- الأدلة الجنائية مو بس DNA .. في أدلة أخرىٰ غير مُتعارف عليها و غير متوقعة للأغلب ممكن تقلب القضية🤓في أحد فكر من قبل إذا النبتة لها بصمة؟ و أصلاً شنو إهيا بصمتها؟ و شلون هالبصمة ممكن تحل جرايم🔬🌿؟ أمانة حتىٰ آنا في أمور توني أعرفها و طلع شي عظيم! نبدي بشرح عقب جرايم حقيقية🔍🕵🏻♀️
أول شي .. شنو الفرع إلي يربط الأدلة الجنائية بعلم معين في النبات؟🕵🏻♀️🌿: forensic palynology، انزين شنو يعني؟ يعني استخدام أجزاء معينة في النبات🌲عشان نستخدمه في الأدلة الجنائية كدليل🔍، انزين شنو إهوا هالجزء أصلًا؟ حبوب اللقاح🤍شايفين هالجزء إلي ما نشوفه و طايح من عينا؟ وراه بلاوي
حبوب اللقاح فيها عجائب علىٰ الرغم إنها صعب تنشاف بالعيون المجردة🔍👁إلا إنها دليل غريب و محد متعود عليه، و فوق كل هٰذا إهيا دليل ما يتأثر بالأشياء الكيميائية و الفيزيائية بمعنىٰ إن حبة اللقاح بعد مليون سنة تظل محافظة علىٰ نفسها و موجودة لا مفر منها😏!
عشان أذكركم حبوب اللقاح إهيا الجزء إلي چنه بودر بالنبات بحيث إن يساعد علىٰ عملية التلقيح بين النباتات لما ينتقل بالهوا و غيره🌬🌼، انزين ما فهمنا شنو علاقة حبوب اللقاح بالأدلة الجنائية أصلاً؟🤨
حبوب اللقاح بصمة النبات🧐🌿، شلون؟ شايفين حبوب اللقاح إلي احنا نشوفهم مجرد بودر لا أكثر؟👁🔍هٰذي البودرة تحت المايكروسكوب🔬، مستحيل تتشابه بين نوعين مختلفين من النباتات🌴🌳❌ شايفين الأشكال تحت المايكروسكوب شلون مميزة جدًا؟ آنا راح استخدم هالتميز بإني استخدمها كدليل ذكي🕵🏻♀️🤨
هٰذا التميز الفريد بكل حبة لقاح تبع نوع معين من النبات سبب طفرة بنوع أدلة يديدة، لأن عن طريقها شنو ممكن يصير؟ ممكن أربط شخص بمسرح جريمة أو أربط خلطة حبوب اللقاح بمنطقة جغرافية معينة تحتوي علىٰ نباتاتها🤓🌲🌴🌳، يعني هالشي إلي ما ينشاف ممكن يكون أثر و خيط يحل جزء كبير من القضية💡
فاصل إعلاني قبل لا نبدي بالبارت التاريخي و أقولكم أول جريمة استخدموا فيها حبوب اللقاح كدليل بجريمة قتل⚖️⚰️: نتأمل شلون كل نوع نبات لها بصمة و شكل خاص جدًا ما يتكرر نمطه، كل حبة لقاح قصة تحكي عن نبات مختلف🌾🌱!
الله يسلمكم الحين جانب تاريخي و أول جريمة استخدموا فيها بصمة النبات كدليل🔍🤨.. قبل أكثر من ٥٠ سنة🎬تحديدًا في النمسا، كان فيه ريال بحاله يتمشىٰ يم نهر الدانوب في ڤيينا🗺فجأة أخونا بالله اختفىٰ و هٰذا كان آخر مكان متواجد فيه، الجثة مش موجودة⚰️❌لا زال الريال مختفي!
بعد فترة قبضوا علىٰ واحد كان مشكوك فيه إن عنده دافع للقتل لأن كان يشتغل مع المقتول🧐بس وين المشكلة؟ أساسًا مافيه جثة🙂شلون اتهم الريال بجريمة مالها جثة موجودة؟ فقالوا خنحقق زيادة و نروح مكان المتهم و نشوف أغراضه يمكن نحصل شي شيات🕵🏻♀️🔍لما راحوا مسكن المُتهم🏘..
