🔥🔥#ثريد🔥🔥
(مدينه سواكن :بناها الجن ام البشر؟ )
.
.
مدينه عريقة قديمه جدا وتعتبر وجهه سياحية جميلة جدا لكن الجمال دا والحضارة دي بتحمل في طياتا قصص كتيرة وغموض عجيب!
(رتويت ولايك عشان يوصل لكل الناس)❤️🔥
(مدينه سواكن :بناها الجن ام البشر؟ )
.
.
مدينه عريقة قديمه جدا وتعتبر وجهه سياحية جميلة جدا لكن الجمال دا والحضارة دي بتحمل في طياتا قصص كتيرة وغموض عجيب!
(رتويت ولايك عشان يوصل لكل الناس)❤️🔥
-في البداية سواكن مدينه من اقدم المدن ف (العالم) ترجع نشئتا لسنوات قبل الميلاد! وهي عريقة جدا تمتاز بطابع جذاب من التراث.
سَواكِنْ مدينة تقع في شمال شرق السودان، على الساحل الغربي للبحر الأحمر على ارتفاع 66 متر فوق سطح البحر. تبعد عن مدينة بورتسودان 54 كيلومتر وتضم منطقة أثرية تاريخية وكانت سابقاً ميناء السودان الرئيسي. وقد بنيت المدينة القديمة فوق جزيرة مرجانية وتحولت منازلها الآن إلى آثار وأطلال.
عارفين ليه سميت سواكن؟!
في مقولتين:
-الاولى ودي السائدة حتى عند السكان المحليين انو في البداية كان اسمها (سواجن) جمع ل (سجن) ودا لأنو نبي الله سليمان عليه السلام كان بيسجن فيها الجن العاصي والمتمرد.
في مقولتين:
-الاولى ودي السائدة حتى عند السكان المحليين انو في البداية كان اسمها (سواجن) جمع ل (سجن) ودا لأنو نبي الله سليمان عليه السلام كان بيسجن فيها الجن العاصي والمتمرد.
-اما المقولة التانية مشتقة من جمله سواها الجن (بناها) ومع الزمن اتحرفت لحدي ما بقت سواكن.
المنطقة على حسب كلام المحليين معروفة بكثر الجن فيها بدرجه انهم بقو متعايشين معاهم واشتهر الجن الهناك ب اتخاذ شكلين (والله اعلم) هم القطط والغربان والاتنين لونهم اسود داكن!
اغلب السكان المحليين و العندهم خبرة ف المنطقة بحذروك من القطط وانك ما تاذيهم لانو فحالة ما اذيتهم ما حيئذوك ولا حيتعرضو ليك اصلا بس اياك تفكر تأذيهم! وحاحكي ليكم كم قصة حصلت مع ناس.
-(رتويت ولايك علشان يوصل للناس) ❤️
-(رتويت ولايك علشان يوصل للناس) ❤️
اول قصة يحكوها جيران المرا ف المنطقة انو فيوم كانت مرهقة فا جا راجلا واتشاكل معاها في غسيل الملابس وشغل البيت فا اتحججت انها تعبانه وهو طلع. بعد طلع ظهرت ليها كديسة (قطة) سوداء واتكلمت معاها قالت انا حاشتغل شغل البيت لكن اياك تحكي لزول الحصل وفعلا!!!..
في لمحة عين الملابس اتغسلت والبيت اتنضف لمن جا الراجل وسالها ابت تحكي ليهو ف البداية وفي النهاية حكت ليهو انو جات كديسة واتكلمت معاها واشتغلت الشغل ما صدقا وطلع المغرب كدة ولمن جا راجع لقى مرتو مذبوحه!؟
-تاني قصة حكتا واحدة من سكان سواكن بتقول انو كنا انا واختي بنحب نصطاد سمك فيوم من الايام قررنا اننا بدل نصيد سمكة نصيد واحدة من القطط البجو البحر علشان ياكلو السمك فا جهزنا طعم وختيناهو لقطه جات قطه سودا كبيرة عينها عوراء وبلعت الطعم فا بقينا نجر....
والقطة بتصرخ من الالم فجأة اتشلينا ووقعنا ف الارض وبقينا نصرخ واغمى علينا ولقينا روحنا ف البيت وبقينا على الحالة دي كم شهر وما اتعافينا الا بعد كم جلسة رقية شرعيه.
قصة رقم ٣
-قصى حكاها بروف الريح عن كدايس بورتسودان(سواكن) :كان زمان في واحد مسافر بالقطار من سنار لبورتسودان فا وقف في محطة لتبديل القطار وكان قاعد براهو في المحطة وفي قطة ومعاها طفلها بعد شوية....
بعد شوية سمع صوت واحدة بتقولي (انت ماشي بورتسودان؟) اتردد السؤال تلاته مرات لمن اتلفت مالقا اي زول؟ فا لمن ركز مع القطة سمع الصوت طالع منها وتاني سالتو(انت ماشي بورتسودان؟) اتخلع ورد ليها ايوة ماشي بورتسودان قالت ليهو في مطعم هناك اسمو رامونا....
في كديس(قط) اضانه واحدة سودا وباقية ابيض وذيلو اسود قوليهو مرتك اتحلت بالسلامه وحتجي في القطر الجاي الراجل استغرب وركب القطر لمن وصل بورتسودان مشى المطعم وفتش لقى قط بنفس الاوصاف دي مشى وحكي لي القصة القط عاين ليهو وهزا ضنبو ومشى لمن جا يحاسب الكاشير قاليهو انو حسابك مدفوع..!
سواكن منطقة تاريخية جميلة والمحزن انو ولا اي حكومة من حكومات السودان ما انتبهت ليها ولا لموقعا الاستراتيجي وفكرت ترمما وتستفيد منها فا نرجو ف المستقبل ينتبهو ليها وتبقى واجهه سياحية كبيرة وتعود لاهميتا القديمه من زمن ما قبل الميلاد والامويين والكوشيين🙏.
❤️انتهى الثريد وياريت تكونوا استمتعوا بالقصص الفيهو وكل عام وانتو بألف خير وصحة وعافية.
.
.
رتويت ولايك علشان الفايدة تعم الجميع وشكرا ليكم🙏❤️
.
.
رتويت ولايك علشان الفايدة تعم الجميع وشكرا ليكم🙏❤️
جاري تحميل الاقتراحات...