رتبها

مساء الخير عليكوا 🌸
النهارده هكلموا عن حب الشباب (Acne vulgaris)
اللي قارف ناس كتير و غالبا بيعمل احراج و عدم ثقه بالنفس بالذات لو في مناسبة معينه
....
تابع معايا الثيرد ده ومش هطول عليك.. هختصرلك كل الي محتاج تعرفه عن الموضوع و ازاي تخلص من مشاكل حب الشباب
.

....
ف الاول لازم اقولكوا اسباب الحبوب دي عشان تبقوا فاهمين برضوا الدنيا ماشيه ازاي،
غالباً حب الشباب بيكون بسبب تغير هيرمونات الجسم في فتره المراهقه و النمو.. طبعا ده شئ طبيعي في الفتره دي من العمر و بيكون عند اغلب الشباب
و بيتصنف كمرض جلدي
.

اسبابه :
- هرمون الاندروجين بيزيد و بيزود الزيوت في الجلد ف بالتالي بتظهر الحبوب
- هرمون التستوستيرون
- هرمون الاستروجين بالنسبه للبنات لما بيزيد بردو بيسبب حبوب
- التوتر و الضغط العصبي
- تجمع بكتريا ال propionibacterium تحت الجلد
- تجمع الخلايا الميته

*ملحوظه: السجاير و السكر الزياده بيزودوا حب الشباب.
حب الشباب مرض جلدي معدي؟ اه معدي لانها بكتريا تقدر تتنقل بسهوله من شخص للتاني يعني خلي لنفسك فوطه مخصوصه و ادواتك الشخصيه متخليش حد يستعملها معاك..مش عيب علي فكره ولا انانيه بالعكس الناس النضيفه الواعيه هم اللي بيهتموا

بالتفاصيل دي لانها مهمه
العلاج:
بالنسبه للعلاج لازم نتفق ان مش كل الناس هيناسبهم نفس العلاج بسبب اختلاف انواع البشره.. يعني ممكن علاج يجيب نتيجه مع واحد و ميجبش مع غيره و ساعات ممكن يعمل بعض الالتهابات..فانا هقول بشكل عام الادوية اللي تنفع مع اغلب الناس+النظافه الشخصية مهمه

علي الاقل اغسل وشك مرتين في اليوم ب صابونه كبريت او استعمل صابونه سيباميد
اولا العلاجات الموضعيه زي المراهم و الكريمات و دي انا شخصيا بفضلها لاني مبقدرش استحمل ليمون او خميره علي وشي مثلا
1- مرهم مضاد حيوي clindamycin
2- مضاد حيوي برضو erythromycin

3- جل ادبالين بينضف البشره و بيشيل البكتريا
4- مرهم fucicort
5- Himalaya Acne –N – Pimple
كريم فعال جداً
6- Garnier Skin Naturals Pure Pimple Control Pen
7- Biotique Chlorophyll Oil Free Anti Acne Gel Ecopack

لو عايز تخلص بقي من حوار حب الشباب ده خالص و تريح دماغك في جلسات ليزر بتتعمل بتحرق الغدد الدهنيه خالص متخليش الحبوب تطلع تاني
*ملحوظة: لو استخدمت علاج معين و حسيت انه بيدايقك او بيهيج بشرتك وقف متستعملوش تاني.
نصايح:
- اتعودوا تشربوا مياه بكميات كافيه يوميا

- بالنسبه للبنات حاولوا تتجنبوا استخدام المكياج و الكريمات الدهنيه
- متحطش ايدك علي وشك كتير عشان انت من غير متقصد بتنقل البكتيريا و بتوزعها في وشك
- العبوا رياضه لو نص ساعه في اليوم عشان تقللوا الضغط العصبي و لتحسين المزاج عشان النفسيه عليها عامل في ظهور الحبوب

بالنسبة للعلاجات الطبيعية :
(انا شخصياً مبفضلهاش لان بحس نفسي شيف شربيني وانا بتكلم ف الحاجات دي :D بس طبعاً فعاله و بتجيب نتايج كويسة لليقدر يحط الحاجات دي علي وشه او مناطق الحبوب بشكل عام)
1- زيت جوز الهند
2- بيكينج بودر بيتحط عليه شويه ليمون و حطه علي الحتت اللي فيها حبوب

3- التلج.. مشي مكعبات التلج علي وشك من وقت للتاني بينضف المسام
4- التوم برضو جامد فشخ ف حوار حب الشباب عشان فيه كبيرت و مضاد لاكسده

فالنهايه لو ولصت لهنا متنساش تلايك و ريتويد للثيرد عشان اكبر عدد من الناس توصله المعلومه .. شكرا⁦❤️⁩

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد