في وسط هذا الزخم من الوطنية المفرطة والحزء الشعبي لأبطال مسلسل حكوا لقطات من حياة مقاتل ضحى بحياته في سبيل سلامة الوطن حبيت أحكي حكاية المعركة من أولها بس الحكاية هتبقا مصورة بريشة الفنان #Latuff اللي حس بمصر وحكايتها أكتر من ناس كتير من أهلها
كان يا مكان يا سعد يا اكرام كان في حاكم ظالم اسمه #حسني_مبارك حكم المحروسة ٣٠ سنة سرق خيرها وفقر أهلها ومرضهم وكان محتمي في عساكره وبيقسم معاهم الكعكة سوكيتي وعامل فيها ديموقراطي ومملك حزبه زمام الأمور
كان ديما عايز البلد مشغولة ومولعة فداير يحارب الإرهاب اللي بيعمله من خلال الفتنة الطائفية
وكل ما البلد تولع كل ما كانت سيطرته الأمنية أكبر
دا غير انه كان عامل خده مداس للصهاينة والأمريكان
كان بيتجمل مرة باستفتاء ومرة بانتخابات تجيب رجالته
حتى الجيران ف #غزة كان محاصرهم عشان يرضي اسياده
كان شايف انهم هيدعموه مهما حصل وخاصة الأمريكان اللي بيعتبروه الدكتاتور الصديق
حسني استخدم الشرطة كأداة للقمع والقهر والتنكيل وقليل لما كنا نسمع صوت حد يرفض بلطجتهم على الشعب
كل ممارسات حسني ورجلته من سرقة وفساد وقمع كانت بداية النهاية
لحد ما الناس شافت ظلم الشباب اللي راحوا ضحية الداخلية وكانت صرخة #خالد_سعيد مدوية اصحوا يا مصريين كفاية قهر كفاية عبودية
الشعب النايم صحي ونسق واتفق وقال هننزل في يوم عيد الظلمة هننزل في #٢٥يناير هننزل نقول كفاية بلطجة كفاية كفاية قهر
الجحش افتكر ان بدعم الأمريكان والصهاينة هيغلب ارادة الشعب
بس الشعب قالها بصوت عالي عيش حرية عدالة اجتماعية نزل الشعب كله ايد واحدة ضد الظلم نزل المسلم جنب المسيحي في نسيج واحد في وش رصاص العسكر
ضرب نار العسكر اشتغل على الشباب في الشوارع والميادين بحجة انهم ارهابيين وخونة وبيبرر دمهم بدعم من الإعلام الصهيوني العالمي
قطع النت ونزل الجيش واستشهد الشباب بس الوحوش مخفوش وقالوا كلمة واحدة ارحل يعني امشي يلي ما بتفهمشي
الأبطال قالو كلمتهم ارحل ارحل يا نجيب حقهم يا نموت زيهم
الشعب لقاها فرصة يتنفس حرية ويطالب بالديموقراطية والعدالة والقصاص
لما العسكر لقا الموجة عالية والعالم مركز مع الشعب والثورة ضربت أروع مثال للنبل والكرامة اتفق مع حسني نعدي الموجة وما تقلقش دا احنا دفنينوا سوى نضحك عليهم بكلمتين وتنقل لنا السلطة عشان نحميك قلهم خلاص بس اوعو تبعوني قالولوا أبدا دا احنا لحم كتفنا الحراام من سرقتك
طلع الفنجري ضرب التحية للشهدا وقال لنا خلاص يا ولاد وقع صنم الدكتاتورية وأشرقت شمس الديموقراطية
المجلس العسكر طلع وقال احنا ملنش غير رحتكم هنحكم فترة انتقالية نظبط الأوضاع وتكون البلد استقرت عشان نجيب دستور حلو والأحزاب تشد حلها وطبعا الأحزاب وفقت والقوى السياسية نخت وشافوا ان دا وضع مقبول بدل ما يعادوا العسكر
العسكر في الوقت دا بيفكر ازاي يسيطر على المشهد فكان أسلوبه نفس أسلوب المستعمر
فعمل مسرحية محاكمة مبارك وعياله
وقالهم هعملكم كمان انتخابات تجيبوا رئيس على كيفكم
العسكري #طنطاوي لما مسك الحكم المؤقت حب يلاعب شباب الثورة وينط ع الكرسي فبدأ يماطل ويلاعب الشاب اللي قريوه بدري ونزلوا بدل المرة ١٠٠ عشان ما يفتكرش انهم لقمة طرية
ولأن الثورة كانت ضد العسكر اللي شيفنها عزبة #طنطاوي ما سبش مناسبة الا ما بين وسخته ووشه القبيح فيها فاعتقل متظاهرين وحاكمهم عسكريا
سجن الثوار وطلع الداخلية البلطجية اللي قتلوا الشباب ف الشوارع
قتل المتظاهرين في محمد محمود ومجلس الوزراء وماسبيرو
طلق كلابه ف بورسعيد على زهرة شباب مصر
الرجل ما سبش رزيلة ولا خطية الا لما عملها هو عصبته العسكرية
في الوقت دا كانت قضية مبارك وعصابته شغالة في سياق درامي عميق ملئ بالبكائيات الشعبية الفلولية بتغطية اعلامية موجهة من قبل العسكر
وكانت نقطة الفصل احداث السفارة الاسرائلية اللي بينت ولاء العسكر لغير مصر
