وائل عباس شبط في احمد الغندور (الدحيح) وفريق العمل بتاعه قال ايه عشان سرقوا منه مقال عن الصين وعملوه حلقة، الغندور نفضله قام وائل عباس استشاط غضبًا وطلع ١٣ حلقة للدحيح مسروقين من محتوى ناس تانية. قوم وائل عباس نفسه يطلع سارق مقالة عن الهند ومترجمها نقل مسطرة من مصدر أجنبي.
تسخن الخناقة ويطلع المقال محل النزاع بتاع وائل عباس عن الصين اللي اتسرق واتعمل فيديو للدحيح هو نفسه في الأساس محتوى منقول بالنص وبدون ابداع من فيلم وثائقي قديم لهيئة الاذاعة البريطانية BBC عن الصين. والموال ده بقى مصادره العظيمة ايه؟ كتابين لمعارضين من هونج كونج لاجئين في أمريكا.
مقال وائل عباس عن الهند الملطوش بالنص بدون أي اضافة او تعديل. ترجمة ونشر مباشرة.
hunasotak.com
بس الله ينور ياسطى عليك تغيير فقرات انما ايه عنب.
لينك المقال الأصلي:
qz.com…
hunasotak.com
بس الله ينور ياسطى عليك تغيير فقرات انما ايه عنب.
لينك المقال الأصلي:
qz.com…
مقال وائل عباس عن الصين سبب الأزمة:
almanassa.com
لينك حلقة الدحيح الملطوشة من المقال:
youtu.be
لينك فيلم الBBC الوثائقي عن الصين، المصدر الرئيسي اللي الاتنين نقلوه من بعض.
youtu.be
almanassa.com
لينك حلقة الدحيح الملطوشة من المقال:
youtu.be
لينك فيلم الBBC الوثائقي عن الصين، المصدر الرئيسي اللي الاتنين نقلوه من بعض.
youtu.be
المهم لو دورت شوية ودققت ورا مصادر المعلومات في وثائقي الBBC هتلاقيها كتابات معارضين هاربين من هونج كونج او الصين ومعاشوش الفترة دي أصلًا، طب معلش دورلي الجماعة دول مصدرهم ايه؟ شهادات فلاحين ووثائق سرية للحزب الشيوعي الصيني. فين ياسطى بقى الفلاحين والوثائق دول؟ مانا قولتلك سرية.
الموضوع في غاية الضحك سواء مقالات رأي منقولة نقل مسطرة أو معلومات تاريخية مشكوك في صحتها كله بيتسرق وبيتترجم ويتسقى بمعلقة في بوقك كحقائق وابداع شخصي بدون أمانة في محتوى المعلومة نفسها أو في السرقة ونسبها لنفسهم. عزيزي المتلقي العربي كان الله في عونك من الهلافيت.
شوف إمعانًا في البجاحة وائل عباس اللي عمري ما احتكيت بيه على فيسبوك يظهر ان حد بعتله الثريد فا دور ع الاكونت الشخصي بتاعي هناك وعملي بلوك 🤣 بس عرفت اوصل للرد اللي كتبه دفاعًا عن نفسه واعتمادًا على ان دروايشه مش هيدوروا وراه. بص على التبرير وانزل ع التويتة اللي بعد دي هتعجبك.
الكابتن عشان ينفي عن نفسه تهمة السرقة حاطط فقرة مقتبسة من كتاب وبيقول ما انا ناقل من كتاب وقايلكم اسم الكاتب اهو، طب بالنسبة للمقال الاصلي ناحت منه كام فقرة ومترجمهم زي ما هم يا باشا؟ عد ورايا بقى.
لاحظ عزيزي القارىء، الفقرات مترجمة ومنقولة بالنص مش ملخصها وواخد الفكرة العامة وضايف عليها معلومات تانية نتاج بحثه او فهمه للكتاب مثلا. لا ده كوبي بيست للفقرات كاملة من المقال التاني وترجم يا باشا. وهي دي السرقة المقصودة. مش الاقتباس لا. السرقة هنا هي النسخ بدون أمانة ذكر المصدر.
عاوز تشوف الضحك الحقيقي على أصوله بقى؟ الفقرة اللي بيدافع بيها عن نفسه وبيقول مذكور فيها اسم صاحب الكتاب هي نفسها منقولة نصًا برده من المقال المنحوت. الله ينور ياسطى متفكرش تاني بقى 🤣
@puremind01 @IPikachu0 وقعنا في شلة حرامية عاملين صناع محتوى
توضيح عشان الناس اللي بتيجي تحدف عليا بديهيات، المعلومات متاحة دايمًا وموجودة في كل حتة ومش صعب العثور على مصادرها الكاملة لكن قواعد البحث والأمانة العلمية بتقول السرد والترتيب لنفس الموضوع بيختلف وكل واحد تعب واجتهد ولخص ورتب حاجة في مقال او فيديو كده السرد ده بقى ملكه فكريًا.
كمثال: لو انا قعدت شهر بعمل بحث عن علاقة دورة تكاثر سمكة البساريا بأزمة الكساد الكبير في القرن العشرين وفي سبيل ده جمعت الكتب والابحاث العلمية المهمة اللي اتعملت عن الموضوعين ونجحت الخص وادون ملاحظات واطلع استنتاجات بسرد وترتيب وربط معين وبعد كده نشرته بإسمي وقرأه ١٧ نفر.
بعد نشره يطلع ضمن ١٣ مليون بحث اتنشروا عن نفس الموضوع بس عملته بأسلوبي وترتيبي والربط بطريقة معينة ده بتاعي وبإسمي خلاص. بعدها جه شخص مشهور من بلد تانية خد البحث ترجمه حرفيًا بلغته وصوره فيديو بنفس الترتيب والتفاصيل والربط بتاعي ومقالش اسمي حتى كتب تحته بس نفس مصادري اللي جمعتها.
هو هنا كده سرقني علنًا منقلش عني لأنه مذكرش اسمي أصلا ولا اقتبس مني الفكرة لأنه لا أضاف ولا غيّر فيه هو نسخه بالنص. وحتى المصادر اللي انا تعبت عشان أجمعها واربط بينها مفتحهاش هو نقلها زي ما هي. الموضوع ده مفروض بديهي جدًا لأي حد عارف أساسيات البحث والأمانة العلمية وأصول الاقتباس.
المثال اللي شرحته ده هو بالظبط اللي حصل من اسطوات نحت المحتوى المشاهير سواء وائل عباس او الدحيح وفريق العمل بتاعه، النسخ بالكامل بدون إشارة لصاحب الجهد الأساسي. هل ده يعني إهالة التراب عليهم؟ لا لان لهم حجات تانية كويسة بس انعدام الأمانة والسقطات المدوية دي بتنسف المصداقية للاسف.
@quisay771 بالظبط، والكلام ده يسري على المقالات والابحاث العلمية وحتى مقالات الرأي. لو زاد الاقتباس عن ٢٠٪ أصبح محتوى منقول او مقتبس مش محتوى جديد لان الكاتب كده مبيقدمش حاجة من ابداعه الشخصي. ده مع اعترافه بالاقتباس ما بالك باللي مترجم فقرات كاملة تعدي ال٨٠٪ من مقال تاني وناسبه لنفسه.
جاري تحميل الاقتراحات...