رتبها

ثريد عن حفل تخرج التسريع الفلة والحلو الي يضحك الي فيه ٣٣ طالبة بس وقاطين عليه حوالي ٤٠٠ريال

طبعا الحفل قررنا نسويه فتاريخ ١ يناير يقالك رأس السنه ويعني احنا خطيرين ومودرن وطلع ثاني يوم بعد الاختبارات على طول اخر اختبار الثلاثاء والحفل الاربعاء الصبح

ما احكيكم وش سويت فهاليوم طلعت من المدرسة على طول الكوافير الا هو زحمممة حده حجزت دوري ورحت سوبر ماركت جنبه شريت حلويات عشان اوزعهم ع البنات فالحفل كم انتي عظيمة

ورجعت وانتظر وانتظر وانتظر اذن الظهر وبعده دوري ما جاء نزلت النسب ولسى ما وصل دوري.
المهم اخيرا بعد انتظار قالو لي شرفي الا الكوفيرة تبي تاخذ بريك، حلفيي؟ المهم لاني طيبة قلت اوكيه بس شيلي لي شمع اول بعدين بعد البريك تعدل يتبع

اتفقنا بدت شالت بالشمع سريع سريع وحرقتني حرقة صغيرة جنب شفتي وفخدي وهنا كنت بنهار بس سكت خلصت وحفيت وخلاص وطلعت، وقبل لا اروح البيت مريت اخذت لي عدسات عشان اصير مزة فالحفل واخذت ميبو لحرقتي

رجعت البيت تفكروا نمت؟ هيهات اكلت و قعدت اكتب واطبع رسايل لبنات شعبتي يعني رسايل وداع وكلها مشاعر واحنا نحب بعض وفجأة صار كل البيت يشتغل وياي الي تطبع والي تقص والي تحط في العلب مع الحلاو فجأة الا الساعة وصلت ١٢ وطبعاً لأني وحيدة ما عندي مكالمات رأس السنه وهالحركات الي تضيع الوقت

سبحت ونمت عشان اقعد اسوي شعري وكتب لسته بالاغراض الي باخذهم لا انسى شي عشان اقعد اربع اتجهز للعرس

الساعة اربع قمت واستشوار وكوي وتفيير شعر وحطيت علبة المثبت كلها خلصت يمكن ٦ هلاا يالاخو بخصوص الفطور جوعانة، مو مشكلة حطيت ميكبي وصار فنن صدق اني رسمت حواجبي لاول مرة وهذا اكبر غلط بس ستل حلو ولبست فستاني وذهبي وخلاص صرت عروس عروس

جهزت اغراضي الي ابيهم وخلاص طلعت في طريقي الى المدرسة، وطبعا اني داخلة بمليون شي توزيعاتي لبنات الشعبة فكيس شكبره وهدية للبنت الي طلعت لي(سوينا سحب ما عليكم) وملابس لان بنتغذا فالمدرسة وكعبي وشوي ميكب لو بعدل ميكبي ومدري وش بعد بس كانو واجد

ادخل الفصل الا اني اول وحدة جاية من الساعة ٧ وخمس الا اني هناك والحفل بيبدأ ٨ ونص

جت بعدي وحدة من البنات الا هي جاية ببجامتها وبس مسوية الشعر والميكب واللبس بتلبسه هنا رائع.
دقايق الا شعري كش اكتشفت ان المثبت ما ينفع لي ولا ثبت شي شسوي الحين صرت ادق على البنات اقولهم الي تجي تجيب فيرها والي تقول طلع والي حقها اخترب والي ما عندها واني تشه واموت**

وفقط لما توقعت هذا اسوأ شي اكتشف اني ناسية عباة التخرج والكلمة الي مفروض اقولها فالبيت ،وهنا وقف قلبي، قعدت ادق على امي وخواتي يجيبوهم وهم جايين وما ردوا فالبداية لكن الحمدلله نجوت وردوا بس المشكلة نسيت ما اقوللهم يجيبوا الفير**

صارو البنات يجوا وحدة بعد اخرى واحنا نتغزل ويا سلام واني في قلبي احسدهم ان شعرهم ما كش زيي اهخخ ضيقة بس كتمتها فقلبي

وبعدها في بنات جوا مدري شعندهم مو حاطين ميكب يبون الي يعرف يحط لهم وابد صرت انا الميكب ارتست حقهم وألف على وحدة وحدة بباليت الشادو وصرنا كلنا نفس الميكب بس عايدي