ولما طنطاوي حس بانه اتكشف عقد صفقة الغدر مع الإخوان اللي شاف الطمع في عنيهم فقالهم تجيبوا واحد ونساعدكم تحكموا بشرط محدش يحاسبنا ونتكرم وملكمش دعوة بالجيش ونفقاته وميزانيته
طبعا تمت الصفقة بوصول طرفي المعادلة القائمة وأصباح المواطن بين مطرقة العسكر وسندان الإخوان
طبعا تمت الانتخابات زي ما هما رسمينها وجه مرسي في سدة الحكم
وتخيل انه هيقدر يفرض سيطرته ويحرر المجالس النيابية من سيطرة الدولة العميقة والعسكر
بس مكنش واخد باله ان العسكر نولوه الحبل يلفه حولين رقبته وبيشد حسب ما بيقولوا له وفق بنود الصفقة فدستور الإخوان معيب وولد معدوم
طعنوا فيه وأوله وصدرا عنه الأكاذيب قبل الحقائق
الإعلام الفلولي صدر كل الأزمات لاجهاض أول تجربة ديموقراطية حتى ولو معيبية وأختلقوا مصطلحات الأخونة وبيع الدولة
وطبعا كل دا كان بمثابة الخطوة الأولى لإجهاض ثورة ٢٥ يناير
واللي منها الخروج الآمن للجميع من ضمنها مبارك نفسه
طبعا مرسي افتكر انه ممكن ياحق نفسه وما بقي من مكاسب واستحقاقات دستورية فقام عمل اعلان دستوري يسد الفراغ الدستوري وحل مجلس الشعب المعيب فظهر طبعا كفرعون جديد لمصر ودا خلى حتى الناس اللي كانت عندها استعداد تعصر على نفسها لمونة رفضت وجوده
ولأن في مؤمرات تدور بين أطراف عديدة تم الإعداد للانقلاب العسكري على أول تجربة ديموقراطية حقيقية في مصر وظهرت تمرد وجبهة الإنقاذ كأدوات غير مباشرة لتوفير الغطاء الشعبي اللازم للإنقلاب
ظهور شخصيات زي حمدين والبرادعي وحمزاوي وغيرهم اكسب الحراك واجهة شرعية للانقلاب المستتر
لحد ما جت ساعة الصفر واستوت الطبخة وهوب ظهر المجلس العسكري مرة أخرى لصدارة المشهد بس المرة دي بدعم شعبي من كارهي الإخوان والفلول
والإعلام نقل شعور زائف بالحرية والتخلص من الإخوان وطز في الديموقراطية
سيطر المجلس على مقاليد الحكم ولعب بكل الأوراق الدستورية والقضائية والإعلامية
وخلال الوقت دا رجع للشرطة هيبتها
وبدأت دولة العسكر تستعيد امكانيتها تاني
خلال دا بدأ الترويج لسوبر مان العسكر اللي انكز ماسر السهون بتاع نور عنينا
وعشان الطبخة تستوي كان لازم نخلص من الاخوان اللا فاضلين في الشارع فنفض الاعتصامات ونمحي اي معارض وخاصة اننا بنحارب الارهاب المحتمل
وطبعا مفيش مانع اننا ننتهك كل حقوق للبشر عشان نعيد النظام القديم
طبعا اختيار السيسي لتصدر المشهد كان مدروس من بدري من ساعة ما جاء وزير دفاع للإخوان
طبعا دا غير الدعم والتأيد الأمريكي ومباركتهم لوجوده كممثل لسياستهم بعد طمأنة الصهاينة
وبكدا تكون الثورة المضادة ونظام يوليو استعاد مكانته تاني
وبكدا استقر الحكم بعد الانتخابات الوهمية للحاكم الملهم طبيب الفلاسفة
وطبعا بدأت الخطوات الانتقامية من المنافسين السابقين عشان يكونوا عبرة
دا غير مطاردة أصحاب الفكر والرأي ومحاكمة كل من يقول لا مع حبس الحريات فلا صحافة ولا إعلام ومتسمعوش غير كلامي انا بس
المجرم مبارك وحشته طلعوا براءة
مصر بقت أسيرة اللي يفتح بقه يختفي
طبعا دا عشان احنا مش فاضيين وبنحارب الإرهاب
وطبعا كان لازم نسد جزء من الأتعاب اللي اندفعت عشان الدعم والصعود للمنصب فبإرادة الشعب ومن خلال مجلس الشعب تحيا مصر الا جزرتين
فالبلد خيرتها كتير يوههههه قصدي احنا فوقرا قوي فمش مهم نجوع المهم نبق كدا 💪
ولأن #بلحة شايف نفسه طبيب الفلاسفة فقرر منفردا أن يعدل الدستور وينصب نفسه إله لمصر حتى يجعل الله في قضائه رحمة
وخاصة بعد ما انتهت آخر منغصاته الواقعية بوفاة مرسي أول رئيس مدني منتخب بعد أول استحقاق ديموقراطي نتج عن ثورة #٢٥يناير
دا الحكاية باختصار ناقصها كتير واسرارها اكتر بس اهي محاولة اننا ما ننساش اللي كان لحد ما وصلنا لما نحن فيه بدون قدرة واضحة على تحديد ماهية الحكمة من وراء ذلك كله ... هل كان إجبارا أم كان لنا #الاختيار
جاري تحميل الاقتراحات...