الغلطه اللي غلطتها خلية التعامل مع أزمة الكورونا في مصر ، لما في بداية الوباء صدرت شعور ان اي حاله مصابه هيتم عزلها في إحدى مستشفيات العزل ، و ما فهموش الناس ان اي حاله مصابه ممكن يتم عزلها ذاتيا في البيت و متابعتها بأي وسيله و ان العزل فقط يختص بالحالات المتقدمه،
او الحالات اللي بعد عزلها منزليا حصل تطور سلبي لحالتها، انا دكتور و بتواصل مع زمايلي المنتشرين في كذا دوله و كله بينقل تجاربه، الكل قال ان ده اللي بيحصل في معظم الدول سواء اوروبا او دول عربيه، و كلهم أجمعوا ان ده إنهاك لمؤسساتنا الطبيه في بداية معركه ما حدش عارف هتستمر لامتى
بناء عليه في الايام الاخيره لما بدأ كثير من الناس يحس بأعراض الفيروس، بقى كل واحد ياخد نفسه و ينزل و هاتك يا لف بين المستشفيات و معامل التحاليل و الاشعات، ز غالبا ما بيلقاش مكان و بتكون المحصله اختلاط اكتر و إمكانية انتقال العدوى للمصاحبين معاه او اصلا هو ميكونش مصاب ويصاب
و في الاخر أهدر وقت هو كان في أمس الحاجه له عشان يعزل نفسه و يبدأ خطوات العلاج قبل ما الوضع يتدهور و قبل ما يخالط ناس اكتر في رحلة البحث عن مكان للعزل، مش هايقدمله اكتر من اللي كان هيعمله لنفسه لو صحته كويسه ✋
المشكله الأكبر ان خلية إدارة الازمه بدل ما تستعين بكل خبرات الكادر
المشكله الأكبر ان خلية إدارة الازمه بدل ما تستعين بكل خبرات الكادر
الطبي في مصر سواء القطاع الخاص او حتى المعاشات، لأ ده خوفتهم و بدل ما تحفزهم على المساعده بقى الطبيب او الصيدلي اللي يبلغ عن حاله مشتبه فيها و يثبت ايجابيتها بدل ما يشكر، لأ ده العياده او الصيدليه تتشمع و تاخد في ايديها معمل التحاليل و مركز الاشعه!!
و بالتالي أخرجت اكتر من ٧٠% من قوة الكادر الطبي خارج المعركه، خاصة أن احنا عارفين ان العيادات و المستشفيات و المراكز الخاصه و الصيدليات تمثل جزء كبير من المنظومه الطبيه في مصر لا يجب الاستهانه بها .
جاري تحميل الاقتراحات...