قبل أربع أيام كان معزم عمي و أبنه يزورونا عشان يشوفون أبوي،بسرعة أتصلت عليه و أعتذرت منه بأسلوب لين أن حقك علي و أعذرني أنا يا عم ماني سامحة أحد يزور أبوي خوفًا عليه وبصوره لك فديو وتقر عينك فيه وتتطمن عليه،حاول كثير ورفضت لسلامة الجميع، زعل مني بس قدرت أفهمه الوضع و أطيب خاطره..

اليوم تبين أن ولد عمي وعمي مصابين بالڤايروس عسى الله يبث بجسدهم العافية وجميع مرضى المسلمين ،قاعدة أتخيل لولا رحمة الله كيف بيكون حالنا الآن؟لو سمحت لعمي وجاملته وجاء يزور أبوي كيف بيكون وضع أبوي الآن؟أبوي على مشارف التسعين وفيه سكر وضغط ومشاكل بالقلب،شكرًا لك شكرًا يا الله شكرًا

يا أبناء تكفون والديكم أمانة عليكم وبرعايتكم بعد الله، سنين كثيرة عدت من أعمارهم وهم صايرين لكم بعد الله درع وحماية من كل سوء، الحين جاء الوقت، ردوا لهم جزء من جميلهم بهالأزمة ولا تستهينون باللي قاعدين نعيشه، لأنه يا ناس مو شي عادي ولا بسيط مثل ما الكل يشوف، والله مو بسيط

لا تجاملون لا تجاااااملون،وخلوكم صارمين بموضوع الزيارة حتى لو كانوا اقاربكم ، المرض هذا ما يعرف قريب ولا غريب كلنا معرضين له،كونوا أقوياء لمصلحة الجميع لين الله يفرجها ونرجع نستقبل اللي نحب بكل حب،بيجي اليوم اللي يعدي كل هذا وتكونون فخورين بأنفسكم أنكم كنتم قد الأمانة و المسؤؤلية