسات دي بتعمل اعراض خفيفة و المرض كونو يكون خفيف بيخلي الجسم ما يكوّن مضادات؟!! 🤷🏽♂️ لانو في دراسة صينية لقو انو كل ما المرض كان شديد ف المضادات المنتجة في المتعافين بتكون اكتر.
ف انت ممكن تتذكر لحد ما تموت اليوم الخبطتك فيهو عربية، لكن ما حتتذكر امس كنت لابس ياتو تيشيرت!
الليلة في حاجة مختلفة 🤷🏽♂️🤦🏾♂️
عارف انو كل يوم البيانات بتتغير و فهمنا للمرض و الفايروس من شهر ١٢ الفات لحد اسي فيهو حاجات كتيرة بتتغير
في بحث منشور في الرصينة The Cell، باحثِين جابو مجموعتين من المتطوعين:
مجموعة فيها ٢٠ عيان بتاعين كورونا بقو كويسين، ٢ من الـ٢٠ ديل مرضهم كان شديد و الـ١٨ الباقين كان مرضهم بين خفيف و متوسط،
و الفكرة من انو جابو عيانين المرض عندهم مختلف في الشِدَّة كان عشان يقدرو يقيسو رد الفعل المناعي في حالات المرض المختلفة (بين خيف، متوسط و شديد)،
لقو انو كل الـ٢٠ ديل عندهم CD4
لقو انو كل الـ٢٠ ديل عندهم CD4
و الـCD4 دي هي البتتعرَّف و هي البتمسك في الـSpike protein بتاع الفايروس و تخلي خلايا المناعة التانية (CD8) تقتلو.
و طبعا دي ما نتيجة مُستغرَبة، لانو مُعظم الأدلة بتشير لانو المتعافين من كورونا بيكوِّنو مناعة (بس الإختلاف في انو حتستمر المناعة دي لكم من الزمن)
و طبعا دي ما نتيجة مُستغرَبة، لانو مُعظم الأدلة بتشير لانو المتعافين من كورونا بيكوِّنو مناعة (بس الإختلاف في انو حتستمر المناعة دي لكم من الزمن)
بس الغريب حصل في المجموعة التانية
المجموعة التانية فيها عينات دم من ٢٠ زول تم جمعها ما بين الاعوام ٢٠١٥ و ٢٠١٨ (يعني عينات الدم اتشالت من ناس المجموعة التانية قبل يظهر مرض كورونا الحالي)
المجموعة التانية فيها عينات دم من ٢٠ زول تم جمعها ما بين الاعوام ٢٠١٥ و ٢٠١٨ (يعني عينات الدم اتشالت من ناس المجموعة التانية قبل يظهر مرض كورونا الحالي)
و المفاجئة كانت انو ٦٠٪ من عينات الدم فيها CD4 قادرة انها تتعرف على فايروس الكورونا الحالي (SARS-CoV-2)
و بما انو الدم بتاع المجموعة التانية اتشال من ناس في فترة ما كان فيها كوفيد-١٩ ف مافي حاجة تخليهم يكون عندهم رد فعل مناعي للفايروس! لانو جسمهم اصلا ما حصل اتعرض للفايروس
و بما انو الدم بتاع المجموعة التانية اتشال من ناس في فترة ما كان فيها كوفيد-١٩ ف مافي حاجة تخليهم يكون عندهم رد فعل مناعي للفايروس! لانو جسمهم اصلا ما حصل اتعرض للفايروس
بس شنو الخلا جهازهم المناعي يكون عندو CD4 اتعرفت على فايروس الكورونا و قدرت تقاومو؟
السبب المقترح هو الـcross-reactivity او التفاعلية المُتصالبة
السبب المقترح هو الـcross-reactivity او التفاعلية المُتصالبة
بمعنى انو جهاز المناعة في المجموعة التانية هو فعلا ما حصل اتصاب بفايروس الكورونا العامل الجائحة الحالية، بس قد يكون قبل كدا اتصاب بواحد من فايروسات الكورونا الاربعة القلنا بيعملو نزلات موسمية و قام حصل الـcross-reactivity و اتفاعل على الاساس دا.
فجهاز المناعة اتعامل مع فايروس الكورونا الحالي بالشبه بس، احساس الحاجة دي زي شفتها قبل كدا ارحكم يا خلايا مناعية نقتلها!
معلومات اضافية:
واحد من اهم الامثلة بتاعت الـcross-reactivity او الـcross-sensitivty هي بين الناس البنسلين و السيفالوسبورينز،
واحد من اهم الامثلة بتاعت الـcross-reactivity او الـcross-sensitivty هي بين الناس البنسلين و السيفالوسبورينز،
ف بعض الناس العندهم حساسية من البنسلين قد كذلك يكوّنو حساسية ضد السيفالوسبورينز و السبب هو التشابه بينهم في الـside chains
(١٪ لـ٢٪ من العيانين العندهم حساسية من البنسلين بيكون عندهم حساسية من السيفالوسبورينز)
(١٪ لـ٢٪ من العيانين العندهم حساسية من البنسلين بيكون عندهم حساسية من السيفالوسبورينز)
فايروس نقص المناعة المكتسبة بينقص عدد الخلايا المناعية CD4 و بيخلي في عدم تناسب في الاعداد بينها و بين الـCD8 و بيخلي يحصل كنتيجة اعتلال في شغل الجهاز المناعي.
عشان كدا واحد من اهم المقاييس البتحكم علاج الايدز و مدى تدهور المرض هو عدد خلايا الـCD4 عشان كدا بتتم متابعة العيانين بتتبعها عن طريق الـCD4 count.
للتبسيط:
CD4 اسمها التاني هو T Helper Cells
و اتسمت helper لانها بتساعد خلايا المناعة التانية انها تقتل المايكروبات
CD8 اسمها التاني هو Cytotoxic T Cells
و اتسمت cytotoxic لانها بتقتل المايكروبات/الخلايا.
CD4 اسمها التاني هو T Helper Cells
و اتسمت helper لانها بتساعد خلايا المناعة التانية انها تقتل المايكروبات
CD8 اسمها التاني هو Cytotoxic T Cells
و اتسمت cytotoxic لانها بتقتل المايكروبات/الخلايا.
جاري تحميل الاقتراحات...