رتبها

بما انكم جالسين بالبيت وحظر، تبون رعب وضحك وانهزام؟! هذا المختصر لرحلتي في منتجع في West Virginia هذا الويكند. الرحلة كانت تحدي اني اقطع الغابة بجسر مُعلق و حبل مُعلق يقطع مسافة ١٨٠٠ متر بسرعة ١١٢ كيلومتر بالساعة.. و وزني ٤٥ كيلوغرام فقط ! يعني كنت مثل قطعة ورق طايره بالريح 😅

المنتجع عبارة عن اكواخ تتأجر ونشاطات فيه. مثل ratifying, ZIPline, ونشاطات ثانية بس هذولا الاثنين اهم شيء. طبعاً انا ما اقدر اجدف لاني ما اعرف أسبح. فكل النشاطات اللي لعبتها كانت بالغابة. واحد منهم زي لعبة الحصن فيها مراحل خطورة وصعوبة طبعا انا احترمت قدراتي والغيتها 😅

أجمل شيء بالمكان انه الجميع يتصرف وكأنه في وقت ما قبل كورونا. كل شيء غالباً طبيعي قليل ناس لابسه ماسك او قناع للوجه، يفضل تبقى بالقروب اللي انت معه وما تقرب كثير لغيرهم بس طبعا بالحقيقة الكل يمشي مع بعض ويلعب.. انا جالسة أتأملهم ومستمتعة قبل ارجع للمدينة والحظر وتبعاته الاجتماعية

اول مغامرة كانت قفز بالحبال بين الاشجار ومشي على جسور معلقة. طبعاً كان فيه شرط ان الوزن ما يكون اقل من ٤٥ كيلوغرام. وانا بالضبط ٤٥! فقضيت يومي اكل عشان لو قالوا تعالي نقيس وزنك. ما كنت عارفه اني بسبب وزني الخفيف بعلق بين الاشجار نفس ما علقت البنت هنا وأسوأ لاني علقت بالنهاية

كان اليوم ماشي بسلام نوعا ما مابين الجسور المعلقة والقفز على الحبال بين الاشجار لمسافات قصيرة، الى ما جاء آخر اليوم و وصلنا لمرحلة الحبال المعلقة ل ١٨٠٠ متر وسرعة ١١٢ متر بالساعة.كنت مرعوبة أني ما بوصل النهاية لان وزني خفيف ما راح اقدر ادفع جسمي بالعدة الملعقة فيه للآخر! وصارت 😳

كنت بقروب ١٢ شخص ما نعرف بعض، بس كنت البنت اللي الكل خايف عليها ويضحك عليها بعد لانها تقضي المسافة صراخ. عديت ٢ من اصل ٦من الحبال الخطرة وجاء دور الثالثة وهي الاطول من بين كل حبال المنتجع. وكان دوري رقم ٩ عشان ناس قبلي وناس بعدي تخفف القلق عندي. والمدربة تعد مرتين لي عشان انطلق😂

بعدين تشجعت وانطلقت بس تقدرون تسمعون صراخي وضحكهم علي.وتحقق رعبي وعلقت اخر الحبل فاسمعوا اخر المقطع المدرب يصرخ انه اتمسك بالحبل عشان اوقفه وما ارجع بالغلط واعلق بنص المسافةوعاد ما يفكهاالا ربك وعزائيل😅 خلاني اقطع المسافة وانا اشد الحبل بالمقلوب بعدين جاءهو سحبني والشباب يسحبونه