١. أحلام مستغانمي بتقول: هناك شئ ما حدث في طفولتك وبدون ان تعي ذلك كل شئ سيدور حوله حتي اخر لحظة من حياتك. احنا ممكن نستبدل كلمة "طفولتك" بكلمة حياتك ونبدأ كلام عن شمس #الحوت اللي عادةً حياتهم شبه الافلام او القصص الخيالية اللي كنت بتحبها وانت صغير.
٢. الشخص صاحب شمس #الحوت لا يجيد وضع حواجز او حدود وخاصةً في تعاملاته مع الاخرين. اغلب الوقت بيحب تكون الامور مفتوحة "عايمة" لأن جزء من موهبته مرتبط بقدرته علي انه يكون اي حد هو عايزه، علي تشكيل نفسه وعشان كده الشخص هنا ممكن يكون اي حد انت عايزه خامة سهلة تقدر تشكلها براحتك.
٣. ميزة شمس #الحوت انها سهل تتشكل، سهل تتغير، سهل تتحول لنسخة منك لو انت عايز ده، اللي هتتمناه هو هيكونه ولك ان تتخيل كمية الجاذبية والدهاء اللي بيمتلكها شخص مماثل! وعشان كده سهل الناس تتهوس بيهم وخاصةً في البداية تبقي مستغرب اذا كان الشخص حقيقي فعلاً ولا هربان من رواية مثلاً.
٤. شمس #الحوت مش شرط تخلق ازمة هوية في حياة الشخص بس التحدي ده بيظهر لما الشخص يتعرض لأزمة او خيانة او فشل في حياته لأن ساعتها الواقع بيمسي عليه وبيقوله فلان اللي عملت قرد عشانه باعك او الوظيفة اللي خسرت ناس كتير بسببها راحت انت مين بقي يا معلم او ناوي تعمل ايه؟ هنا بتبدأ المشكلة
٥. من كتر ما شمس #الحوت بتربط هويتها وكيانها بأحلامها وطموحها ساعات بتضيع ومع الوقت بتبقي مش عارف اذا كان الشخص هو المسيطر علي خياله ولا خياله هو المسيطر عليه واحياناً بدون ادراك الشخص بيتنازل عن حقوقه ويتساهل مع الاخرين مقابل ان محدش يرجع يحاسبه او يحسسه بالذنب مش عايز يتقيد.
٦. لو هتسألني بشكل شخصي هقولك ان مشكلة شمس #الحوت تتمثل في عدم خلق حدود مع الغير اولاً وتعاملهم مع الحياة بأن دايماً في بكرا وان كله هيبقي تمام وهتعدي ثانياً. فالشخص هنا مش مؤمن بالنهايات، مش مقتنع ان حياته دي و مشاعره و قدرته علي العطاء ليها حد وفي يوم مش هتشتغل معاه مهما عمل.
٧. لذلك شمس #الحوت هي الاسوأ في التأقلم مع الواقع خاصةً لو الشخص يفتقد العنصر الترابي او اتصالات زحل في خريطته لأن الشخص احياناً مش بيعرف يتأقلم مع الازمة مش بيعرف المفروض يبدأ منين ولا يعمل ايه لأن طبقاً لتصوره والفيلم اللي في دماغه المفروض مايحصلش كده فبيبدأ يشعر بالضياع والخوف
٨. ومن هنا تحديداً بتبدأ تظهر نزعة الهروب/المراوغة في شمس #الحوت خاصةً لما الواقع يهجم عليهم ويدمر قوقعتهم. في اسوأ الظروف هتلاقيه تحول لشخص مختلف تماماً مش قادر يسامح نفسه ولا يسامح غيره و في نفس الوقت مش بياخد موقف لأن هو مش عارف هو زعلان من ايه بالضبط المسألة فجأة اصبحت معقدة.
٩. دايماً بقول ان حظه وحش اللي يتعرف علي برج #الحوت بعد ما يتخان او يتعرض لأزمة لأن الجوانب السلبية بتظهر عليهم بعد ما يمروا بأزمات كبيرة وتبدأ ثقتهم تقل وعلي حسب طبيعة الشخص ممكن يتحول للزاهد اللي سهل تقع في غرامه وهو مش قادر يغرم بحد او للمراوغ اللي بيحبك بس عمره ما هيمنحك فرصة
١٠. ذاكرة شمس #الحوت مش قوية وممكن حقيقي ينسي كوارث حصلت في حياته او يحاول يتخطي حدوثها ومن وجهة نظري دي ميزة مش عيب لأنها بتخفف عنهم كتير وبتساعدهم يتحركوا بحياتهم ولكن في نفس الوقت سهل الشخص يمتلك نزعة للهروب من الواقع سواء بالنوم، الاكل، الاختفاء وعزل حاله او التضحية المبالغة.
١١. لو شمسك في برج #الحوت حاول تخلق حدود من البداية وتبقي مسيطر علي مدي تأثير الغير عليك بدون ما تمنح حد سلطة كبيرة علي حياتك لدرجة انك تمحي كيانك. ماينفعش تدي حد كل فلوسك وتقوله اتصرف براحتك وبعدين ترجع تزعل لما ينصب عليك. عزيزي برج الحوت انت علي الأرض ولا يوجد علاج لذلك 😁
جاري تحميل الاقتراحات...