ثريد معرفش هيطول مني ولا هقدر اختصر عن موضوع التنمر الاليكتروني وقيمته واهميته والتبعات المترتبة عليه
لو صديقك كل ما يعجبه فيلم يقول ان ده افضل فيلم شافه في حياته والبطل افضل بطل شافه بيمثل في حياته، تاني يوم قال نفس الكلام عن فيلم وبطل تانيين، تالت يوم عن مسلسل وبطل مختلفين، في اليوم الرابع هتبدأ تتعامل مع كلامه باعتباره overwhelming طبيعي في صديقك وهتبطل تهتم برأيه وتصنيفاته
نفس الكلام ينطبق على مصطلحات زي "تاريخي" و "اسطوري" اللي المفروض ليهم معنى لكن كتر استخدامهم لوصف اي وكل شئ بيجردهم من معناهم، بالتالي اول انطباع عندك لما حد يقول على شئ تاريخي او اسطوري انه مجرد شئ جيد وان القائل شخص overwhelmed بس شوية
نفس الكلام ممكن تطبقه على التنمر الالكتروني، من كتر الحملات اللي بتشوفها يوميا على اشخاص مختلفين في مجالات مختلفة بتحس لو انت مش overwhelmed يعني بتفاهة الموضوع وتفاهة الناس المستعدين كل كام يوم يثاروا وينفعلوا لدرجة انهم يشكلوا حملة جديدة، هل اعتقادك انها شئ تافه صحيح؟
اعتقد انك هتشوفه صحيح جدا لما تدقق شوية في مين المتنمر ومين المتنمر عليه، الموضوع ممكن يكون بسبب ان المتنمر عليه شخص سئ فعلا اثار مشاعر الناس ضده، بس ده احتمال في اعتقادي ضئيل جدا، الموضوع في معظم الاحيان لأسباب تانية اتفه مما تتخيل
- حد عايز يتشهر وشاف الناس مشتركين في موضوع فقرر يشترك أملا في تميز ما هيحققه و ده يخلي عدد اكبر من الناس تعرفه فيبقى مشهور، هو فعليا غير معني بالموضوع، الموضوع بالنسبة له سلم شهرة وتميز
- حد تاني عايز يثبت لدوايره المقربة قد ايه هو متحمس للي هما متحمسين له، متحمس لدرجة انه ممكن يقود حملات الدفاع عن مصدر حماسهم او الهجوم على خصوم مصدر التميز ده، في دوايره التافهة ده ممكن يمنحه نقط تفرق وتميز هو محتاج لها
- حد تالت حابب يعبر عن نفسه كباد آس من اللي بيحبوا اوي يتقال عليهم "فلان ده ابعد عنه لما يكون متعصب" فهو منفعل دايما في اي موضوع ضد اي حد لأي سبب
- حد رابع داخل يشقط اصلا
- حد خامس لجنة الكترونية اصلا وتافه لدرجة ان ده الشئ الوحيد اللي بيجيده فبياكل منه عيش
- حد رابع داخل يشقط اصلا
- حد خامس لجنة الكترونية اصلا وتافه لدرجة ان ده الشئ الوحيد اللي بيجيده فبياكل منه عيش
- حد سادس اتفه من الحد الخامس لأنه مش عارف حتى انه لجنة، ده تم اثارة مشاعرة بأي كلام فاتهز كالعادة وانفعل كالعادة واعتبر ده سبب كافي لقيام الحرب كالعادة دفاعا عن مقدساته اللي تم تدنيسها بواسطة عدو ممكن في الاخر يكون واحد قال رأيه عادي او قال حاجة ميقصدش بيها اللي انت فهمته اصلا
الناس دي كلها لما المولد بينفض بينسوا المتنمر عليه لانه مبقاش ترند وبيشوفوا مين المتنمر عليه الجديد واهي جمعية ودايرة
سبب التنمر او حتى الهجوم العادي عليك في معظم وليس كل الحالات مش بسبب سوء ارتكبته قد ما بسبب فراغ في وقت او عقل او مستوى التحقق الذاتي لمعظم المشاركين
سبب التنمر او حتى الهجوم العادي عليك في معظم وليس كل الحالات مش بسبب سوء ارتكبته قد ما بسبب فراغ في وقت او عقل او مستوى التحقق الذاتي لمعظم المشاركين
التعامل الطبيعي مع الموقف ان لو انت المتنمر عليك تشوف الموقف والمشاركين فيه في حجمهم بشرط انك تكون صريح مع نفسك وتقدر تميز هل انت فعلا عملت شئ سئ ولا ده مجرد ترند زي كل ترند، طبعا ده سلوك غير بشري واحنا كلنا كبشر بنتأثر وبنزعل بالذات لو جت من حد قريب منك او كنت بتعتبره مصدر ثقتك
عن تجربة شخصية اقدر اقول ان مع الوقت والثبات الانفعالي بتتعود وتتعامل مع الموقف باعتباره عرض جانبي للحياة، زي ان الدنيا حر النهاردة او الطريق واقف وانت مستعجل، حاجات سيئة لكن بتحصل وهتخلص وانتهينا لكنها لا بالاهمية المستحقة ولا معمولة لاسباب يمكن مناقشتها او التعامل معاها بجدية
لو ليك اصدقاء تثق في حبهم ليك وتثق في قدرتهم على رؤية الامور في حجمها الطبيعي وتثق في مصارحتهم لك بالحقيقة مهما كانت سيئة فانت محظوظ لانك تقدر تعتبرهم مقياس حقيقي تقيس عليه هل انت صح ولا غلط والعند واخدك ولو صح فصح قد ايه ولو غلط فغاط قد ايه، دول مقياسك مش المشاركين في الحملات
اقول قولي هذا ولو الناس قدرت توجد لنفسها منافذ مفيدة لقضاء وقتهم هيحسوا بمدى تفاهة معظم المواضيع اللي بيشاركوا فيها بحماسهم المشتعل دائما وهيريحوا ويرتاحوا والسلام عليكم ورحمة الله وبركاته
كل ما ذكر في هذا الثريد وفي كل كلامي من يوم ما اتولدت مش حقايق مطلقة ولا نتائج ابحاث علمية، ده مجرد رأي شخصي خاضع لامكانية وجود قصور في عقلي زي كل الناس او لتحكم العاطفة فيه زي كل الناس او لتسرع في الحكم زي كل الناس وهو في النهاية لن يغير من الامر شئ، زي كلام كل الناس
جاري تحميل الاقتراحات...