تحت التغريدة دي الزول ده إسمه "قمبيز" شوفوا قصته شنو
#تاريخ_السودان
#تاريخ_السودان
كان ملك فارسي استولى على مصر سنة ٥٢٥ قبل الميلاد. المهم سمع بي منطقة اسمها نبته جنوب مصر قالو غنية ومليانه دهب فل بس احتلاله صعب شديد خصوصاً عبر النيل لانه في حجار وجنادل وشلالات بتعيق عبور سفن الجيش اضافة الى الحصون العلى النيل الحارسنها الجنود اصحاب السهام والقوس.
المهم قمبيز ده ما اقتنع قام رسل ٤ من حرسه الخاص قال ليهم امشو لي ملك نبته وادوهو الهدايا دي وكشفوا شوفو نقطة ضعفهم وين😉. الجماعة مشو واول ماوصلو جابو الهدايا لملك نبته كان اسمه (نستاسن) عبارة عن حرير فارسي وعطور يازول واجود انواع الخمر من العنب الاحمر.
المهم الملك نقشهم يافردة😂 قام قال ليهم ملكم ده ماراجل ولا فيهو صفات الملوك لانه داير يحتلى ليهو ارض اصحابه ماسألوه ولا ضروه. لكن بقول ليكم هاكم القوس والسهم ده لو فيكم راجل يقدر يشد الوتر حقو ده؟
بتقدرو تب على احتلالنا اما لو قمبيزكم المجنون ده غلبوا يشد الوتر حق القوس قولولو راحت عليك وشوف ليك شغلة اشتغلة نحن مافاضين ليك. المهم قام الملك "نستاسن" اخد الجواسيس ديل في جولة حول المدينة وراهم انه المساجين مقيدين بالدهب شدة مو راقد تفل في نبته😂
ووداهم شافو حاجة اسمها مائدة الشمس ودي عبارة عن حلل كبييرة شديد مليانه لحم مسلوق الناس تاكل سااااي ومجان في الشوارع زي "الكرامه" العندنا هسي😊 المهم الجماعة رجعو لي قمبيز العوير هههههه وحكو ليه القصص دي كلها
قام زعل زعل شديد وقال ليك شال القوس فناهو وكفت ليك قائد الجواسيس وقال ليهم جهزو الجيش والعربات المدرعة وارحكاكم نحتلى نبته ونعدمهم طافي النار. الجماعة جهزو الجيش وقالو ما يمشو بمحازاة النيل لانه الكوشيين بعوقوهم😂
المهم سلكو طريق الصحراء وقالو لمت فيهم عجاجة وتلقيحة وكتاحة من النوعية البتشيلك من عنقريبك ديك😂 علي الحليفة قالوا جماعتك طشو وماعرفو الدرب البرجعهم وقالو لا دريبي ودريبك ده مو عارفين جيش قمبيز غطس وين😂😂
😊
جاري تحميل الاقتراحات...