الساعة ٨ وربع جت اختي وجابت لي عباتي والكلمة وانقذتني وياسلام وارتاك قلبي ونسى الكشه الي فراسي
وصلت ثمان ونص وللآن ما اكتملوا البنات واحنا على اعصابنا إلا النظام
هذا فوق اما تحت ما احكيكم صوت صرصار الليل هدوء لين بعدين وحدة من المعلمات شبكت جوالها ورحمتنا وكلشوي يدق عليها احد

قبل تسع بشوي شرفت آخر وحدة من البنات قلنا اخيراً هلموا ننزل صفينا ع الدرج وخلاص ننتظر بس تبدأ الاغنية الي بننزل على انغامها إلا نفس البنت تقول انتظروا لا تمشوا امي لسى ماجت واحنا**
حلفي يعني جاية متأخر وبدون امش انتظرنا والمديرة قالت كلمتها واحنا ع الدرج بعدين قررنا ننزل

وبس لما تونا بننزل الا المايك يفصل حبيبي ترى قاطين فلوس مو كفاية حقة الديكور دافين لها ٤٠٠٠ يمكن وآخر شي جايبة لنا ديكور وردي؟ مو مشكلة شوي وزبط وسرنا على انغام ماجد المهندس وياسلام

بعدما خلصنا جلسنا على مقاعدنا وبدأت الفقرات وحدة بعد الأخرى الا فجأة نستوعب وين العرض؟ الي بس اعدل فيه وينه الا الابلة المسؤولة متوترة ونسته وكان مفروض بنت تقدم الفقرات وصارت هي تقدم الي تتذكره ونست كلمتي**
طالعت فيها واني؟ والمديرة شافتني فيدي الورقة وقالت كلمة الخريجة يا أبلة

وقمت وليتني ما قمت
انا طابعة ورقة يقالي بحطها ع المنصة وبسوي صفات الخطيب الماهر واوزع نظرات وقمت الا المنصة مو موجودة والحين شسوي؟ طويت الورقة ويقالك فالبداية فكاهية قلت لهم هابي نيو يير (كانت فكرة ابويي وسمعت كلامه) وبعدها ما اذكر وش قلت كل ما طلع من فمي شي قلت شكراً مرا شكراً

واني اكتب الكلمة قلت ابيها من قلب وكلام عفوي وفجأة صار كله عفوية وما فيه كلام ورجلي ترجف وصوتي مبحوح وحالة
وكان في اتفاق مع البنات انه بما انه صادف هاليوم ميلاد كم بنت بقول اسمائهم وبيغنوا لهم حضر حالك ياقمر ، لما وصلت لها وبديت الا البنات صممت ولا كلمة وانا اخز وهم مو حافظين

تابعنا الفقرات وبعدها خلص الحفل وصارت فقرة الاهل والوداعات وهيك
بنت خالتي وياي فالفصل طيب؟ وانا وهي عازميين بيت جدي كله امي وخواتي وامها واختها وثنتين من بنات خالاتي صاير كأننا في رحلة عائلية ودخلنا وصورنا وبكل ثقة صدق ان ذيك الصورة محد فيها حلو بس اهمشي الذكرى

بعدها صاروا المعلمات يودعونا والبنات الي ما بيقعدوا للغذاء وهيك واحضان وتصوير وحركات ومسحنا الميكب وصلينا الظهر وبعدها بدأت الفلة والمتعة رقص وأغاني وصياعة وتوقفنا وطلبنا الغذاء وكملنا لين يوصل الاكل

ورقصنا ولعبنا واستهبلنا وكدنا نموت من الجوع الا وحدة من البنات اكتشفت في الفصل الي كانوا فيه الضيافة صحن سمبوسة زايد وتم الافتراس والحصول على طاقة للاستمرار فالرقص لمدة ساعتين

الساعة ٢ وصل الغذاء وشغلنا تفضلو على العشاء وتفضلنا واحنا نغني انا طبعي كذا وهنا اكتشفنا ان السفن اب ما جابوه واكل ٣ بنات ما وصل مسكينات عزماناهم معنا لكنهم كانو مروقين وقالو مانبي وعادي والوضع تمام ماشاءالله عليهم

خلصنا والاغلب كان بيمشي وقامو يودعوا وهنا تم تفعيل وضع الأحزان على أنغام كده ياقلبي وصارت هناك احضان ودموع ودموع ودموع يعني خلاص انا مش هشوفك تاني
وفي ٣ بنات ساحبين علينا ومستمرين يرقصوا