كتير عم نسمع عن الفيدرالية يلي مع كل أزمة بترجع بتعلى الأصوات المطالبة فيها وبيعتبرها البعض طريق الخلاص للبلد بعد ما استتفذت فيه كل وسائل الحل(علما انو ما جربنا ولا وسيلة غير النظام الطائفي) لهيك حجرب بهالThread اشرح ليش الفيدرالية مش الحل
اولا يجب تعريف الفيدرالية على انها شكل من أشكال الحكم بحيث بتتوزع فيه السيادة والحكم بين الأقاليم وبين الحكومة الفيدرالية. وبيكون لكل وحدة اقليمية نظام أساسي وحكم ذاتي وسلطة تشريعية وتنفيذية وقضائية مستقلة. وتعرف الفيدرالية أيضا بالاتحادية هيدي التسمية بتوصلنا عأولى المساوئ
الفيدرالية هو مشروع اتحادي ابدا منو مشروع تقسيم متل متل ما عم يتوهم ويسوق البعض. يعني هو بيجي لتوحيد الولايات او الأقاليم مش لتقسيم دولة يعني متل أميركا مثلا كانوا ١٣ ولاية بالأول وقرروا يتحدوا وصار ينضم ولايات (٥٠)، ونفس الشي سويسرا يلي عندك كونتونات من اعراق مختلفة قرروا يتحدوا
ألبرت دايسي أب الفدرالية بيقول من شروطها وجود عدَة دول "وثيقة الارتباط ببعضها محلياً وتاريخياً وعرقياً أو ما شابه يجعلها قادرة على أن تحمل- في نظر سكانها- هوية وطنية مشتركة. والشرط الثاني هو "الرغبة الوطنية في الوحدة الوطنية والتصميم على المحافظة على استقلال كل دولة في الاتحاد".
تاني توهم وتسويق هو انو الفيدرالية ناجحة، شوفوا نموذج سويسرا وألمانيا وأميركا وكمان الإمارات. صراحة ما بعرف شو لازم علق على هالمقارنة بس تذكرت لما عباس عطوي قال عن كريستيانو رونالدو:"متلو متلي، بيكسر وبيشوط"
ليش ضد الفيدرالية؟ طبعا الموضوع منو يسار ويمين وقومي وأممي وشيوعي ووطني، اذا انا ضد الفيدرالية مش لأني يابا متحسر على لبنان والأرزة وكسخت النموذج، الفكرة انو الفيدرالية حيكون الها اثر تدميري سيئ عالمجتمع وكلفة وصعوبات بدون اي جدوى، هون بيجي argument انو نحنا بفدرالية مقنعة
وهالشي صحيح بس هون المشكلة. اذا انا عايش بفيدرالية مقنعة وأثبتت فشلها وأثرها التدميري عالإقتصاد والمجتمع بقوم بكافئ هالنموذج بإني أعملو رسمي واتكلف كل شي عراقيل وشي على نسق الطائف يلي اجا مهرجان جوائز لأمرا الحرب أعطوهن فيه لبنان بشكل رسمي؟ هون منجي للتوهم التالت من فئة المسيحيين
مفتكرين انو لما نستقل،نحنا عايشين آخر رواق ومنفتحين عأوروبا وبغرقونا مصاري ورواق بحر وسهر ومننأى بنفسنا عن المشاكل وهيك الشركاء يلي كانوا بدن ياخدونا عمجمتع وثقافة وحروب ما بتشبهنا ببطلوا قادرين على هالشي.بس سؤال،بالفيدرالية في جيشين؟ مش الحكومة المركزية بتحدد سياسة الدولة خارجيا
كرمال هيك هيدا وهم، الفيدرالية حتخلينا نعيش تناحرات سياسية مين بدو يسيطر عالتاني ومين بدو يسيطر عالحكم ويفرض قوتو عالتاني، ومين بدو يبتز مين اذا بفيدراليتو في مي والتاني ما عندو واذا المطار عندي بسيطر عليه واذا بدنا نعمل مطارات تانية اضرب وأضرب وتاع نفصل نفرز ونفصل الموظفين من
منطقة عمنطقة. باختصار الفدرالية هي ضغط الزر للحرب لأن المشكل يلي بيصير هلق وبيحتووه بالخطابات والعيش المشترك والنموذج، مش حيقدروا يحتووه بعدين. ولازم ناخد بعين الإعتبار انو الحاكمين حيبقوا هني ذاتهن، يعني يلي صرلو بجدد البيعة بتكليف شرعي من ٥٠ سنة مش حيجددها هلق؟ حتى المسيحيين
يلي معتبرين حالهن اقرب للأوروبيين بالثقافة والوعي السياسي صرلهن من ٤٠ سنة ما فرزوا قادة وزعامات جديدة. عون وجعجع وجميل وفرنجية!!! اسماء من الثمانينات بعدها حاكمة، كانوا بأضعف أحوالن بال٢٠٠٥( القوات شعبيا والتيار تنظيميا) وكسحوا بالإنتخابات فكيف هلق بعد تعاظم قوتهم؟
هيدا بوصلنا للغبن والظلم يلي حتتعرضلوا شريحة كبيرة من الناس المستقلين أمثالي. أنا مثلا حكون منبوذ بالولاية الشيعية لا بل محارَب، واذا بفكر انقل عالولاية المسيحية حكون مواطن درجة تانية. الا اذا حدا بيقنعني انو باسيل ممكن ينجحني بمباراة القضاة مثلا 😂 كرمال كل هالإشيا الفيدرالية
خطيئة بلبنان. نظريا الفكرة مش غلط وأثبتت نجاحها بس بلبنان وظروف لبنان ومساحة لبنان هي نبذ لفئة، تقسيم البلد وتوزيعو عالطبقة الأوليغارشية، شرعنة وتجديد للنموذج ل٥٠ سنة لقدام وحرب حتمية مدمرة
جاري تحميل الاقتراحات...