رتبها

🛑توضيح مهم
===========
من يومين انتشر خبر ان تركيا هتبدأ تنقب على الغاز في شرق المتوسط وناس شيرته وكانت مبسوطه او شمتانه في مصر معرفتش احدد موقفهم الحقيقي وفيه ناس شافته ضعف في موقف مصر او تخاذل او تفريط في حقوقها في التنقيب عن الغاز ..

⭕️ اولا المنطقه اللي بتقول تركيا انها هتنقب فيها دي مواجهه لمنطقة الجبل الاخضر .. وهي خارج الحدود الاقليميه للدوله المصريه نهائيا ..
⭕️⭕️ ثانيا البرلمان الليبي اعلن رفضه للاتفاقيه من الاصل وبالتالي هي غير نافذه في القانون الدولي

⭕️⭕️ ثالثا وده المهم جدا بخصوص مصر ، المضرور الحقيقي من الاتفاقيه هي اليونان وقبرص اليونات عضو في الاتحاد الاوروبي وعشان مواردها البحريه في الاخر بتصب في الاصول الكليه للاتحاد الاوروبي فاكيد اوروبا مش هتخلي تركيا تنقب عن الغاز هناك ..

وسبق ان الاتحاد الاوروبي وجه بعقاب تركيا في حال اي محاولات للتنقيب عن الغاز .. 🛑 الشيء المهم ان الدوله المصريه تنتهي حدودها الساحليه البحريه بانتهاء الحدود البريه ( فكرة التشاطيء الحدودي والمنطقه اللي قالت عليها تركيا دي في منطقة الجبل الاخضر )

( المهم كمان توضيحه ان منطقة الجبل الاخضر بتخضع لسيادة الجيش الليبي الوطني بقيادة حفتر ) طيب ايه علاقة مصر باتفاقية السراج مع تركيا

.. علاقتها ان تركيا بتحاول تنافس المركز الاقليمي لشرق غاز المتوسط اللي مركزه واسسته مصر مع ٧ دول تانيين وبالتالي تركيا عايزه تبقى منافس لمصر في تصدير الغاز لاوروبا وهو واقعيا شبه مستحيل في ظل وجود نزاعات حربيه

والشركه اللي قالت هتنقب بقالها ٤ سنين بتقول هتنقب بس طبعا مرعوبه من المخاطره في وقت فيه نزاعات بالشكل ده

حتى سفينة التنقيب "ياووز" التي مشيتها تركيا وقفت في شمال شرق قبرص و سفينة "الفاتح" للتنقيب التي مشت السنه اللي فاتت وقفت في غرب جزيرة قبرص.مالهاش علاقه بالحدود الاقتصاديه الخالصه بمصر ..

🛑الخبر اللي شيروه الاخوان وبعض من الدونيين مالهوش علاقه بالشاطيء المصري او تنقيب الغاز في شرق المتوسط داخل الحدود الاقتصاديه المصريه الخالصه المودعه في الامم المتحده ومستقره ولا نزاع فيها

⭕️⭕️ طيب الاتفاقيه بتاعت تركيا والسراج ضررها فين ؟
=============================
1- ضررها في انتهاك الاتفاقيه المصريه اليونانيه القبرصيه والاتفاقيه اليونانيه القبرصيه لانها بتعدي في السكه بجزيره كريت وهي جزيره يونانيه ..

2- وعشان تكون فيه اتفاقيه بحريه نافذه و معتمده دوليا لازم تكون كل الدول المتشاطئه متفقه على الحدود ( ليبيا - اليونان - قبرص ) وملهمش علاقه بمصر .. وعشان تكون الاتفاقيه نافذه لازم ايداع في الامم المتحده ( وده برده محصلش )

3 - تركيا بتحاول تلاقي اي طريق تنعش بيها اقتصادها الخربان فعلا لدرجة ان داوود اوغلو نفسه صرح بان حزب العداله والتنميه ( الاخوانجي ) الحاكم في تركيا هينتهي والى زوال وده من معطيات فشل اقتصادي داخلي وخارجي فبتحاول تركيا تلاقي اي حدوته تلخم فيها شعبها المغبون اصلا في اوهام ..

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد