السفروت و منسي 🇪🇬
السفروت أبو فروه فى راسه ده كان مطلوب يتجاب حي طيب ياعم ايه المشكله ده عيل سيس لو أخد ألم مش هياخد التانى لأ أستنى بس ماتسخنش كده فيه عيال كده تشوفها تحس ان ياااه هو ده اللى عاملين عليه الفيلم ده كله لكن عند التكفيريين بيبقى ذو شأن عظيم
السفروت أبو فروه فى راسه ده كان مطلوب يتجاب حي طيب ياعم ايه المشكله ده عيل سيس لو أخد ألم مش هياخد التانى لأ أستنى بس ماتسخنش كده فيه عيال كده تشوفها تحس ان ياااه هو ده اللى عاملين عليه الفيلم ده كله لكن عند التكفيريين بيبقى ذو شأن عظيم
وده نظرا لأنه هو اللى بيجيله الدعم المادى أو هو اللى متواصل مع الجانب اللى بيقدم التدريب أو المخدرات أو أى حاجه من اللى بتكيف الرجاله زى شادى المنيعى وغيره وغيره طبعا العيال اللى أنت شايفها سيس دى بتكون فى مكان له تلاتين مخرج ومخرج غير البصاصين اللى ناشرهم عشان لو شموا بس ريحة
جنزير أو عربية جيش يبلغوه فورا ويهرب غير أن المكان اللى هو فيه بيكون فيه عناصر تأمين جاهزه تشتبك مع القوات وتدخل فى قتال مرير ويموتوا ولا أن السيس بتاعهم ده يتمسك سبحان الله أصحاب العقول وفيه قرى أصلا مينفعش تدخلها غير وأنت بترزعلها من بره من كتر مافيها عناصر تكفيريه زى المهديه
مثلا رغم أن البطل كان بيدخلها لوحده ماشى على رجله كمان مش راكب مدرعه .. المهم فى وجود بطل مختلف قلبه ميت عنده إصرار على تنفيذ المهام عنده فكر مختلف من التكتيكات عنده يقين برب العالمين أنه مش هيضيعه ولا هيضيع أولاده حي أو ميت راح البطل منسى واخد اتنين تلاته من رجالته الحلوين أوى
خلاصة الخلاصة يعنى بدون ذكر أسماء بس هما عارفين نفسهم طبعا وركب عربيه نفس نوع عربيات التكفيريين واللى مافيهاش ريحة التدريع وطوبه ممكن تجيبها أرض و دخل القريه يتمشى ويتبغدد وسط كل عناصر التأمين وكله فاهم أن دول تبعهم أغبياء أقسم بالله لحد ما وصل لبيت الحلو أبوفروه فى راسه
والتانى شافهم نزل من البيت منسى قاله حبيب قلبى اللى واحشنى من زمان وخطفه وخرج بيه من القريه وقبض عليه ، ايه ياعم شغل السيما ده ماخافش يعنى ؟؟ لأ ماخافش عشان ده منسى عارف يعنى ايه منسى ..طيب الواد ماصرخش ماعملش دوشه مازعقش ؟؟ عيب بقى باقولك معاه رجاله خلاصة الخلاصة بالإضافه
إلى أن طبعا بعد كده القوات بتيجى بسلاحها بمعداتها والفيران بتدخل الجحور على اعتبار ان الأمور بتاعهم هرب وهما مش هيلاقوه فلا داعى للمواجهه اللى طبعا هتكون مش فى صالحهم بالمره اللى عايز أقوله أن منسى ده ماكانش مجرد ضابط بيقاتل فى سيناء ومات شهيد لأمنسى مقاتل قوات خاصة غير نمطى
غير عادى مقاتل من نوع فريد تقدر تقول مبدع مختلف مبتكر علشان كده أستشهد وهو بيقاتل وفى إيده سلاحه وبيواجه أعداد لا حصر لها وهو معاه يادوب كام راجل وضربوا مثل فى الصمود غير عادى وأخر رساله جاتله من العمليات (أثبت يا بطل)الدعم فى الطريق و كان رده عليها بمنتهى الثبات
( يا فندم أنا ثابت لأخر نفس فيا ) هو ده أحمد المنسى وهو ده أسطورة سيناء بعد إبراهيم الرفاعى
رحمة الله على الأبطال 🇪🇬🙏
رحمة الله على الأبطال 🇪🇬🙏
جاري تحميل الاقتراحات...