رتبها

في قاب كبير بين قراية الCS والسوق او الindustry زي ما بتقال ليو,عشان كدا بدت تتعمل مبادرات شبابية من الناس العندهم خبرة في السوق للطلاب اللسة ما اتخرجو, الغرض من المبادرات دي توعية الطلاب بالfields المختلفة للمجال "CS" وانو لمن تتخرجو حتلقو شنو والfield دا مفروض تعرف فيو شنو لانو

بعد تتخرج بتكون رايح لانو الfields كتيرة وما عارف تقبل وين وتبدا بشنو وغالبا بنتهي بيك الحال انك تكسر الحنك وتشتغل حاجة بعيدة من المجال
واحدة من الحاجات البتساعدك تتأقلم وتبدا تقرا انو يجيك زول يقول ليك عاين, في الحاجات 1 2 3

لو عايز تمشي في الحاجة 1
تبدا بكدا وتقرا عن 1 2
لو عايز تمشي في الحاجة 2
تقرا 1
ودا دور المبادرات الشبابية دي
فاااا نصيحة مبدئية: ما تضيع اي session او workshop او اي شي بتعملو المبادرات الزي دي

لو القطر فاتك واتخرجت ولس ما عارف تعمل شنو برضو ممكن تقعد مع اخوانك الصغار ديل وتحضر الsessions وتسال اكتر, لانو انت بكون عندك اسئلة كتيرة
مافي زول كبير على القراية يخوانا
مهما كبرت ممكن ترجع تقرا من الصفر

ودي نصيحة اخوية مني "للكبار والصغار"
افتح اليوتيوب
وامسك اي field واكتب في السيرش قدامو what is
بس
what is computer network
what is Data Sciense
what is Deep Learning
what is ...
حتلقى كمية من الفيديوهات
وعشان ما تزهج وتمل
اختار اقصر واحد واحضرو

ما تتوقع انو الحاجة دي تساعدك انك تحدد الفيلد الحتمشي ليو
لا
دي بس تعرف الناس بتعمل في شنو في الفيلد دا
الخطوة التانية انو تحدد تمشي ياتو فيلد
ودي شوية زعاطة
لانو في ناس عند الشغف وعايزين يمشو في الحاجة العندهم ليها شغف

والشغف بجي اثناء كلام الخبرا في المبادرة الشبابية في السيشنات, لانو بوروك الفيلد دا وصل وين وممكن تبقى فيو شنو ودي الحاجة البتحمسك وتخلي عندك شغف تمشي الفيلد دا
واذا انت زول مسرب ما عندك شغف!؟
الحنك شنو؟
الحنك انو تخت ليمونة في خشمك وتقعد تقرا حاجات صعبة

لانو فيها معظم الوظائف الكتيرة والقروش الكتيرة
زي الdevelopment او الcoding
لو بتركز اثناء الجامعة بتلقى ناس كتار بصيحو بسبب الكود "واااي الكود حار" " بشتغل اي شي الا الكود زحو مني"
وللاسف قروش الدنيا في الكود

والكلام بنطبق على اي فيلد قرايتو كتيرة
زي الSecurity و الMachine Learning وغيرم
الفيلد الحار القرايتو كتيرة بقابلو بكون في ناس بساط بشتغلو فيو وطلب كبير من السوق على الناس البساط ديل
ودا بزيد نسبة التحشيش

فاااا شنو
خش ضيقا على الناس ديل

الخطوة التالتة انو ابدا كيف ومن وين
الحل الامثل انو تقعد مع زول خبير يونسك ويوريك هو بدا كيف ويسهل ليك البروسيس
وغالبا الزول دا بتلقي
اي زول بعرف زول بعرف زول بعرف زول بعرف زول مشى في الفيلد الانت عايز تعرف عنو دا

اصل الزول دا واخد معاو عشرة ونسة صغيرة وهو حوريك حاجات كتيرة جدا
نجي لي نسبة ال1% انو الزول دا مايتلقي
plan B
تجتهد في الموضوع انت والنت ما خلا حاجة
افتح اليوتيوب وفتش في قوقل وما حتروح

معليش الكلام كتر
المهم
ما تهمل المجال الجميل دا وبعداك تقعد تغني ظلموني الناس
اقرا يا انسان
بالتوفيق

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد