بقالي من اول الأزمة مترددة اكتب حاجة كدة عشان نقاشات الصحة وبالتالي الاغلاق أفضل وللا الاقتصاد وبالتالي الفتح بقيود أفضل، ومش عايزة اكتب حاجة صادمة بس بما اننا شفنا صدمات بعدد شعر راسنا فممكن اكتب بقى خلاص جتتنا نحست. فممكن نفهم ليه كل تجربةمختلفة وازاي بيتاخد قرار الاغلاق/الفتح.
هل حياةالبشر ليها قيمةمادية؟ يعني ينفع نحطلها رقم ويتقارن حسب وجود الشخص في مكان ما على الكرة الأرضية؟ فيه مصطلح اقتصادي اسمه القيمةالاقتصاديةللحياة أو التكلفة الضمنيةلمنع الوفاة VPF or ICAF.الطريقة دي بتستخدم لتحديد السياسات العامة في موضوعات مؤثرة على آلاف من البشروعلى الاقتصاد
علشان المصطلح يبقى أقل قسوةاتسمى القيمة الاحصائية للحياة VSL. فيه ابحاث وأوراق عمل على مواقع وزارات في دول كتيرلتحديد للقيمة دي بالدولارعشان نقدر نقارنها من سنة لسنة ومن دولة لدولة. القيمة دي في فرنسا وكندا مثلا عاليةجدا مقارنة ب دول زي السويد والنرويج ومتدنيةجدا في دول زي تركيا.
طبعا القيمة دي اللي هي بتساوي تكلفة على الدول للحفاظ على حياة أي شخص على ارضها وبتتقارن بعائد بكل حياة بيزيد مع التقدم في العمر وبيزيد مع تقدم الدولةوزيادة متوسط دخل الفرد فيها. دة مثلا تقدير مقارن معمول سنة١٩٩٧ وطبعا بيتغير كل سنة بس الجدول دة لقيته جامع عدد وتنوع كويس من الدول:
مش بس الدول ولكن منظمة الصحة العالمية استندت للفكرة دي لتقييم النفقات الصحية اللي هتزود حياة الفرد سنة إضافيةبدون مشاكل صحية والأبحاث لقت إن الرقم دة ماينفعش يتجاوز ثلاث مرات إجمالي الناتج المحليGDP للفرد وإلا الأفضل عدم الانفاق عليه صحيا. طبعا الفكرة عليها خلاف أخلاقي كبير لكن..
الحسابات المخيفة واللي تبان لاإنسانية مش بس في الانفاق على البند الصحي من عدمه،لكن مثلا في أمريكا لقوا إن إنقاذ حياةشخص واحد بالانفاق عليه صحيا يؤدي إلى ضياع 200 وظيفة،وانخفاض الأجور، وانخفاض الناتج المحلي ومعنى كدة الدخول في دايرةمغلقة هتؤدي لوجوب تخفيض الانفاق الصحي مش اختياري.
المعضلة الأخلاقية(الصحةمقابل الاقتصاد)مؤجلةفي دول ذوي ناتج محلي اكبر او بتقدر القيمة الاحصائية للحياةأكتر واقتصادها يصمد لكن في حال إن الأزمةمستمرةلوقت طويل فحتى الدول دي موجودةفي أزمة اخلاقية بالفعل وفي شرع الدول الاقتصاد مهم والصحةبتقوم بالانتخاب الطبيعي للي يقدر يقوم الاقتصاد.
دة رد زميل وصديق عزيز في مجال التأمين وطبعا مبدأ VSL مستخدم دايما في شركات التأمين لتقدير التكاليف للتأمين الصحي أو الحياة أو غيره. الرد جميل وعبقري في ربطه.
المشهد من فيلم Fight club اللي بيتكلم عن القيمة الاحصائية للحياة VSL . بيشرح بطريقة مبسطه جدا من وجهة نظر شركة لصناعة السيارات اكتشفت عيب فني في موديل ممكن يسبب زيادة عدد الحوادث، وكان القرار عدم سحب كل العربيات من السوق وتصليحها مقابل انها تسيبها وتدفع تعويضات للي يحصلهم حوادث.
جاري تحميل الاقتراحات...