رتبها

تجربة جميلة في تويتر ... حساب جديد من الصفر بدأته وهذه احصائياته ... الهدف كان 1000 متابع في شهر.
بدون استخدام اي مساعدات خارجية. فقط في تويتر
بدون صرف اي ريال ... فقط اعطيت الوقت والتحليل المستمر للاستراتيجيات ...
وباذن الله فقط اخلص كم شغلة وانشر التجربة كاملة بالتفصيل ..

الاحصائيات:
التغريدات: 913 تغريدات وردود
زيارات الملف الشخصي: 18 ألف
ظهور التغريدات: 700 ألف
المتابعين: اكثر من ألف متابع (حالياً وصلوا 1550)
والعمل شهر واحد ... لحساب جديد ... طبعاً الموضوع مثل كرة الثلج ... يعني المحتوى حالياً يجيب نتيجة اضعاف لأن الحساب صار نشط

سعيد بانتشار ثقافة التسويق للحسابات الشخصية وتقبل الناس لها ... وخاصة انك تقدر تسوق بتغريدة مميزة عندك مثلا ...
اول مابدأ التسويق المدفوع للحسابات الشخصية اخذت اراقب ردات الفعل... وكانت للاسف تجارب وكأن الفلوس ستحل كل شيء ... لم يتقبل الناس فكرة تسويق تغريدة لك وكانك حكيم زمانك

فكرة مثيرة للاهتمام تجربة التسويق المدفوع في تويتر ... كل شيء سويته سابقا كان بشكل مجاني تقريبا ... كان عندي الوقت والجهد ...

احب التسويق بالمحتوى فقط بدون دفع اي مبلغ خاصة في عدم وضوح ماهي الحساب اللي بتسوق له او ايش توجهه هل هو شخصي او بزنس ... لكن اذا تبغى تسوي Scaling لازم تتوجه للمدفوع ... بالاضافة الى الذكاء في الاستخدام الامثل للمال ... والكثير ... الكثير من التجارب

اهم شي لازم تحسب حسابه هو العائد من الاستثمار في التسويق ...
ROMI
Return of Marketing investment
يعني كل ريال تدفع في التسويق كم يجيب لك مبيعات
وكم من المبيعات ارباح صافية ...

في مرحلة ابغى اجرب كل ريال ادفعه كم يجيني منه متابع في تويتر ... واشوف طريقة اعرف بها من كل ريال ادفعه كم اجيب ريال كدخل وارباح ...

الفكرة هي جمع بين:
ROMI
Sales funnel
Pixel
التسويقي وليس التصميمي
للتتبع
Marketing Analytics
Metrics
Insights

اكثر نصيحة اعطيها اي احد يبغى يعيد تجربتي او يستفيد منها ...
هي التحليل المستمر لاي خطوة تسويها خاصة لو حساب من الصفر واول مرة تسوي تسويق لحسابك في تويتر بشكل مكثف ...
عندك وقت محدود وهدف تحققه ... تتوقع انك لو عملت تغريدة فيها صورة راح تحقق نتيجة ممتازة لكن ...

لكن لما تحلل الخطوة هذه تجرب تسوي تغريدة بصورة وتشوف نتائجها ... تجرب تغريدة بتصويت وتشوف النتيجة ...
عملت ملف اكسل وحطيت ٣ اعمدة ...
العامود الاول كم عدد المتابعين
الثاني ايش سويت
الثالث ايش النتيجة
وحطيت وكتبت وحللت كل شي اسويه في ٣٠ يوم ...

ضروري ماتاخذ اي حل او طريقة تسويق كما هي ... لازم تضيف عليها اسلوبك وبهاراتك ... والمهم تشوف نتيجة اللي تسويه على المتابعين والفئة المستهدفة ...
عندك فئة مستهدفة اعمارهم تختلف عن غيرك ... تصرفاتهم .. نومهم ووقت نشاطهم ... في البداية تسوي تحليل مبدأي وبسيط عنهم

بعد فترة من العمل والنشر حتلاقي ان تصرفاتهم وطبيعتهم صارت واضحة ... وتشوف اي نوع من التغريدات تنتشر ... واي نوع من التغريدات تجيب لك متابعين ...
بعض الاحيان تغريدات تجيب ريتويت كثيرة ولكن ماتجيب متابعين والعكس كذلك ... تغريدات ريتويت فيها قليل لكن تجيب لك متابعين كثير

تشوف معدل تحويل اللي شافو التغريدة عن اللي يتابعك ... وعن اللي يشوف ملفك الشخصي ...
مثلا الاحصائيات فوق تقريبا ١٧ ألف شافو ملفي الشخصي ... ١٥٠٠ فقط تابعني ... يعني ١٠٪ ... نسبة طيبة لكن كل فترة وفترة احاول ازيد هذه النسبة ...

اكثر شغلتين اعتمد عليها في زيادة نسبة التحويل:
طبيعي مع زيادة المتابعين حسابك يصير مرغوب المتابعة اكثر Social proof مثل ماتشوف مطعم فاضي ومطعم عليه زحمة ... تلقائيا تقول للي عليه زحمة اكيد هذا مطعم ممتاز
اول ماتبدأ من الصفر مهما سويت تغريدة قوية معدل التحويل قليل طبيعي

تخيل تشوف حساب مايتابعه الا ٢٥ ... طبيعي تقول هذا محد يعرفه ...
الان مثلا تعديت ١٠٠٠ متابع صار نسبة من يتابعني اكثر وهكذا ... وهذا الشيء جميل جدا في البداية تشوف المتابعة قليلة جدا ولكن كرة ثلج تنزل من فوق الجبل ... كل مايزيد المتابعين كل ماتزيد نسبة المتابعة

المهم تستمر ...
الشغلة الثانية المهمة هي كيف اخلي ملفي الشخصي رهيب وارهب شي بالحياة ... عندي ١٧ ألف شافو الملف ... دائما اعتبرهم مثل الضيوف عندك كيف تخليهم مبسوطين يجوك مرة واثنين وثلاثة ... لازم تزبط البيت وتخليهم يعيشو احلى تجربة عندك ...

في البداية حطيت صور عادية كتجربة واتخيلت نفسي شخص زائر لحسابي اقول هل لو شفت هذا الحساب راح اتابعه او لا ...
والان غيرت اغلب الاشياء اللي تشوفها اول ماتدخل الحساب ...
مع الوقت عدد المتابعين يزيد ويصير ماتحتاج تتعب تحاول تقنع الزائر يتابعك ...

جربت شغلة جميلة اتعلمتها في كورس Leadership (ماكملت الكورس بس هذا الدرس الوحيد)
كان يقول عشان الناس تخليك تصير قائد لهم لازم تحقق ٣ شغلات ...
١-انت كيف وايش خبرتك وشهادتك
٢-كيف وضعك ١ الى ١ كيف تساعد الناس بشكل شخصي
٣-كيف وضعك مع العدد الكبير والناس وايش تفيدهم

اول شغلة حطيت في حسابي البايو انا ايش تخصصي وايش خبرتي (ماحطيت لاشهادتي ولا مكان وظيفتي) كتجربة ... لاني مثل ماقلت فوق ابغى اجرب تويتر بتجرد ومايحتاج استغل اسم شركتي في الحساب ... التجربة كاثبات ان اي احد يقدر مو لازم موظف في مكان ممتاز مثلي ...

الشغلة الثانية لان حسابي جديد فهذه ميزة اقدر ارد على كل شخص يسال او يرد علي ... وحتى ارد على كل الرسائل الخاصة بالتفصيل ... وصلت لدرجة عملت درس خصوصي عن بعد ساعتين ونص تقريبا لناس عندهم اختبار نهائي في مجالي ... مجانا

الشغلة الثالثة وكما ذكرت فوق كيف وضعي مع الناس وكيف حسابي يفيدهم ... صرت انشر محتوى مفيد وفي البايو ذكرت ان هدفي اساعد الناس في مجال كذا ...
فااكون حققت الثلاث شغلات اللي تخلي الناس تتابع ...
طبعا مع زيادة التغريدات والمتابعين تبدأ تغريداتك هي اللي تسوق لك

اخر شغلة حطيتها هي رابط لصفحة شخصية فيها سيرتي الذاتية بشكل مختصر ...
اعتقد كانت عامل مساعد ايضا ... لكني غيرتها الان ولم تعد موجودة ...

اخر شيء حاب اذكره هو ان عدد المتابعين ماهو الهدف الوحيد وهو عامل واحد يبين مدى قوة حسابك ... لكن المهم والاهم هو مقدار التفاعل ... كنت اسوي تفاعل من اي شيء ... واسوي جلسات نقاش من اي فكرة او تغريدة ...
كان التفاعل افضل من تفاعل حسابات عندهم ٥٠ ألف متابع نشط وقارنت بالارقام...

رتبها @Rattibha

@Hasan_M80 لكن اجابة على اسئلتك بشكل مختصر:
-ماتعرف هي مناسبة او لا الا لما تجرب
-الهدف هي بناء وتسويق لهوية جديدة شخصية او تجارية وتوصل لمرحلة معينة تجرب فيها تسوق لاشياء تدر عليك دخل ... حتى الان ماوصلت لها احس باقي ماابغى استعجل ...
- انشر الفائدة والمحتوى وخلي الناس تحبك وتؤمن فيك

@Hasan_M80 - لازم توصل لمرحلة يكون فيه عدد متابعين مستعدين يدفعو في اي منتج تسوق له بدون اي تردد ... توصل لمرحلة الناس تشتري منتج عشان تشكرك للمحتوى المجاني اللي تقدمه ...
احد المسوقين الخبراء ذكر انك تنشر محتوى قوي ٢٥ مرة قبل ماتبدأ تسوق بفلوس ...

@Hasan_M80 محتوى قوي يعني:
ويبنار
دورة محانية
كتاب الكتروني
سلسلة تغريدات
درس فيديو
انفوجرافيك
... الخ

@Hasan_M80 بالنسبة لمصادر الدخل تختلف باختلاف المتابعين والمجال ...
مثلا الان عندي فرصة كبيرة اسوق لمنتج ملموس وابيعه ومتاكد انه راح ينباع لكني احاول قدر الامكان ابتعد من المنتجات الملموسة عشان الشحن واللوجستيك وغيره ...

@Hasan_M80 التسويق بالعمولة مشكلته تتعب بالتسويق والنتيجة لكل شخص تقنعه تقريبا ٥٪ من مشترياته يعني لو اشترى ب ١٠٠٠ ريال تحصل على ٢٠ ريال ... تخيل شخص اقنعته واستثمر معاك ١٠٠٠ ريال ...
واتخيل مرة ثانية لو هذا كان منتجك واقنعته ارباحك ماتقل عن ٢٠٪
واتخيل لو منتج الكتروني كم ارباحك بتكون

@Hasan_M80 التسويق بالعمولة يحتاج له ناس كثير تقتنع بالمنتج عشان يكون مصدر دخل جيد ... وعشان تقنع الناس لازم تقدم محتوى ممتاز ...

@Hasan_M80 انت فكر فيها واحسبها من عدة نواحي ... مثلا لو انت في بدايتك تقدر تشتغل وتقدم خدمات مدفوعة وتبيع منتجاتك ... لان الدخل عالي بيكون لكن مقابل وقتك وجهدك ...
لما توصل متابعينك مثلا ١٠٠ ألف ... ماعندك وقت تقدم خدمات لكن عندك جمهور تسوق لهم بالعمولة تاخذ عمولتك بدون ماتتعب

@Hasan_M80 ليه ذكرت هذه النقاط فوق ... لان شغلك عشان يستمر وتحبه وماتسحب عليه وتحبط ... لازم يكون مستدام يعني في اقرب وقت تصنع منه دخل اضافي ...

@Hasan_M80 الشي الثاني ابغى اسألك لما قلت تسويق بالعمولة ايش قصدك ؟
اعطيني امثلة عشان اشرحلك بشكل تفصيلي

@Hasan_M80 بشكل مختصر اي محتوى تخلي متلقيه يستغرب انك بتقدمه مجانا من قوته لان غيرك بيقدمه بفلوس ...

@Hasan_M80 وعشان اكون صادق معاك التسويق بالعمولة اكثر شي اتعلمته واخذت عليه دورسات وقرات كتب لكن ماجربته بشكل حقيقي وبقوة ...
حاليا مركز على التسويق لمنتجاتي وخدماتي او يكون منتج بتعاون مع جهات اخرى

@Hasan_M80 بس ماسوقت لهم بالعمولة لسا الا قليل جدا

@Hasan_M80 مثلا موقع خمسات التسويق بالعمولة لاول عملية شراء عن طريقك ٢ دولار ... المبلغ ماهو كبير لازم عدد كبير يشتري ... لكن فيه مواقع تعطيك مبلغ ثابت شهريا لكل شخص تجيبه طوال مدة اشتراكه ...

اذا وصلت لهذه التغريدة اشكرك على الاستمرار في القراءة واقولك انت تقدر تجيب نتائج اقوى مني ...
انا مااعطيت المشروع اكثر من ٢-٣ ساعات يوميا... لكن تخيل لو اعطيت ٨ ساعات يوميا كيف بتكون النتيجة ... فكر فيها على انها وظيفة

وانا ماركزت على تويتر ١٠٠٪ لاني افكر فيه انه مشروع تجاري ليس فقط حساب تويتر ...
فاشتغلت على اشياء اخرى في نفس الفترة مثل:
القائمة البريدية وصلت حتى الان ٢٠٠ مشترك
دورة اونلاين مجانية
تجهيز البزنس ودراسته
تجهيز منصة تقدم خدمات

@Ba7ebTorabha فيه طريقة ثانية كلاسيكية وهي انك تتابع ناس عشان يشوفوك ويتابعوك ولها مزايا وعيوب وجربتها في اكثر من حساب سابقا ... لكن قررت في حسابي الجديد مااستخدمها
صرت اتابع مبدأيا ٢٠٠ شخص في نفس المجال ومؤثرين مثلا ... لكن غالبا مايتابعوك وحسابك صفر ... لكن تتفاعل معاهم وبعد فترة يتابعوك

@Ba7ebTorabha التفاعل مع المؤثرين في مجالك مفيد للي دوبه يبدأ لان في ناس كثير يشوفو ردك واحتمال المؤثر يعملك ريتويت ... بعض المؤثرين عندهم ٣٠٠ ألف متابع خليتهم يعملولي ريتويت بدون مااسألهم

@brhoome5031 وحيجيك عالخاص ناس تطلبك خدمات او دورات بمقابل ...

الكثير كان يسأل ايش سويت ... هنا عملت سلسلة تغريدات مفصلة عن اللي سويته

وهذه تجربة احد الرهيبين من الصفر خلال اقل من شهر وصل لل ١٠٠٠ متابع ماشاء الله ...

خلاص مايحتاج نقولك ايش تسوي ياارهب روبوت بالعالم @Rattibha

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد