ما حبيت أسوي إعلان عن هالشي بوقته، ونطرت لما الله يمن علي بالشفاء من إصابتي بفايروس كورونا والتأكد بأن المسحة الأخبرة سلبية
أول الأعراض كانت يوم الأحد ٥/١٠، كان الجو غبار وكان حايشني صداع شديد وتوقعت أنه بسبب الحساسية من الغبار والجيوب. واستمر معاي الصداع لآخر اليوم.
بالليل حاشتني برودة ورجفة وخذيت بانادول وراحت السخونة
بالليل حاشتني برودة ورجفة وخذيت بانادول وراحت السخونة
يوم الاثنين زاد الصداع وتكررت البرودة (ارتفاع الحرارة) واستمريت اخذ بانادول. راجعت مستوصف السلام وقالوا لي بما أن الأعراض خفيفة اعزل نفسك لأنها ممكن انفلونزا عادية.
وبنهاية اليوم بدا عوار الجسم
وبنهاية اليوم بدا عوار الجسم
يوم الثلاثا زاد عوار الجسم بشكل كبير وتكررت السخونة وفقدت حاسة الشم والتذوق وكانت ادويتي عبارة عن بانادول وحبوب حساسية وفيتامين سي
يوم الأربعاء ٥/١٣ زادت كل الأعراض واضطريت اني اروح مستشفى جابر واطلب منهم ياخذون مسحة ورفضوا بالبداية وقالوا لي اعزل نفسك، لما شافني ممرض جزاه الله خير وسألني عن الأعراض، وياب ورقة واخذ بياناتي ودخلني على الدكتور وخذوا لي مسحة
يوم الخميس كان أسوأ يوم في المرض، عوار الجسم كان شديد لدرجة اني بفراشي ماني قادر اقلب الصوب الثاني واخذ البانادول.
الجمعة بدت تخف الأعراض شوي والسبت استمر الصداع لكن أخف بوايد من الأيام اللي قبل
الجمعة بدت تخف الأعراض شوي والسبت استمر الصداع لكن أخف بوايد من الأيام اللي قبل
كانوا الأغلب يطمنوني ان بما انهم ما دقوا عليك فإن شاء الله ما فيك شي.
الأحد راحت كل الأعراض بس كنت احس بإرهاق وكلمتني دكتورة جزاها الله خير متابعتني وشافتني كاتب يوم الأربعا اني ماخذ مسحة وتأكدت لي وطلعت نتيجتي إيجابية.
الأحد راحت كل الأعراض بس كنت احس بإرهاق وكلمتني دكتورة جزاها الله خير متابعتني وشافتني كاتب يوم الأربعا اني ماخذ مسحة وتأكدت لي وطلعت نتيجتي إيجابية.
وبنفس اليوم بالليل كلموني من الصحة الوقائية يطلبون بطاقات اهلي المدنية عشان يسوولهم مسحات
ومن يوم ٥/١٨ لليوم ما رجعت لي الأعراض
ومن يوم ٥/١٨ لليوم ما رجعت لي الأعراض
يوم الاثنين ٥/١٨ اتصلت علي دكتورة من الصحة الوقائية تقول لي احمد نتيجتك إيجابية 🤦🏻♂️😂
قالت لي تبي تروح حجر مؤسسي وقلت لا بما ان عندي غرفتي وحمامي وصالتي وثلاجتي وعازل نفسي عن أهلي من بداية الأعراض فليش اخذ مكان احد ممكن يحتاجه أكثر مني
قالت لي تبي تروح حجر مؤسسي وقلت لا بما ان عندي غرفتي وحمامي وصالتي وثلاجتي وعازل نفسي عن أهلي من بداية الأعراض فليش اخذ مكان احد ممكن يحتاجه أكثر مني
لله الحمد الأعراض اللي يتني كانت وايد أخف من ناس ثانيين، لا كحة ولا ضيق تنفس.
الوالدة والوالد هم طلعت نتيجتهم إيجابية لكن بدون أعراض واليوم الحمد لله مسحتي انا والوالدة والوالد سلبية
وبس والله وسلامتكم 🙏🏼
الوالدة والوالد هم طلعت نتيجتهم إيجابية لكن بدون أعراض واليوم الحمد لله مسحتي انا والوالدة والوالد سلبية
وبس والله وسلامتكم 🙏🏼
جاري تحميل الاقتراحات...