على هرجة امس لازم احكيكم مااقدر اسكت
البداية كانت امس جات رسالة من البنك ع جوال امي انو توجد عملية لم تتم ورجعو الفلوس للبنك، وامي استغربت كيف ومين اشترى والبطاقة دي محد يستخدمها!!! الا ادخل على الموقع واشوف 64 عملية سحب وشراء الكتروني!!
كلها كانت خلال 10 ايام بداية من تاريخ 22 رمضان!!! والعمليات شغالة وفي اليوم بينسحب 4000 و 5000!! محنا عارفين مين بيسحب الا ادخل عالكشف اشوف مكتوب ببجي موبايل وموقع لايك كارد 🙂
والا نمسك اخويا زفت الطين ويجحد يقول مو هوا! ياواد مين اشترى واعطيت مين البطاقة وكيف وايش وبعد تحقيق اعترف انو صور البطاقة واشترى بيها، المصيبة مو هنا كمان اخد 3 بطايق واشترى بيهم كلهم!! مدى وفيزا وماسترد!!! ياقوة قلبو
وربي امس انهرت الا سخنت مني عارفة ايش اسوي وكيف اتصرف الين قعدت ارجف من المبلغ اللي صرفو، في البداية حسبنا انو المعلومات اتسربت واحد بيشتري معاه، طلع الفنان لوحدو صارف فوق ال25 الف!!!
و فتحت جوالو مسوي 3 ايميلات وكل الايصالات تبع الشراء بتجي عليها بدون مانعرف وقعذت احسب وطلع نفس المبلغ 🙂 ومشتري من قوقل بلاي ب7000 ريال لحالو
ااههه ياقلبي، لوولدي كنت، قتلتو
دا نهاية الدلع، لأنو اول ولد بابا مدلعو مرة حتى مانقدر نضربو ولاشي ومعطيه كل حاجة ومايحرموا من شي الين انا سرت اغار منو! من الدلع ،ودا كان درس، لبابا 👌🏽🙂
فيا حلوين بطايقكم دسوها بعيد واي عملية شراء سووها من بطايق مدفوعة او اللي تتحولها رصيد افضل طريقة وانتبهوا على اولادكم واموالكم. 💔
والراجحي اسوأ بنك لحد، يتعامل معاهم قعدت اترجاهم الين ردوا عليا @AlRajhiBankCare
ومافي طريقة الا ابيع حسابو ف ببجي عالأقل اعوض جزء من المبلغ، اللي يعرف يساعدني 💖
جاري تحميل الاقتراحات...