من الأشياء إلي خذوها بوت🥾كان تحته كله طين فدزوه كعينة حق أشخاص متخصصين بالنبات عشان يحللون الطين و يمكن يطلع شي منه، بعد تحليل الطين، النتيجة قالت إن إلي بالطين حبوب لقاح يديدة من شجرة صفصاف و نبات الألدر + " حبوب لقاح حفريات من عصر معين عمرها ٢٠ مليون سنة، وين السالفة؟🤓
السالفة إن هالكوكتيل و هالخلطة قال إلي متخصص بالنبات إنها موجودة بنطاق معين تبعد ٢٠ كم من شمال ڤيينا هٰذي المعلومة لما واجهوا فيها المتهم و قالوا ندري عن احتمال مكانها اعترف بجريمته😏و دلهم علىٰ موقع دافن فيه الجثة⚰️الحلو؟ إن مكان الدفن بنفس النطاق الجغرافي إلي حدده المتخصص🗺🌿🧐
- حبوب اللقاح لما حلت الموضوع بأول مرة في تاريخها و دشت ضمن الأدلة🤣:
المهم نكمل🤣كانت بداية قوية و يثبت قاعدة أساسية بالأدلة الجنائية اسمها: Locard's exchange principal تنص إن لازم كل اتصال بين الشخص و مسرح الجريمة يترك أثره .. و حبوب اللقاح خير الدليل ، أثر ما كان متوقعه المتهم و لا قدر يفر منه🤓🔍
بس في شي مهم مش كل الدول معترفة فيه كدليل أو أصلاً تستخدمه ضمن نطاق بحثها بس آنا؟ أشوف إن ذكاء نستغل أشخاص تخصصهم نبات بهالأمور لأن why not? المهم نكمل موضوعنا الشيق ترىٰ وراكم وايد جرايم يمديكم تزهبون نفيشكم⚖️🍿
انزين عشان نوضح بعد الأمور، حبة لقاح من نوع واحد كل مرة تعطي معنىٰ؟ لا، ليش؟ لنفرض دولة مشهورة بنوع معين من الأشجار و منتشر عندها بكل زاوية🌲فمعلومة النوع الواحد إدا لقيته ما راح توصلني حق لوكيشن و شي محدد، أما لو خلطة نباتات؟ راح أضيج نطاق بحثي و يصير محدود🗺🌍🌿
انزين معلومات لطيفة تفيدنا في الجرايم💘🌿، تدرون حتىٰ التوقيت ممكن يبين🕰؟ شلون؟ الله يسلمكم مو كل حبوب اللقاح تُطلق طول السنة في نباتات لها مواسم معينة و مو بس چذي في نباتات مثلاً حتىٰ باليوم لها توقيت محدد ممكن نهار أو ليل أو طول اليوم💡⏰
+ مو كل حبوب اللقاح خفيفة تطير في الهوا بمسافات طويلة🕊نو نو في بعض حبوب اللقاح تكون أثقل بحيث إنها حدها عشرات الأمتار بعكس غيرها إلي ممكن يعبر قارات🤔يعني لو أدري إن هالنبات حبوبه ثقيلة و شفتها علىٰ شخص؟ راح أدري إن كان بمكان قريب منها لأن أصلاً حبوبها ما تقدر تقطع مسافة😉❌
انزين منو يجمع العينات إلي تفيد بمسرح الجريمة؟ شخص خبرة متخصص بالنبات + الأدلة بحيث إن يدري شنو المكان إلي يفيد أو لا و بتكنيك معين🌿🧑🏻🔬، هل كل مرة سهلة نربط بين الدليل و الشي الي نبيه؟ لا ساعات الظروف تصعب مطر هوا مثلاً راح تأثر عالبحث تصعبه☹️بس مو مستحيل!
شنو أكثر شي يستخدمونه حق أخذ عينات حبوب لقاح؟ الجوتي🥾👟👞👢👡.. عزكم الله، شمعنىٰ؟ لأن حتىٰ لو الشخص نظفه بس من تحت فيه تعرجات ممكن تكون حبوب اللقاح متعلقة فمهما ينظف بيظل أثرها موجود، لا مفر الجريمة مخشوشة بين التعرجات و إن نكرها المرتكب😄!
بسم الله نبدي أول جريمة🎥🎞..
