ناس الكفر و المنقزة الثريد دا ليكم ⚽️❤️
1-لو كورتك حبة ما تجي لابس مقفل هيقولو عليك كبتن لبسة و اللقب دا حار شديد
2-البقعد يستعرض قبل الكورة ما تبدا و بعمل حركات دا الثغرة بتاعت العدو و ما عندو بيها علاقة
3-اكتر واحد لعاب في العدو هو البجي بقعد براو قبل التمرين ما يبدا و غالباً شكلو ما شكل لاعب كورة و سبحان الله بجي سايق عجلة
4-المحاورة الكتيرة ما ظابطة و بتخرب التمرين فك الباص
5- ما دايماً الما لعاب بختو ورا الحريفين بوزعو قدام عشان ما يحرق
6- اختا المدافع الناشف و كرواعو شولا
7- كرويف قال من السهل لعب كرة القدم ولكن من الصعب لعب كورة القدم السهلة عشان كدا السهل الممتنع دا احلى كفر
8-ما المهم تطلع غالب المهم تطلع مستمتع
9-الله خلق رونالدينهو واحد فعشان كدا فك الباص
10-في مدافعين حريفين ممكن يقلع منك الكورة زي القلعا بي معلقة ما كلهم جزارين
11-و في جزارين برضو ما تنسى
12-الباص البيني احلى من انك تراوق التيم كلو و تجيب القون
13-البيضة اسلوب حياة ❤️
14-ما اي واحد يسألو يقول بلعب وسط لاعب الوسط ظاهر من لمستو
15-فك الباص يا نيمار انت
16- ما يوهموك قبل التمرين انو فلان دا لعاب و فلان دا بسوي ليكم السودانين ديل اكتر شعب بتكلم ساي خش جوا الميدان و شوف الحاصل شنو
17- ما يوهموك انك لعاب عشان لعبت ليك مع شفع و جبت فيهم كم قون في الكور الحارة صدقني بتروح
18- حاول اقلب السايد التاني و ما تخلي نظرتك قصيرة
19- كونك ترجع باص لي ورا دا ما عيب
20-لو كنت لاعب قدام حاول قص لي لاعب الوسط بتريحو في حنانو و هيمتعك بباصات لمن تفتر
21-اللمسة الواحدة دي فاكهة الكورة عشان كدا فك الباص
22- ماف حاجة اسما مراقبة لصيقة انت ما لاعب في البرنابيو يا عمري
23-ما اي اشول معناتا باك
24-اي واحد لقبو ميسي ولا كريس كورتو تعبانة اللعاب البكون لقبو الرسام
25-لمن تقطع بدل ما تكابر تاني بتخش نحن مافي البرنابيو يا عمري
26- عادي ممكن تجلط في تمرين ما نهاية الدنيا التمرين البعدو بترجع اقوى
27-لمن تتعلم الكورة و انت كبير بتكون فيك ظاهرة و بتبيش بي نفسك
28- عليك الله عليك الله فك الباص
29- بوزك بحلك مرات بس ما تكتر منو
30- في اعمامك كبار حفارين شديد ما تستهزأ بيهم ببشعو بيك
31-العفيص و القريص ديل عادي في اي تمرين فعشان كدا ما اي شي فاول
32-البيضة حارة شديد بس ما نهاية الدنيا اعمل رايح
33-التمرين الفيهو معرصين برا دا احلى تمرين
34- لمن تجي التمرين متأخر ما معناتا لعاب
35- البلم الشير غالباً ما بدفع
36- سيد الميدان عندو كفر تاني لكن ما بطلعو الا تجيبو الطيرتو برا
37- غالباً البلعب رابطة ما عندو بيها علاقة بس بكون مليق و شوات
38-اركب البركبك يا صحبي
39-ما تدردق زميلك بالباص عشان ضميرك هيأنبك بعد العلبة الهتتفتح فيو
40- لعبت الباص ولا لسة؟
لو عندك اضافة ولا زيادة ما تحرمنا منها يا لعاب ❤️
جاري تحميل الاقتراحات...