فى سنة 2016 ابوي "الله يرحمه” وقع وكسر مفصل المخروقة،انا كنت خارج السودان ورجعت بعد الحادث بيومين ،لقيته منوم فى المستشفي فى بورتسودان ،اخصائي جراحة العظام حدد ليه العملية بعد يومين.
فى اليوم المحدد منتظرين يبدأوا فى الاجراءات مافي زول جانا ،اليوم انتهي وسألت ادارة المستشفى
فى اليوم المحدد منتظرين يبدأوا فى الاجراءات مافي زول جانا ،اليوم انتهي وسألت ادارة المستشفى
قالوا لي الدكتور طلب تأجيل العملية 😳، قلت من غير مايكلمنا ؟
اتصلت عليه ورد علي انو حيجيني بعد ماينتهي من العيادة !!
جاء المساء متأخر واعتذر انو ماكلمنا بالتأجيل لأنو هو لأخر لحظة كان متوقع انو العملية تتعمل بس الاخرو انو فى اخصائية تخدير هو بيشتغل معاها يومها كان مشغول عمليات
اتصلت عليه ورد علي انو حيجيني بعد ماينتهي من العيادة !!
جاء المساء متأخر واعتذر انو ماكلمنا بالتأجيل لأنو هو لأخر لحظة كان متوقع انو العملية تتعمل بس الاخرو انو فى اخصائية تخدير هو بيشتغل معاها يومها كان مشغول عمليات
اليوم داك كان يوم ثلاثاء ادانا مواعيد الخميس وبرضو تكرر نفس السيناريو تأجيل والمرة دى الحجة جديدة،قال لي ابوك دا عنده هيستوري بتاع سكري وضغط وجاتو جلطة قبل خمسة سنوات وانا خايف ولازم اعمل كل إحتياطات ممكنة ،فى الوقت داك ابوي كان بيتألم شديد بس هو كان صبور ومابحسسنا بأي شئ
ظهر ليه ارتفاع فى كريات الدم البيضاء بسبب التهاب وقعدوا يدوه فى مضادات حيوية ودى كانت حجة جديدة انو لو مانزل مستوي الالتهاب هو مابقدر يدخلو العملية !!
بعد تلاتة ايام استجاب للعلاج والالتهاب راح،حددنا لينا العملية بعد يومين وطلب مننا انو ننقلوا مستشفي العشي بتاع حوادث العظام
بعد تلاتة ايام استجاب للعلاج والالتهاب راح،حددنا لينا العملية بعد يومين وطلب مننا انو ننقلوا مستشفي العشي بتاع حوادث العظام
بعد يوم من دخولنا مستشفي العشي،بدأ اضراب الاطباء الشهير فى 6 اكتوبر 2016 (إستمر اسبوعين)،اخصائية التخدير رفضت العمل وقالت هي ملتزمة بالاضراب مع زملاؤها فى النقابة.
اخصائي جراحة العظام مصر انو مافي زول يشتغل التخدير غيرها هي !!!
تلفونات ووساطات وتدخل جهات ومعارف ولاحياة لمن تنادي
اخصائي جراحة العظام مصر انو مافي زول يشتغل التخدير غيرها هي !!!
تلفونات ووساطات وتدخل جهات ومعارف ولاحياة لمن تنادي
فى يوم الصباح انا بغير لابوي لاحظت انو بدت تظهر عليه قرح السرير من الرقدة (كان تم ليه 12 يوم) ،انا انفعلت جدا ومشيت سودانير عشان امشي الخرطوم لأنو دي بقت جرجرة من دكاترة بورتسودان ،صادف انو فى طيارة جاية من القاهرة ترانسيت حجزنا اربعة مقاعد (ابوي تلاتة مقاعد للنقالة) وانا مرافق
قبل ما اسافر اتواصلت مع طبيب اخصائي فى مستشفى شهير بالخرطوم وشاف صور الاشعة وقال لي بشتغل العملية وبركب ليه جهاز المخروقة لكن العملية دي بتكلفكم 39 مليون جنيه،من غير الادوية قلت ليه موافقين،سافرنا ووصلنا فجر الاحد وناس المستشفي رسلوا اسعاف اخدونا من مطار الخرطوم
وصلنا المستشفى وبدأوا فى الفحوصات والاجراءات ودخل العمليه يوم الاثنين الساعة 7 مساءا وطلع منها الساعة 11 مساءا ،الاخصائي جاء مبسوط وبارك لينا نجاح العملية وطلعنا للغرفة،تاني يوم بدأوا فى تمارين العلاج الطبيعي والتمشي وابوي كان ماقادر وبيتألم
يوم الخميس طلعونا البيت،تاني يوم صباح الجمعة حصل نزيف شديد لجرح العملية قمنا رجعنا المستشفى ،راجعوا الجرح وقالوا طبيعي ومافي حاجة وخرجونا البيت تاني.