عام ١٩٩٥📠، صارت مذبحة بين المدنيين🧍🏻♂️🧍🏻🧍🏻♂️كانت نتيجتها دفنهم في مقابر جماعية بس بعد ٣ أشهر نقلوا الجثث⚰️ لي مواقع يديد و سبب النقل سياسي عشان يبعدون الشبهة و اللوم، انا كمحكمة أحتاج أتأكد إن الموقع الأصلي إهوا الأساس قبل النقل⚖️ ماقدر أحاكمهم بدون دليل شلون أجزم إنهم كانوا بالأصل؟
خذوا من مواقع الدفن الأصلية عينة كانت فيها خلطة معينة من حبوب اللقاح🏺🌿، و خذوا عينة من مواد مختلفة و أشياء لقوها في المواقع الثانوية شافوا إن خلطة الموقع الأصلي = الخلطة الموجودة بالأشياء العشوائية إلي لقوها بالموقع الثانوي، و هُنا كان دليل و تمت الإدانة، ما ينفعكم النقل😏..
و هٰذي صورة حقيقية لحبوب اللقاح إلي كان لها دور بربط موقعين في بعض و تقدمت كدليل للمحكمة⚖️📸🔍🔬.. لاحظوا شلون بصمة شكلية🤓!
جريمة ٢ .. في ٢٠٠١ الإخت ليان تيرنان كانت مفقودة لمدة ١٠ أشهر⏳! بعدها لقوها ملفوفة في منطقة واضح إنه مسرح جريمة ثانوي؟ شنو يعني؟ يعني الأصلي و الأساسي كان مكان ثاني بس الجثة منقولة، خذوا من شعرها عينة👱🏻♀️ لأن كان فيه شي غريب ألا و هو ..
١- لقوا حبوب لقاح تبع نباتات متنوعة🌿، بس الأغرب مع هالخلطة كان في شي مو منطقي .. كان فيه بقايا فحم مجهرية و بقايا خشب متفحم صغيرة يوحي إن راسها كان علىٰ اتصال مباشر بأرض محترقة!💥🔥و أصلاً في حبات فحم حجمها شوي أكبر يعني يبين إن مو الهوا ناقل البقايا لا لا في شي ثاني بالموضوع!
بعد فترة الشرطة👮🏻♂️لقت مشتبه به🧑🏻🦲فراحوا بيته🏡وين السالفة؟ إن بيته فيه حديقة جدًا كبيرة🌿نباتاتها تمثل عينة حبوب اللقاح إلي لقوها و الأكثر قوة إن الحديقة أساسًا فيها مناطق محترقة مهجورة🤫لما خذوا العينات لقوا نفس البقايا إلي بشعر المقتولة فالحديقة بحبوب بنباتاتها و حرقها كانت حل🗝
و هٰذي حبة لقاح الجريمة، لاحظوا شلون تفاصيلها هم تختلف عن الجريمة الأولىٰ دليل إنها أصلاً نبات غير🔍📸🔬!
جريمة ٣: بنت تم اغتصابها من قبل شخص❌، المشكلة العُظمىٰ وين؟ إن الشخص نكر إن كان بمكان الجريمة🧑🏻🦱🤷🏼♂️و قال إني كنت بالشارع الفلاني، طبعًا يبعد الشارع عن موقع الجريمة ٧ أمتار، خذوًا منهم كل الأدلة المادية إلي ممكن تربط الحدث بس؟ ما لقوا دليل كلش! وهقة!
ملاحظة: الـ GIF السابق بصورة🐶 مو صدفة كلش و شُكرًا المهم نكمل، كان لازم يلقون خطة بديلة شلون البنت تقول إهوا بس إهوا ينكر! لاحظوا شي بلبسه و قالوا بنستخدمه و نشوف حظنا يعني🌿🔍!
شافوا أثر تربة علىٰ بنطرونه و قميصه🧐، عاد قالوا ماكو إلا نقارن هالعينة من ملابسه ⚪️و نشوف شنو متكونة خلطتها مالت حبوب اللقاح و ناخذ من الشارع⚫️ إلي ادعىٰ إن كان فيه + ناخذ من مسرح الجريمة عينة🔴، بحيث يكون عندي عينتين من مكانين أشوف حبوب اللقاح 👖👕راح تكون تشبه أي موقع فيهم!
النتيجة كانت: كل لوكيشن فيه نسبة و خلطة مختلفة من حبوب اللقاح🤨:
-⚫️الشارع: كانت نسبة قليلة من نبتة كوبروسما و عدد كبير من حبوب لقاح الصنوبر و العشب🌲🌱
-🔴مسرح الجريمة: كانت النسبة ٨٠٪ من حبوب لقاح كوبروسما⬆️أما المتبقي فقد كان أنواع أخرىٰ
يعني الحين مفروض سهل نعرف الحقيقة🧐..
