نتكلم شوية عن عالم ما بعد الكورونا (خلينا دايما نبص لقدام) 😁
افي أزمات بتجبر الإنسان على أنه يرجع خطوة لورا في استخدام التكنولوجيا زي مثلا الكوارث الطبيعية ممكن تؤدي لإنقطاع الكهربا أو أزمات اقتصادية تخليك مكمل شوية في التكنولوجيا القديمة لحد ما ترخص فتعرف تشتريها. في أزمات مختلفة خالص، بتدفعك للتكنولوجيا الأحدث منها اللي احنا فيه ده
من الأمثلة للأزمات اللي بتدفعك للتكنولوجيا الحروب. الحرب العالمية الأولى والثانية كانت من الأسباب الرئيسية للتطور في مجالات الاتصالات، العربيات، الطائرات، حتى تعليب الأكل. اللي شايفينه أن أزمة كورونا بالفعل بتدفعنا دفعا لشكل عالمي جديد تكنولوجيا الاتصالات والمعلومات في قلبه.
خلينا نفتكر أننا في النصف الأخير من "عصر المعلومات" بمعنى أنك لو مكنتش بتتعامل بالEmail سنة 1992 كنت هتقدر تعيش، أنما في 2020 لو مش بتتعامل بال Email فدي مشكلة تخليك مش جزء من النظام الاقتصادي. لحد سنة 2019 فكرة أنك تشتغل من البيت كانت شيء اختياري أما 2020 فضرورة. ده اللي بيحصل.
مش بنقول أن التكنولوجيا هتتغير ولا أن الروبوتس هتتطلع تشتغل بدالنا بكرة، كده كده الثورة الصناعية الرابعة شغالة في الاتجاه ده، أنما عشان نقدر أصلا نوصل لأن يبقا عندنا option أن روبوت يشتغل بدالك في مصنع، لازم حضرتك تبقا جاهز ومتعود تشتغل (او تشفلك) شغلانة تعملها من البيت
من ضمن التغيرات اللي بتحصل فكرة أنك تسافر تعيش بره عشان تشتغل، مابقاش ليها معنى، انت تتعلم اللغة كويس وتشتغل من بيتكم في بلدكم وأهلا بال online call وحتى تركز في تنمية بلدك بدل ما تبقا عبئ على بلد تانية. ولو على المرتب فنعمل زي الUN حسب بتشتغل فين يبقى فيه adjustments على المرتب
اللي بيحصل أن كل كبار صناعة التكنولوجية في التحول الرقمي بميزانياتهم الضخمة بيستغلوا الأزمة عشان يحققوا التحول ده بأسرع وقت عشان المكاسب ويحصلوا على أكبر كم من البيانات اللي ممكن بيها نطور من الذكاء الاصطناعي وخلافه عشان نحضر للثورة الصناعية صح وتخرج من المعمل للسوق
وعلى ما يبدو فالتكنولوجيا اللي بدأت بجهاز أتاري كنا بنلعب بيه بتتحول اليوم لأنها هي اللي بتلعب بينا. اصحوا للكلام 😄
جاري تحميل الاقتراحات...