اقسم بالله البنات دول مجانين جنون ماشوفتش زيه ، واحدة اعرفها بقالى ١٢ سنة جت من سنة ونص او سنتين كدة عملتلى بلوك فيسبوك و واتساب وانستجرام ومابترودش على الموبايل واخدت اجازة من شغلها واختفت تماماً ومابقتش عارف اوصلها وفضلت سنة بحاول اكلمها ومش عارف وكل دة بدون سبب وانا هتجنن ..١
وبصراحة خلاص فقدت الامل انى اعرف اتواصل معاها رغم كمية الرسايل الى كنت ببعتهالها و المكالمات الى مابيتردش عليها فجيت كدة من يومين قولت اجرب اتصل تانى بتصل لاقيتها ردت و اتفاجئت الصراحة لان متوقعتش انها هترد ، المهم اول لما عرفت ان انا لاقيتها مسخسخة من الضحك مش فاهم مالها .. ٢
المهم هو فيه اية انا عملتلك اية هو انا اذيتك فى حاجة هو انا مزعلك هو انا عملت حاجة انتى فين كل دة ومتبتروديش عليا لية ، ف اولاً هى ردت لان غيرت الموبايل والارقام كلها اتمسحت فمكانتش تعرف الرقم ، قالتلى بقى انها عزلت نفسها شوية عن الناس وسافرت برة مصر شوية كتير وانقطعت عن الناس ٣
وقالت ان الى هيسأل عليها الفترة دى هو الى هيفضل فى حياتها والى مش هيسأل مش هيبقى له مكان فى حياتها ، (مع انها عملالى بلوك و مابترودش عليا اصلاً فهسأل ازاى يا مجانين) المهم بقى قالتلى انها اتخطبت فقولت ممم ماشى و قالتلى اتجوزت قولت احيه احيه طب امتى الكلام دة .. ٤
اتجوزت من ٣ شهور يعنى قبل الكورونا على طول طيب الف مبروك بس ازاى يعنى كل دة قالتلى صدفة ،واحد قابلته صدفه عرفنا بعض اسبوع اتخطبنا على طول ، يا ولاد المجانين طب وانا الى بقالى ١٢ سنة بقولك ناخد اى خطوة وانتى بطة بلدى تقولى لا اصل انا ماكنتش باجى غير عافية عايزة حد يجبها من شعرها ٥
ويقولها يلا هنتجوز حالا انما الذوق مكانش بينفع معاها المشكلة انها بتقولى كل الكلام دة وبتحكيه عادى كدة الى هو لا انتى فعلا مجنونة ومش طبيعية انتوا بتفكروا ازاى انتوا لية بتحبوا التسويح و الحوارات و الدراما الكتير لية مايبقاش ١+١=٢ على طول كلمة و رد غطاها لية مابتجوش دغرى ابداً ٦
انا والله حاسس ان كل البلوكات الى انا لبستها دى كانت بسبب الزفتة الى اسمها رضوى الشربينى ماهى تقريباً الفيديو بتاعها دة كان من سنة ونص او اتنين صح ؟ يخربيت ام اللعب فى الدماغ والله خرابة بيوت وانا كنت دايماً بسمع عن الجنان دة بس اول مرة اشوفه على الواقع كدة ويحصل معايا ،يا مجانين
جاري تحميل الاقتراحات...