بعد اربعة ايام ابوي حلف علي انو اسافر لأنو ان اولادي لوحدهم والشغل وكدا،وانو مافي عوجة هو قاعد مع اخوانه واخواته
بعد اربعة ايام ابوي حلف علي انو اسافر لأنو ان اولادي لوحدهم والشغل وكدا،وانو مافي عوجة هو قاعد مع اخوانه واخواته
ومعاه اختي واولاد اخوانه واخواته،فعلا راجعت الدكتور وطمني وسافرت من الخرطوم.
بعد سفري باربعة ايام ابوي تعب شديد والالم زاد والحركة بقت مافي،رجعوا المستشفى الاخصائي قابلهم قال انو جسمه رفض الجهاز وحنعمل عملية نطلعه منو ونركبه تاني بعد اسبوع ،انا اتصلت علي الاخصائي وكلمته انو يطلع
بعد سفري باربعة ايام ابوي تعب شديد والالم زاد والحركة بقت مافي،رجعوا المستشفى الاخصائي قابلهم قال انو جسمه رفض الجهاز وحنعمل عملية نطلعه منو ونركبه تاني بعد اسبوع ،انا اتصلت علي الاخصائي وكلمته انو يطلع
الجهاز وبس ومافي داعي لتركيبه تاني قبل العملية دي ،ابوي كان عامل 4 عمليات وجسمه ماحيتحمل مشارط وتخدير،قال لي حتكون فى رجل اقصر من التانية قلت ليه مامشكلة لأنو اساسا قاعد فى البيت.
المهم اتعملت العملية والجهاز طلعوه منه .
بعد العملية ابوي كان مُصر انو يرجع بورتسودان بالرغم من انو
المهم اتعملت العملية والجهاز طلعوه منه .
بعد العملية ابوي كان مُصر انو يرجع بورتسودان بالرغم من انو
بحب امدرمان جدا لأنو اهله وأصحابه هناك ،رفض يقعد وقال الا يرجع بيته فى بورتسودان،وفعلا رجع بعد خمسة ايام من العملية،كان بجيه مساعد طبي فى البيت لنظافة جرح العملية والعناية بيه.
بعد وصوله باسبوع تدهورت حالته وصعدت روحه إلي بارئها فى يوم 15 نوفمبر 2016
بعد وصوله باسبوع تدهورت حالته وصعدت روحه إلي بارئها فى يوم 15 نوفمبر 2016
تعددت الاسباب والموت واحد،ولكن هناك مواقف لن انساها:
1-مماطلة اخصائي جراحة العظام وعدم مصارحته لنا.
2-امتناع اخصائية التخدير من العمل بالرغم من ان حالة ابوي كانت حرجة وتبريرها بأنها "حالة باردة".
3-عدم نظافة غرفة عمليات المستشفى الخرطومي مما تسبب فى التهاب ميكروبي لجرح العملية .
1-مماطلة اخصائي جراحة العظام وعدم مصارحته لنا.
2-امتناع اخصائية التخدير من العمل بالرغم من ان حالة ابوي كانت حرجة وتبريرها بأنها "حالة باردة".
3-عدم نظافة غرفة عمليات المستشفى الخرطومي مما تسبب فى التهاب ميكروبي لجرح العملية .
مثلما سعي الاطباء مع السلطة لسن قانون يحميهم من اعتداءات المرضي ومرافقيهم ،ارجوا ان يحترم "بعض الممارسون الصحيون"حقوق المرضى وان يعملوا علي تلافي مثل هذه الاخطاء ،الطب مهنة وليس عملا تطوعيا وعلي من لايتقن عمله البحث عن مهنة أخري لأن الخطأ هنا يتعلق بحياة بشر.
جاري تحميل الاقتراحات...