رتبها

1_في الثريد ده عن أصعب حاجه حصلت لي
من 6 سنين، عندي سنه لبنيه لسه موجوده وشكلها صغير، رحت لدكتور في البلد وطلب اشعه وعملتها الأشعة بينت ان السنه الدايمه موجوده فوق السنه اللبنيه وفيه تكون عظم منع نزولها (بدايه المشكله)
الحل ايه يا دكتور

2_قال الحل اننا هنخلع السنه اللبنيه لأنها بتتحرك وهنركب سنه مكانها وهنسيب السنه المدفونه زي ماهي =ازاي
خلع السنه اللبنيه وبدأ من غير ماياخد رايي
ياكل في الضرسين اللي بعد السنه ويصغر حجمهم علشان يركب طربوش عليهم وسنه مكان اللي اتخلعت ودي اغبي حاجه عملها

3_فضلت فتره كبيره مش عارف اشرب ولا اكل حتي الهواء بيتعب اسناني لان ببساطه جدار الحمايه بتاع الضرسين مش موجود
الدكتور عمل تركيبه عباره عن طربوش للضرسين +سنه مصمته في الفراغ مكان السنه اللبنيه
وكده بقي اقدر اكل واعيش والدنيا حلوه

4_السنه اللي ركبها بدأت تقشر وفيه ألم في اسناني باستمرار، رجعت للدكتور يشوف حل مفيش فايده، طلبت منه يخلع التركيبه وخلعها بالعافيه وبدأت ادور علي حل
فضلت تقريبا سنه عايش من غير السنه والضرسين فيهم ألم مع أي مياه أو هواء
مش بعرف اضحك ولا اتكلم بطبيعتي وكمان شكلها مش حلو

5_لسه السنه الدايمه مدفونه في اللثه
رحت الجامعه علشان اعمل تقويم قالي اكتب اسمك ودورك بعد 3سنين 😂
رحت القسم الاقتصادي في كليه طب أسنان
طلبوا اشعه بانوراما وقالوا هنعمل تقويم وننزل السنه المدفونه مكانها وهنركب طربوش علي الضرسين اللي بوظهم الدكتور

6_واللي خلاني ببساطه ابدا اشوف حل لاسناني من الاول وعندي سنه مخلوعه وضرسين باقي جزء منهم
دكاتره طب الأسنان في القسم الاقتصادي قالوا التقويم هيتكلف 6000ج وهنبدأ بعدشهرين الكلام ده 2016 دفعت 3000ورحت بعد شهرين قالوا حالتك صعبه ومحتاج دكتور امتياز يتبني حالتك ورجعوا لي الفلوس

7_الممرضه بتقولي سيب مكان السنه فاضي الراجل مش بيتعيب 😂
حاله من اليأس والحزن عشتها
صديقي دكتور هشام الأشقر ركب لي طربوش على الضرسين في الجامعه سبت اسناني زي ماهي سنتين لحد2018، اما بتكلم اواضحك بحط ايدي علشان محدش يشوف السنه و يضحك عليه

8_زي بنت صغيره قابلتني ولما ضحت لها قالت لي يا(ابو سنه مكسوره)
اكتر من حد قالي ان اللي هيساعدك في المشكله دي هو[ الدكتور عبدالرازق عماره]💐
جراح الفم والأسنان في بلد جنبنا
رحت للدكتور وحكيت له كل حاجه قالي الموضوع بسيط واني محتاج اعمل تقويم من الاول

9_كل اللي اتعمل في اسناني مالوش لازمه، ولازم السنه المدفونه تنزل، إما تنزل مكانها أو تتخلع علشان ماتاثرش علي الجيوب الانفيه
وقالي هنعمل تقويم، لكن قبلها لازم نعمل عمليه ونشيل تكون العظم اللي منع نزول السنه
عمل لي 3 عمليات وعملت اشعه تاني والسنه بدأت تتحرك من مكانها

10_السنه اتحرك وبدأت تبرز من اللثه بس لازم تقويم، الحمد لله بدات تقويم مع[ دكتور ابراهيم] تحت إشراف [دكتور عبدالرازق]
والحمد لله بدأت السنه تنزل من اللثه وسحبها بالتقويم ومع الوقت بدأت تنزل مكانها لحد مااستقرت في مكانها الفاضي والحمد لله بدأت اضحك واتصور بعد معانا من2014 ل 2019

11_الحمد لله حمدا كثيرا طيبا مباركا فيه
وشكرا جزيلا لكل الناس اللي ساعدتني
د. هشام الأشقر
د. عبدالرازق عماره
د. إبراهيم رضوان
ربنا يجازيهم خير

14_