عندي مشكلة كبيرة وانا مشخصنها بزيادة مع اللي يقللون من قيمة عيد الفطر وعيد الاضحى ويتهزون في اهتماماتنا ،،اخرج من طوري احياناً مع هذي الفئة من الناس ،، مش عشان الدين وتعظيم الشعائر فقط ،، ايضاً بسبب الانهزامية في عقلية هذولي ،، يعني رحت وخالطت وشفت عشرات الاعراق حول العالم شبابهم
يهتمون اكثر من شيابهم بمناسباتهم الاجتماعية ويحرصون انها تكون باحسن مظهر ،، مافيهم اللي يقلل من قيمتها واللي يسخر ينهرونه بسرعة وينبذونه ،، دايم لاتسمح لنفسك انك تسيء لثقافتك وثقافة بلدك لأنك بكذا تسمح لغيرك يسيء لك وماتقدر تقوله شي لانكم في الهوى سوى
اعتز بامتدادك وديرتك وناسك
اعتز بامتدادك وديرتك وناسك
اذا مافتخرت بهذي الاشياء راح تحس انك حقير ومشوه اذا خالطت شعوب اخرى يعتزون حتى بعجينة الباستا اللي ورثوها من اجدادهم،، انت عندك اشياء كثيرة من سنين مهمشة وتشعر بالخجل منها وبعد رؤية السعودية بدت تظهر للناس بطريقة متطوره وصرنا نفتخر فيها مثل هيئة الابل والبيوت الشعبية بالجنوب ونجد
والاثار في السعودية والاكلات الشعبية واللبس الشعبي وغيرها وغيرها لدرجة صار فيه هيئات تبع وزارة الثقافة مهتمة بهذي التفاصيل ،، لاتعتقد ان تطورك يعني تخليك عن امتدادك وحبك لاهلك وناسك ودينك وموروثك ،، احمدالله مليون مرة على التطور اللي صار في السنوات الاخيرة في الاهتمام بهويتنا
مابي اتفلسف عليكم كثير بس يحز في نفسي لما اشوف سعودي يحتقر اهتمامات مجتمعه يعني اني متفرد ومتطور عمر التطور ماكان في مخالفة السائد ،، التطور الحقيقي هو الاعتزاز فيه وتطويره وتصحيح الخطأ فيه ،، لن تكون متحضر وانت بلا هوية وتاريخ ،، قايلكم سووا لنا مسابقة عشان ماتفلسف عليكم
جاري تحميل الاقتراحات...