-⚫️الشارع: كانت نسبة قليلة من نبتة كوبروسما و عدد كبير من حبوب لقاح الصنوبر و العشب🌲🌱
-🔴مسرح الجريمة: كانت النسبة ٨٠٪ من حبوب لقاح كوبروسما⬆️أما المتبقي فقد كان أنواع أخرىٰ
يعني الحين مفروض سهل نعرف الحقيقة🧐..
التربة إلي علىٰ 👖👕 المتهم كانت تطابق أي لوكيشن؟ سبرايز لوكيشن الجريمة و ليس الشارع إلي ادعىٰ إنه فيه كانت نسبة الكوبروسما🌿كبيرة جدًا جدًا تشابه نسبة عينة مسرح الجريمة⚫️.. يعني سُبحان الله مع إن بينهم ٧ أمتار بس شوفوا شلون خليط مختلف من حبوب اللقاح حل الموضوع و كشف ادعائه!⚠️
و هٰذا الدليل إلي فصل و طلع الحق🌳⚖️!
الجريمة الأخيرة: صياد خنازير🐖👨🏼 كان يتمشىٰ بين الجبال في نيوزيلندا فجأة صادف ريال ميت براسه طلقة يعني مقتول⚰️!الجثة كانت واضح إنها صارلها أشهر حسب تقرير الطب الشرعي🧐..
بعد سنة و شي⏰اعتقلوا شخص متوقعين إن إهوا متهم بالجريمة⛓، يقوم المتهم ينفي وجوده أساسًا بمنطقة جبلية انزين نرد علىٰ نفس موضوعنا شالحل؟ شلون نربط هالمتهم بموقع الجريمة؟ لأن الشكوك عليه جدًا قوية بس ماكو دليل فعلي🧐
قاموا خذوا عينة حبوب لقاح من الضحية و مسرح الجريمة شافوا إن = فيهم أعداد كبيرة من حبوب لقاح تخص خشب الزان الفضي🌱، نبات مشهور جدًا في الجبال⛰و نادر جدًا وجوده في المدن و حتىٰ لو انزرع بمحميات و فوق هٰذا حبوبه ثقيلة ما تقطع مسافات طويلة🧐🏙❌!
راحوا بيت المتهم خذوا تقريبًا مجموعة ملابس و معدات مشي يوصلون لي ٦٠ قطعة، وحدة من قطع الملابس كانت جدًا شكلها مميز ملفت🦺 و نتايج عينتها طلعت = نسبة كبيرة من حبوب اللقاح تبع الزان الفضي! إلي بس بالجبال!🗻🤯..
المشكلة إن كان يقول أماكن كان فيها وقت الجريمة و لما يبحثون يكتشفون إن مافيها هالنوع🤨من النبات فشلون توصله هالكمية من حبوب اللقاح، يعني كان شي مريب ليما أنقذ الوضع شاهد و قال إن شاف المتهم بشارع يأدي حق منطقة جبلية، شهادة الشاهد👨🏼و نتيجة حبوب اللقاح📃خلت ..
المتهم يعترف إن كان بالمنطقة بس ماعترف بالجريمة😒، نقطة إضافية الحبوب لها موسم معين تطلق حبوبها وقت اكتشاف الجثة كان الموسم🌾🌬 بس لما اكتشفوا الجثة كان منتهي هٰذا الشي يربطه المتهم بتوقيت الجريمة أكثر و ما ينفعه نكرانه😏!
حبوب لقاح لا يُرىٰ شكلها إلا عن طريق ميكروسكوب🔬قادر أثرها علىٰ قلب منحنىٰ القضية فما بالكم بأثركم يا بشر؟ صيروا حبة لقاح بالحياة وين ما تكونون غصبًا علىٰ المكان ما يقدر ينكر أثركم🖤!
فضفضة خفيفة: كان مفروض بعد العيد الوطني نزور الـ إلكترون ميكروسكوب الوحيد إلي بالكويت و نشوف حبوب اللقاح🔬بس مثل ما إنتو عارفين كورونا و باي باي حبوب اللقاح مادري أصلاً إذا بنشوفها😂😭!
و بس والله سلامتكم خلصت، و استحلفكم بالله بإني صدعت و آنا اكتب😜 ففي حال وصلتوا لي هالجملة أرفع لكم القبعة💘🎩!
جاري تحميل الاقتراحات...