كنت بالصناعيه ازين موتري جتني وحده كبيرة في السن تطلب الله ومنب فلوس فتح بوكي كان فيه يمكن ١٦ شي زين كذا عطيتها ١٠ وراحت بعدين وانا اناظرها راحت تطلب من غيري وردوها قلت يشيخ كل اللي بالبوك ٦ عطها وكانت ريالات واخذ الباقي والحقها واعطيها ... يتبع
عطيتها وناظرتني وقعدت تدعي يعني دعاء كثيررر ورافعه يديها صراحه ما يعني ركزت باللي تقول قلت امين ورحت وهي بباقي تدعي الزبده اني رحت طلعت موتري وكلف قيمة وقدرها ورحت اتقضى كنت جدا فاضي ماعندي شي الكلام هااذا ممكن ٩:٣٠ الصبح .... يتبع
رحت لـ كذا محل الشامل و اكسترا يعني محلات كثير فيه محل نسيت اسمه يوم طلعت منه كان فيه رجل فـي عقد الخمسين من العمر شافني ركبت السياره صار يصوت صراحه اعتقد انه مو لمي بما اني ما اعرفه .... يتبع
صوت مرهه ثانيه التفت بشوف من يصوت له صار يأشر لي رفعت صوتي وقلت تقصدني يـاعم وكان يأشر لي كانه يقول تعال رحت بشوف يعني ايش الساالفه وصلت لـمه قلت سم ياعم .... يتبع
قال ابيك توصلني سيارتي متعطله وجـوالي طافي قلت من عيوني امش معي قال بـكم توصلني قلت شدعوا ياعم ماوالله اخذ شي قال كم اقول قلت ياعم حلفت ما اخذ لو اوديك للرياض قال على راحتك وركب معي ... يتبع
وديت وكان بيته صراحه بعيد شـوي لما وصلته كان البيت تقريبا اغلى حـي في منطقتنا من ناحية السعر وفخامة الحي من خدمات الى اخره قال هنا وقفني قلت وين قال هنا هاذي بيتي قلت هاذي قال ايه وش فيك ... يتبع
قلت سم ووقفت وكانت الساعه ١٢ كيذا قال انزل تقهوا قلت لا ياعـم يعطيك العافيه ابي البيت عندي الوالده والله تعبانه قال ماتشوف شر انزل خذ فنجال وحلف علي قلت سم ونزلت يوهه يجماعه ماتصدقون البيت كيف فيه جمال وكبير ماشاءالله ... يتبع
اخذت فنجال قلت ابمشي ياعم استأذنك تأخرت على امي قال باقي حقك قلت وش حقه قال قيمة التوصيل قلت حالف ياعم ماتعطين قال انا ماني معطيك بخلي حدا عيالي يحول لك وحلف بعدها اني ما اتكلم اسكت وعطيته رقم حسابي وحبيت راسه وسلمت علي واستأذنت قال لاتنسى امك من المبلغ .... يتبع
قلت ابشر وطلعت صراحه يعني ما اهتمت توقعت بيكون تحويل ١٠٠-٥٠٠ ااذا مره هو يعني كريم بدون تشكيك بس كذا جاء ببالي ماتتوقعون كم حول يجماعه 😭😭😭😭. ..... يتبعع
طبعاً طلعت وللحين انتظر امي تطلع من المستشفى دعواتكم
يجماعه حول لي هاذا المبلغ 😭😭 للحين بصدمة مايعلم به الا الله والدمعه بعين كل ما اتذكر او افكر تجيني ادمع واتذكر العجوز اللي عطيتها المبلغ تكفون اذا بيدكم شي لو بسيططط عليكم بالصدقه قسم بالله العظيم باب كل خيره ، اخراً واخير اتمنى ما طولت عليكم وهاذي كلها حاصله لي اليوم وتوي راجع
اخيراً رجعت للبيت صاحي ومواصل من امس المغرب تعبان ومنهك من التعب وبنفس الوقت مصدوم + اليوم بيكون فيه مسابقة قويه جائزه مبلغ بسيط لكم من المبلغ اللي جاني ...
واخيراً دعواتكم لامي ذبحتها رجليها وطالبين لها فحص دم وكلى تكفون لاتنسونها من دعواتكم ودامكم وصلت لهنا الله يسعدكم شكرا وعطني رايك باللي صار اليوم فـي أمـان الله يـــــالغالين 💗💗💗💗
جاري تحميل الاقتراحات...