رتبها

تكمله ل قصه Chapter 2 الرئيسيه ل #فورتنايت
بالبدايه وقبل اي شيء اذا انت جديد اتمنى انك ماتشوف اي تسريب يخص الحدث
كل الكلام الي راح اقوله ماله دخل بالملفات حنى هنا نبني قصه فورتنايت علشان تكون واعي وتعرف وش قاعد يصير وقت الحدث
- تسريبات الملفات تقتل متعه اي حدث
(استمتع)

وصلنا ل مشارف نهايه السيزون ومثل ماتعودنا انه بكل سيزون يكون فيه قصه خاصه بالسيزون وقصه رئيسيه خاصه بكل المواسم وبين القصتين رابطه غير ممباشره
حنى نركز ع الرئيسيه لانها اساس اي حدث
راح ارجع فيكم بالوقت ل ورا لبدايه السيزون الاول من هنا وضحت عندنا معالم القصه الرئيسيه

اذا تذكرون العالم الشرير الي كان مسيطر ع العالم ببدايته كانت عنده اهداف كيف يرجع الفيزتور وكان من ضمن اعماله انه يسوي استنساخ ل عملاء يخدمونه
ركزو هنا ع اخر سطرين بالتغريده المرفقه

مثل مو مكتوب راح يتعامل مع المكعب وتعامله الخاطئ راح يسبب (كارثه) بالعالم
كانت الخطه ماشيه تمام وقبل نهايه السيزون الاول دونالد نشر تغريده يلمح فيها ب رجوع الفيزتور وحللتها لكم بالتغريده المرفقه
وبعدها وصل السيزون الثاني وشفنا الرسمه ع الشجره بوجود الفيزتور و ال ٧ نسخ

من ضمن عمليات استنساخ العالم الشرير ل العملاء قدر يصنع روبوت علشان يكون قائد بقيه العملاء وتحت منظمه وحده

بعد ما تم تفعيل الروبوت ، قدر Oro وهو ماذكرنا قبل بشكل مختصر انه من المعتقدات الاتينيه القديمه عن شخص قدر ب عصاه يحول اي شيء لذهب وكانت عنده مدينه من الذهب بشمال امريكا الجنوبيه.
قدر يسيطر ع الروبوت ويعطيه لعنه الذهب وصار اسمه Midas والقصتين بالواقع والاساطير مترابطه وطبقوها هنا

الاهداف من المهمه ان Midas يرجع Oro بس كيف راح يرجعه ؟ والهدف الثاني تحويل العالم ل عالم ذهبي نفس المدينه الذهبيه.
بدا Midas يبحث بمخططات العالم الشرير وحصل مخطط عن جهاز راح يشتغل عليه العالم علشان يقدر يرجع الفيزتور.
بعد فتره اكتشف العالم ان فيه احد سرق مخططه

بعد ماعرف Midas انه تم اكتشافه قرر يقضي ع العالم الشرير وياخذ تذاكر له بغرفته الخاصه وبكذا يضمن محد بيوقف بطريقه

بدا Midas يشتغل ع المخطط بكل سريه حتى بدون علم الفرقه الي معه علشان مايوقفون المخطط

الا عميل واحد كان شاك بموضوع Midas وهو الموزه ، الوحيد الي كان يراقب تحركات Midas حتى بالغرفه الخاصه فيه لو تشغل الموسيقى بيطلع الموزه متخبي داخل الغرفه يراقب

ننتقل الحين ل مرحله تصنيع المخطط
لازم تفهمون نقطتين مهمه :
١- Midas مايعرف كيف يصنع
٢- مستحيل Midas يصنع شيء يدمر كل مقتنياته الي داخل الغرفه لانه يحبها ويهتم فيها.
(راح اسميها الكره الكهربائيه)

من الي يصنعها وشغال عليها ؟
هي الشخصيه هذي والي راح تلعب دور مهم بالموسم الجاي
Midas استعان فيها لانها كانت تشتغل مع العالم الشرير ع نفس المشروع ، بدونها ما اكتملت الكره الكهربائيه

ايش مكونات الكره الكهربائيه ؟
تعتمد ع ثلاث مكونات اساسيه ل تفعيلها :
١- العصا الخاصه ب Oro وموجوده ب قلب الكره الكهربائيه ب اللون الذهبي
٢- طاقه المكعب (علشان كذا فيه مفاعلات تستخلص طاقه المكعب)
٣- البرق

هذا سبب بناء العالم الشرير ل المفاعلات الخاصه بالمكعب بدونها ماراح يكتمل المخطط
وهذي اجابه ل سؤال ممكن جا ع بالك انه ليش الانابيب هذي كل فتره يوصل انبوب
بعد ما اكلتمت تم ربطها مع المفاعلات و ضخ فيها Midas قوه المكعب حتى لو تلاحظون حول نفس الانبوب هاله بنفسجيه بعد ماتفعلت

الحين نربط التجربه ب واقعنا :
التجربه موجوده وقد صارت بالحقيقه والي جربها واحد من اكبر العلماء بالتاريخ
اسمه : Nicola Tesla
نبذه مختصره: عالم صربي ملقب ب ابن العاصفه لانه بوقت ولادته ب كرواتيا ضربت المدينه عاصفه كهربائيه وبسبب الصواعق كان فيه خسائر ماديه

كانت حياته صعبه تعرض ل كثير من الفشل وتمت محاربته لانه كان يبي الخير للناس ومن ضمن تجاربه الكثييره هي تجربه وحده غيرت حياته وتم التكتم عليها من قبل الحكومه الامريكيه بوقتها....

التجربه صارت ب مدينه نيويورك عام 1908
هدف التجربه انه يرفع كره ضخمه بمنطقه فيها تقلبات جويه علشان يجذب الصواعق وبكذا الكره راح تمتلك قوه كبيره
بالتجربه هذي قدر يشغل الكهرب ل منطقه كبيره ( لا سلكي ) بدت تتفعل المبات الي بالمنطقه مع القوه الكهربائيه و اشتغلت

التجربه هذي من قوتها سببت زلزال ضرب نيويورك بعدها توقف المشروع ب حجه انه الكهرباء المجانيه الي كان يبي يسويها nicola راح تسبب خساير ل شركات الكهرب

Nicola مثل عادته ما استسلم وسافر ل شرق الاسكا بعيد عن الناس بس المره هذي مشروعه متطور ماراح يستنى التقلبات الجويه
اخترع جاذب ل الايونات ب الغلاف الجوي ويحفز البرق ويقدر يوجهه ل اي مكان
نجحت التجربه بعد زلزال كبير وقدر يحفز البرق ومن قوه الضوء قدرو يشوفونه كل سكان امريكا و اوربا

البرق احرق المنطقه القريبه من الجهاز ونشرت الحكومه الامريكيه شائعه ان الضوء بفعل ظاهره طبيعيه
بعد التجربه هذي اعتبر الجهاز سلاح سري امريكي وتوقفت تجارب Nicola العلنيه وصار تحت مجهر الحكومه
مشروع الكره الكهربائيه بفورتنايت مبنيه ع تجربه Nicola

حتى المكونات نفسها مثلاً بتجربه Nicola احتاج الماء بحراره عاليه و الكره الكهربائيه تحتاج سائل المكعب
انتم الحين خذيتو فكره عامه عن التجربه و اضرارها الي راح تصير

ننتقل للمرحله الي بعدها :
بعيد عن اهداف Midas التجربه ماراح تنجح
ارجعو ل كلامي فوق قلت انه تعامل العالم الشرير مع المكعب راح يسبب كارثه
ارجعكم اكثر ؟
ممكن اغلبكم ما لاحظ بس المكعب وقت شحنه للطاقه ب التاشبتر القديم وصل ل مرحله يطلع منه شحنات كهربائيه نفس الي نشوفها مع الكره

ما ذكركم ب شيء ؟
الصوره هذي ما تم تصميمها عبث صح انه ماكان له دور المكعب ب اخر السيزون العاشر بس دونالد بيعطي الاعبين تلميح عن الي راح يصير
اتركو المكعب ع جنب شوفو العاصفه الي معه
يعني المكعب يعتبر قوه كبيره ل جذب العاصفه ومن قوه العاصفه الاشياء الي حوله بدت تطير

العاصفه هذي كانت سر كبير نجهله ب القصه بس راح يكشف عنها دونالد ب الايفنت راح نشوف كيف تتشكل وبتسبب اختلال ب توازن العالم وتغييرات كبيره وتفتح باب ل رجوع وحده من نسخ الفيزتور الموسم الجاي

فيه نقطه بسيطه علشان تكتمل صوره عمل الكره الكهربائيه :
الكره تحتاج ل اذرعه تخدمها ب نقل الصواعق الكهربائيه
هذا سبب وجود الفتحات حول المبنى تعتبر موصلات كهربائيه وكل ما ارتفعت راح تزيد فرص التوصيل
Midas مايقدر يظهر الكره ويرفعها فوق المبنى يحتاج يخفيها تحت ويسوي موصلات خارجيه

المرحله الاخيره :
عالم العاصفه فيه الخير و الشر
بنتكلم عن الشخصيات الشريره الي شفتوها
عندنا
الرئيس و اسمه : Tempest
و معاه الي راح يمتلك قوه الكره الكهربائيه

فيه فريق يظهر علشان يمنع تفعيل الكره الكهربائيه لانهم عارفين انها راح تسبب الدمار ويحملون نفس الشعار بس مهمتهم راح تفشل

نشوف الشخصيتين بالخلفيه هذي بنفس المظلات وطريقه النزول ومثل ماتشوفون العاصفه وراهم

طولت عليكم 😂
بالختام لازم ابين نقاط مهمه لازم تعرفونها
- العاصفه تشمل البرق و الرياح و الاعاصير و الامطار
- مو شرط انه الموسم الجاي بيكون بطابع الشر علشان الي بيصير بالحدث لا بالعكس
- نظام السباحه والغوص موجود من زمان ويتطور
- ومن الاشياء الموجوده جزر متحركه
- اشياء قديمه بترجع

المطورين يحاولون يقدمون تجربه جديده بس انا اشوف انه اللعبه بتتأثر اكثر كل مازادو تفاصيل الماب لازم ينتبهون للجانب هذا ومايحطون الاضافات هذي ع حساب لاعبين الاجهزه الضعيفه
الحدث الجاي بكل اختصار هو استعراض عضلات للمحرك الجديد.
انتهى

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد