كنت مشرف ع رسالة ماجيستير لبنت والمشرف الكبير كان مختار العنوان (anesthesia for robotic surgeries( وكنا يدوبك لسه باديين نتعلم الحالات دي بره مصر ومحدش ساعتها كان اشتغلها في مصر
فباقول للبنت انتي فاهمة الدنيا بتمشي إزاي؟
قالتلي بمنتهى الثقة اه
بس لمحت في عينيها شعاع غباوة كده

فباقولها طب احكيلي كده
قالتلي بنخش نبنج العيان والروبوت يشتغل
طبعا هو مش عيب الواحد ميعرفش بس العيب انه يفتي كده
كتمت غيظي وقلتلها طب ممكن اسألك سؤال
هو لو احنا عندنا روبوت بيشتغل بدقة زي الجراح مش من باب اولى يكونوا عملوا روبوت يبنج برضو؟

شعاع الغباء نطر من نظراتها زيادة وقالتلي ماهو ده
قلتلها هو ده ايه
قالتلي هو ده موضوع الرسالة اننا نظبط الروبوت مش كده ولا إيه
قلتلها اه صح بس حضرتك بقى دا مش محتاج إشراف دكاترة دا محتاج إشراف IT للبرمجة وسمكري مساعد للاصلاحات

طب خدتي موضوع رسالة خشي ع اليوتيوب حتى دقيقة ونص علشان الباقة متتجرحش أوي يعني وشوفي بيقولوا ايه فيه
وبعدين يعني انتي هتصدقي اننا نسافر ونتدرب والناس تخترع اجهزة وتعملي رسالة علشان العمدة الالي يقف مكانك في العمليات؟

فيعني متشتغربش كلام ناس تبان متعلمة ولو جيت توزنه في سوق العلم هيطلع سالب أحا
هو بيبقى طبع إنه عايز يفتي ويبقاله رأي في كل حاجة وبيبقى عنده زيادة في هرمون مسك الحديدة فبتلاقيه بيتويت ع روحه كده وهو مدلدل رجله في الترعة