ثريد أحداث مجزرة القيادة وما بعدها
...
فجر يوم الاتنين دورت عربية من البيت في امدرمان الساعه 3 صباحا علي القياده وسط شائعات فض الاعتصام البنسمعها يوميا و مناوشات من الدعم لي الثوار في جهة شارع الجمهورية و الجامعه مشيت بي كبري السلاح الطبي و مشيت بشارع النيل لحدي جامع الشهيد(1)
...
فجر يوم الاتنين دورت عربية من البيت في امدرمان الساعه 3 صباحا علي القياده وسط شائعات فض الاعتصام البنسمعها يوميا و مناوشات من الدعم لي الثوار في جهة شارع الجمهورية و الجامعه مشيت بي كبري السلاح الطبي و مشيت بشارع النيل لحدي جامع الشهيد(1)
لقيت بكاسي الأمن واقفه عند إشارة مسجد الشهيد البوكسي فيهو قرابة عشرة أفراد جهاز بلباس مدني و جات كميه بصات تاتا كبيرة مليانه جنود من جهة كبري الفتيحاب و خشت شرق من مسجد الشهيد باتجاه جامعه الخرطوم انا دخلت يمين و قلت امشي بنص الخرطوم احسن لي من شارع النيل
يتبع (2)
يتبع (2)
خشيت بي الجمهورية برضو فيه بكاسي الأمن بنفس العدديه واضح انهم مؤمنين مداخل و مخارج القياده كويس، قلت احسن دخول لي القياده يكون من بري لانه كدا شارع النيل و الجمهورية و البلدية مقفلين طلعت شارع المطار لفه الجريف و بركنت في مثلث الصيانه في بري دسيت العربية في زقاق كدا وخشيت
(3)
(3)
وانا داخل القياده اتصلت علي راني فرح انت وين قال هو في جامعه الخرطوم بعمل في لايف عشان يطمن الناس انهم يجوا القياده وماف حاجه و نبدأ نجهز خبيز العيد قلت ليه تمام انا ماشي البحرية خيمه شارع الحوادث لو كتمت تعال بهناك قال لي تمام وما اشتغل بي كلامي دخلت القياده و اتفتشت كتير
(4)
(4)
اتطمنت انه المتاريس صاحيه و التفتيش كويس ما ممكن اي واحد يخش بي سلاح بالدس لقيت شباب شارع الحوادث بلعبوا في ليدو قعدت معاهم و بتونس مع هيمو بالتلفون انه الأمور تمام و نومي علي كدا الكلام دا الساعه 4 صباحا امل العالم قالت لي جاهز تموت معانا قلت ليها ما بخليكم تموتوا براكم
(5)
(5)
محمد النتيفه كان مصر انه الناس كلها تصلي الصبح حتي الناس الما بتصلي تقوم تتوضا و تصلي يمكن يكون دا آخر يوم لينا المهم الساعه خمسه بالزبط جات تاتشرات الدعم مجهزة بي ثنائي و ار بي جي و قرنيت و طبعا كلاشات و فيه قريب عشرة افراد شوالات و برميل موية و اكل يعني ناس ماشه تحرر حلايب (6)
التاشترات واضحه فيها لوحات ق د س و جات من جهة قياده الأركان المشتركة و حاوطت القياده لحدي صينية بري عملوا فاصل بين الثوار و سور القياده بعدها جات بكاسي خمسه شنكل جديده كرت بدون لوحات فيها أفراد لابسين لبس مكافحه الشعب جديد و لابسين خوذ و درقات واي واحد عنده بسطونه او عصايه
(7)
(7)
البكاسي بقت حاجز بيننا و بين تاتشرات الدعم السريع يعني كدا فصلونا من القياده اكتر و جوه قياده البحرية كان في شوية جنود ما عندهم اي سلاح بس لابسين خوذ و بوت و بتفرجوا من السور عاجزين
الوقت داك كنت بحضر في لايف إطلاق رصاص في شارع النيل و كولومبيا اتحركت عليهم مع الشباب (8)
الوقت داك كنت بحضر في لايف إطلاق رصاص في شارع النيل و كولومبيا اتحركت عليهم مع الشباب (8)
قبل ما اوصل النفق جا اكتر من شاب مصاب بي رصاص و الحاله ما بين خطيرة و مستقرة مشيت بي سور التاسعه مشاة علي النفق لقيت الشباب بترسوا بي أي حاجه قدامهم ساعدت في حمل مصاب لحدي البحرية و بدينا نطلع البنات المعانا علي اتجاه مستشفي المعلم و رجعت تاني البحرية عشان باقي الشباب ما طلعوا 9
ضرب لي عمر قال هو في خيمتنا قعدت معاه في الرصيف قال لي اسي دي ما حقارة في بلدنا يقتلوا و نجري منهم كدا دي بلدنا نحن نجري ليه منهم
اللحظه ديك كل الاحاسيس و المنطق بغيب عنك و بجيك احساس خلاص نقعد هنا و نموت زي باقي الشهداء و خلاص دي اخر لحظاتنا في القيادة وما اشرفها من نهاية(10)
اللحظه ديك كل الاحاسيس و المنطق بغيب عنك و بجيك احساس خلاص نقعد هنا و نموت زي باقي الشهداء و خلاص دي اخر لحظاتنا في القيادة وما اشرفها من نهاية(10)
قعدنا زي خمسه دقايق كدا وسط الرصاص و قناصه العمارة المشؤومه لحدي ما ظهرت القوات اللابسه اسود في النفق و في راسنا كانو القناصه شغالين لحدي ما وصلنا مرحله نسمع صوت الرصاص بجي ماري جنبنا مشينا علي سور التاسعه مشاة و ياريت ما مشينا جنود المشاة كانو برجعوا الثوار من السور للجنجويد 11
لحدي هنا اتاكدنا انه نحن برانا ولا مشاة ولا بحرية ح يقيفوا معانا يلا هنا عرفنا انه run for your life nigga ماف حاجه حتنقذك غير رجولك الحمد لله طلعنا كل البنات المعانا قبيل بس فضلت حنين عزو طلعتها معاي و دكتورة ايمان محمود كانت مع عمر فقيري في حاله صدمه لكن كان جاريها معاه (12)
و نحن طالعين من القياده لقيت مريم كمال داخله علي القياده و برضو في حاله صدمه قلت ليها بتعرفيني انا منو قالت لي ااي انت كهربا قلت ليها ارح نجري بقينا جاريين مريم و إيمان و الاتنين بلاك اووت لحدي اللحظه دي جنجويد التاشتر و البكاسي ما ضربوا زول جنجويد التاتشر ما نزلوا اصلا
(13)
(13)
اما جنجويد البكاسي نزلوا و نحن طالعين خلاص بس ما ضربوا زول كانو بحاولوا يطلعوا الناس نحو بري مع عبارات اطلع و اجري و كم تهديد كدا ما سامعينه كويس عشان صوت الرصاص و الجري المصيبه انه مريم الشجاعه جدا كانت عايزه تشتبك معاهم وما عايزه تطلع من القياده الا جريتها بالقوة لحدي بري (14)
مع كل ترس ونحن طالعين كان في زول بقع او مصاب بتاخر عننا لحدي ما وصلنا دار الشرطة مريم كالعاده اشتبكت مع العساكر هناك و ادتهم طرحتها يلبسوها يعني شجاعه ما منظور مثيلها وسط تخاذل القوي الأمنية المهم كل همي كان نوصل اول بيوت في بري جهة الكهربا و المدرسه و ندخل فيها المصابين (15)
اول بيت دخلنا فيه ايمان متوكل كانت مصابه و عندها ازمه خفنا تموت قبل ما نوصل مستشفي دخلنا المصابين علي بيتين انا و معاي طالب طب اسعفنا البنقدر عليه و بهناك دكتورة ايمان محمود كانت بتعالج في إصابات الرصاص بس الحمد لله كلها سطحيه وماف رصاصه استقرت في جسم واحد من الثوار (16)
معظم الاصابات في البيوت كانت عباره عن رصاص و عصايات و خوذ عساكر فطرنا اكبر كميه من المصابين قدرنا عليها عشان ما يفقدوا الوعي في البيت وما نقدر نوصلهم المستشفي كان معاي مصاب ازمه و جابو ليه خبر صاحبه مفقود دا اكتر واحد كنت بهدي فيه اظن نص ساعه لحدي ما نفسه و حالته استقروا (17)
مشيت البيت التاني لي باقي الشباب عشان عندهم اربعه إصابات بي رصاص حي و فقد جزء من الدم و إيمان متوكل كانت في حاله سيئة جدا بعد سمعت خبر كشه و راني فرح و كنت بكذب عليها انهم الاتنين كويسين ما ماتو لحدي ما وريتها صورة راني في مستشفي المعلم و ما قدرت القي صورة لي كشه (18)
لحدي الساعه عشرة كنا بنحضر في قناة الجزيرة و النت بدا يقطع من الشبكات بداية من زين و سوداني اخر حاجه ام تي ان
طلعت علي مستشفي رويال كير عشان اجيب إسعاف اسوق بيه المصابين مشوا معاي عمر و مريم و إسراء @esrahatim16 لقيت عربيتين بره رويال كير جينا البيت في بري طلعنا المصابين (19)
طلعت علي مستشفي رويال كير عشان اجيب إسعاف اسوق بيه المصابين مشوا معاي عمر و مريم و إسراء @esrahatim16 لقيت عربيتين بره رويال كير جينا البيت في بري طلعنا المصابين (19)
لمن وصلنا رويال كير لقيت شباب شارع الحوادث كلهم هناك و صدقات برضو استلموا المستشفي من إدخال و تسجيل و علاج مع الأطباء و الممرضين المداومين من اليوم القبلوا الوضع كان كارثي و سبعه شهداء لحدي الساعه عشرة صباحا و حالات خطرة شديد و سمعنا اقتحام مستشفي المعلم و ضرب الأطباء هناك (20)
ما بين قصص الاقتحام و الضرب و الاغتصاب عدينا يومنا في علاج و تسجيل و رفع اسماء الشهداء لي ناظم سراج في دبي الوقت داك المستشفي كانت مليانه مصابين و مرافقين و ثوار و كل شوية بجي واحد يسأل عن ولده او اخوه طبعنا ورق فيه أسماء المتواجدين في رويال كير جو امنجية عايزين يعرفوا نحن منو 21
لحدي المغرب جا الفطور من اهل بري و كفي كل المستشفي لحدي ما لمينا جزء للعشا كمان و بدينا في إعلان العيد من داخل المستشفي و كان عيد شهيد هاشتاق في كل الميديا المتوفرة الوقت داك طلعت الساعه عشرة و نمت في سلم الدور الثاني لحدي ما صحوني قالو لي خش غرفه الجنجويد داخلين المستشفي (22)
كنت طاشي من تعب يومين و دخلت اول غرفه قدامي فيها أسرة قفلوا النور و صوت التلفزيون و التلفونات عشان الجنجويد ما يعرفوا انه في زول في الغرفه بعد خمسه دقايق قلت ليه انا ماشي اموت قدام ما يلقوني متدسي في غرفه وصلت الطابق الارضي لقيت الطاهر جاد ماسك الباب بمنع الناس تطلع بره (23)
وقفت مع الطاهر نفهم الناس انه تواجدهم في حوش المستشفى بجيب لينا الهوا خشوا جوه عشان ماف زول يعرف انه في ناس هنا ما مصابين طبعا شعب الله المنظراتي كله عنده حاجه ضرورية ماشي ليها لكن اول ما التاشترات جات بوابة المستشفي كلهم جروا اتدسوا جوه الممرات و الجنجويد طلعوا من الطواري 24
عدينا باقي يوم الاتنين في إعلان العيد و استقبال المرضي من مستشفي المعلم عبر إسعاف المعلم او الهلال الأحمر السوداني الوحيدين الكانو معترف بيهم أطباء من قبل الجنجويد حتي عربات الجيش كانت بتجيب أطباء المعلم و المرضي لحدي 12 مستشفي المعلم فضت تماما من اي طبيب او مريض 25
تلفونات شباب مبادرة علاج المرضي ما وقفت من ناظم و بكري و احمد محمد كان ضغط رهيب علي اي فرد في المستشفي متذكر ايمن سعيد كان بنوم في الكرسي وما بصحي بي التلفون عملنا البنقدر عليه لحدي صباح العيد حقنا و فطرنا بي شاي و بسكويت و أصوات التاتشرات كانت بتحاصر بري و تمنع صلاه العيد 26
الساعه 12 ظهر اول يوم في العيد جا رائد من الدعم السريع حاصر مستشفي رويال كير بعد جاته تعليمات انه يفضيها من اي فرد ما عدا الأطباء و المصابين في سراير فقط اي مصاب بقدر يمشي يطلع طوالي طبعا زعلوا بعد لايفات قناة الجزيرة من داخل المستشفي المهم ادانا ساعه كل الناس تطلع بسلام 27
بعد الساعه واحده قال بخش المستشفي يفتشها واذا لقي اي زول بقتلوا المتطوعين طلعوا اخر ناس و مشيت مع محمد السر لي بيت صاحبنا في بري غرب رويال كير مباشرة لقينا الشباب كلهم هناك كويسين و نمنا وسط إطلاق النار في القياده فرحا بفض الاعتصام و دي كانت لحظات اقسي من فض الاعتصام كان نفسه 28
صحينا بوم الأربعاء بي عيد المجلس العسكري و رجعت العربية لقيتها ما اتكسرت وصلت معاي ناس امدرمان وسط الشوارع المترسه دي كانت حاجه جميلة وسط الاحباط انه دي ما نهاية الثورة شوارع الخرطوم كانت عبارة عن جنجويد و امدرمان جيش و بحري شرطة أمنية و شغب و رغم دا كان التتريس سيد الموقف 29
ما ارتحنا من التتريس و آثار الفض كمان جاتنا عصابات النيقرز في نواحي امدرمان الوقت داك الشيخ @freesudan1912 اداني ارقام شباب في التجمع عشان اوصل ليهم الاخبار و يرفعوها لي الناس العندها نت و نوصل الإضراب العام و نجهز لي موكب يوم 30 يونيو بي قصاصات و ربط لجان المقاومة مع بعض(30)
ما قدرت احضر موكب 30 يونيو سافرت قبله و أصعب لحظه كانت. في صاله السلامه وانا مسافر خلاص كنت عايز ارجع و الغي السفر بس الوقت كان اتأخر علي القرار دا طلعت الطيارة و لقيت كابتن خالد صافي النور قال لي ما قتلوكم الجنجويد ديل كتائب الظل حتي قدرت اجمع شوية و احلل المواقف تاني (31)
تحليل شخصي مني الجنجويد و المعجا ما كانت في خطتهم فض الاعتصام بي رصاص او موت بس كان ضرب بي عصايات لكن خطتهم فشلت في أول ترس في شارع النيل لانه الثوار اتصدوا ليهم و قلعوا العصايات و الدرقات و الجنجويد جروا لي قواعدهم تاني المره دي جو مع القوات اللابسه اسود و كتائب الظل 32
هنا كان شغل جهاز الامن و كتائب الظل واضح جدا في ضرب النار علي الثوار و علي الجنجويد سواء و طبعا الجنجا كانو جايين جداد من نيالا اول مره يشوفوا القياده وما عارفين الضرب دا جاي من وين اتعاملوا بي طبيعتهم الحيوانيه و ضربوا نار عشوائي علي الثوار و و استهدفوا اولاد الغرب اكتر 33
حتي اصحابي وهم طالعين من القياده كان بقولوا في اي ارتكاز لي الجنجا كان بمرروا اولاد العرب بعد يدقوهم و يحلقوا ليهم لكن اولاد الغرب بقعدوهم علي جنب وما معروف عملوا ليهم شنو ودا بوضح حقيقه انه الجنجا ديل اول مره يجوا القياده و يشوفوا الشوارع مترسه لانه بقولوا عاين الكفار ديل 34
نجي لي شهادة لجنة اديب مشيت الصباح و متفق مع موو موسي و كروكي @moou96afa @moo_musa بس كان في عدد قليل من وكلاء النيابة عشان ياخدوا الشهادات انتظرنا كتير لحدي ما دخلت الساعه 4 لي وكيل النيابة وكان بفطر يادوب قلت ليه كمل فطورك و بجيك بعد تخلص حقيقه كل الوكلاء كان بفطروا العصر 35
في مبني اللجنه لقيت ميسون النجومي و اتذكرتني بعد مسافه اني كنت معاها في البيت في بري و بطمنها علي اولاد اختها و بكت معاي كتير و اتذكرنا كل تفاصيل اليوم داك و خشيت لي وكيل النيابة الأخد مني أفاده مختصره جدا و دقيقه ما بقدر الومه لانه في تفاصيل كتيرة و الزمن كان ضيق جدا 36
ما قلت كل الكلام الفوق دا لي وكيل النيابة او هو ما كتبه كله بس اخد أفاده لحدي ما وصلت صينيه بري و اتمنيت اوصل المحكمه كواحد من الشهود عشان احكي كل حاجه سجل اسمي كامل و رقم تلفوني وما طالبت بي سريه الشهادة دي عشان ما ح نوقف امل انه في يوم ما ممكن يتحاكموا علي المجزرة 37
زي ما كل سنين شبابي كنت بطالب بي إسقاط البشير و محاكمته كمان ح اظل اطالب بي محاكمه البرهان و حميديتي و قوي الحرية المشاركة في فض الاعتصام و متأكد حيجي يوم و نشوفهم في المشانق
ما ح أوقف امل الا لمن اموت 38
ما ح أوقف امل الا لمن اموت 38
من يوم فض الاعتصام لحدي الليله متمني امشي القياده و ابكي حقيقه لي سنه ما بكيت علي اليوم دا و
ما قدرت افرح بي توقيع الاتفاق علي المرحله الانتقالية غير انه اتفاق ضعيف بس برضو عشان الشهداء الكتار الماتو بدون سبب و كان ممكن التوقيع في حضورهم و فرحه العيد في القياده لو لو لو 39
ما قدرت افرح بي توقيع الاتفاق علي المرحله الانتقالية غير انه اتفاق ضعيف بس برضو عشان الشهداء الكتار الماتو بدون سبب و كان ممكن التوقيع في حضورهم و فرحه العيد في القياده لو لو لو 39
ما كل الذنب علي العساكر لأنهم في الاخر عساكر ما منتظرين منهم حاجه غير قتل أفراد الشعب السوداني لانه ما حصل حاربوا جيش في الحدود بس كل اللوم علي قوي الحرية و الاحزاب و التجمع عشان ما قدروا اللحظه التاريخيه الهم فيها و قادوا البلد و الشباب لي مستقبل مشرق و دولة ديمقراطية 40
جاري تحميل الاقتراحات...