جاني شيخ طويل القامه وعريض البدن ملتحي،بس ماكنت قادره اشوف وجهه نهائي..كان في نبرته حنان وشدّه في نفس الوقت ماأذكر كلامه الّا" اقري اذكارش وحافظي عليهم ولاتنسينهم"كرّرها لي كثير الى ان صحيت من نومي مفزوعه من الحلم
استغربت من الي شفته هل هذا تذكير لي؟او مُجرّد حلم عابر مثل مايقولون "أضغاث احلام"لمّا سألت امي قالت سوّي الي قاله وحافظي عليهم،<في الحقيقة كنت مقصره معاهم لأبعدّ حد>،بعد الحلم لمّا جا وقت الأذكار يجيني صوته وهيئته واتذكّرهم وأخاف واقراهم بعدها اتطمّن..
ثاني يوم حصَل لـي مالم يكُن في الحسبان طحت في مصيبه لايعلم فيها الّا الله ولولا لطفه ماكانت أنمار الأن تتحدّث معكم وعلى قيد الحياه،ليلة كانت أشبه بالكابوس ماراح ادخل فيها وبتفاصيلها كلّ الي اذكره وبقوله نهاية يومي بعد الي صار جلست اقول كيف نجيت؟
تذكّرت اني قريت أذكاري صباح هاليوم وتذكّرت تحذير الشيخ لي بالحلم بإنّي ماأتركهم فجأه بكيت،شلون كذا لطف الله!رحمته علي بأنّه يرسل لي شخص بالمنام يذكّرني بالتقرب منه ويحميني من مصيبه بفضله ثم بفضل سماعي له؟ظليت فتره مو مستوعبه لاكن سبحان ربّي العظيم♥️
كثير أشياء صارت لي وبفضل الله ثم الأذكار نجيت منها ..
ماأتوقّع فيه احد منّا مايعرف أذكار الصباح والمساء ولاكن الكثير مايعرف وش فضلهم وكيف طريقتهم ومتى قرائتهم!،أذكار الصباح والمساء كنز عظيم، حياتك راح تتغيّر كليًّا بعد حفاظك عليهم حتّى مخاوفك والله حتتلاشى وصبرك راح يُضاعف، حسناتك تزداد وانشراح في صدرك ورضا ربّك♥️
أستفتح كلامي بـ ايه من قول الله تعالى"واذكر ربّك في نفسك تضرّعًا وخيفه ودون الجهر من القول بالغدوّ والأصال"المُراد بالغدوّ هنا بين صلاة الغداه وطلوع الشمس،والأصال؛مابين العصر والمغرب.
فيُقال بأنّ بداية أذكار الصباح من طلوع الفجر الى ان تكون الشمس من ناحية المشرق كهيئتها من ناحية المغرب عند العصر،وأذكار المساء من صلاة العصر الى المغرب الى ان يمضي ثلث الليّل او نصفه،لابدّ من مجاهدة النفس على قولها في وقتها لـتكون حرزًا وحمايه وتكون من الذاكرين الله والذاكرات
راءة الأذكار فضائلها عظيمه تطرد الشّياطين وتقمعهم وتكسرهم،رضا الله عزّ وجل عليك،تزيل الهمّ والغمّ عن قلبك،تجلب لكم الفرح والسّرور بإذن الله،تقوي قلوبكم وأبدانكم،وتجلب الرّزق،وتنور الوجه وتكسو الذاكر المهابه والحلاوه والنضره وفي كُل ذكر تقولونه له فضل وراح تتعجّبون من كرم ربي♥️
اذا انت ماتقولها لاتشكي من مُصيبه ولا من علّه،ممكن يجيكم تكاسل عن قرائتها لاكن أحبابي كل ماجاهدتو انفسكم على فعل الطّاعه راح يحبّبها الله لكم وراح تتعودون وتتلذذون وانتم تسوونها🌸
كثير نجلس عالجوال وش بيطيح منّا لو فتحنا عالأذكار هي ماتاخذ منا وقت والله لاكن ناخذ منها اجر عظيم وثواب كبير،فيه برنامج حلو يذكّركم بموعدها ويعطيكم تنبيه وسهل جدّا وفيه حتى فوائدها الي هو تطبيق "أذكاري"باللون الأخضر بإذن الله راح يساعدكم ويفيدكم💚
جاري تحميل الاقتراحات...