بخصوص التعليم ..
مرتب المدرس تضاعف عدة مرات .. والمنهج المتخلف جاري تنقيحه وإصلاحه .. ولسه ..
-
مرتب المدرس تضاعف عدة مرات .. والمنهج المتخلف جاري تنقيحه وإصلاحه .. ولسه ..
-
بخصوص الخدمة المدنية ..
الرواتب تضاعفت .. والناس اللي حصلوا على وظائف بشهادات مزورة سيتم زفهم بعد العيد .. ولسه ..
-
الرواتب تضاعفت .. والناس اللي حصلوا على وظائف بشهادات مزورة سيتم زفهم بعد العيد .. ولسه ..
-
بخصوص الفساد .. المنظمات اللي كانت بتدمر الإقتصاد بالتهرب الضريبي والجمركي تم حلها وبلها .. واللصوص تم إستعادة معظم ما نهبوه .. والسوق بالتالي حترجع ليه تنافسيته .. ومساحات السماسرة حتتقلص .. ولسه ..
مافي زول تاني حيمشي أموره بورقة من نافع ولا علي عثمان .. ومافي رئيس خاتي ميزانيتنا تحت سريره يوزع للغاشي والماشي ..
-
-
الطبقة الوسيطة حترجع .. لأنها مرتبات أفرادها زادت .. ولأنه الطبقة الكانت بتمص دم الغلابة حتتلاشى .. الدول عشان تبقى محترمة .. محتاجة 80% من الشعب يكونوا طبقة وسيطة ,. موظفين قطاع خاص وعام ..
-
-
بخصوص الحريات .. سنة كاملة مافي جريدة أتصادرت .. مافي زول بات في بيت أشباح .. مافي زول خاف يقيف في مظاهرة ويجاهر ويرفع صوته بما فيهم اللي حرمونا 30 سنة من حريتنا !!
-
-
بخصوص السلام .. قربنا .. قاب قوسين أو ادنى .. اهلنا حيرجعوا ديارهم .. يزرعوا ويحصدوا .. 40% من إيراداتهم حتكون ليهم .. وحيدخلوا قريب بإنتاجهم في الميزانية والصادر ..
-
-
بخصوص العلاقات الخارجية .. لأول مرة مسؤولين محترمين يزوروا البلد .. وتخلصنا من كارثة ((المدمرة كول)) .. وفي الطريق حنتخلص من ((قضية السفارتين)) وعلاقاتنا الدولية حترجع زي ما كانت وأحسن ..
-
-
بخصوص الإحترام .. حكامنا بقو يحترمونا .. لافي ألحسوا كوعكم .. لا ما تمشو في شوارعنا .. المرتبات صرفت بدون ما وزير المالية يقول أكلتكم شبعتكم .. رئيس وزراء ووزير مالية جايين شبعانين .. لا طمعانين لا طالبين وظيفة .. ((لينا زمن نفتش ليك .. جيتنا الليلة كايسنا))
-
-
ده يا جماعة خلال أقل من سنة ..حق لينا نفرح ونتفائل ..
الكان حاصل في البلد ده نتاج سنين من تدمير التعليم .. والخدمة المدنية .. والقطاع الصحي .. نتاج سنين من نهب مقدرات البلد وعلاقات خارجية زي الزفت .. سنين من تسلط اللصوص والمغفلين على البلد ..
-
الكان حاصل في البلد ده نتاج سنين من تدمير التعليم .. والخدمة المدنية .. والقطاع الصحي .. نتاج سنين من نهب مقدرات البلد وعلاقات خارجية زي الزفت .. سنين من تسلط اللصوص والمغفلين على البلد ..
-
بتتصلح وتستعدل .. وكل عيد جديد حنعدد إنجازات حكومتنا .. حكومة ثورتنا ..
المجد للشهداء .. غرسوا أو بذرة للسودان الجديد .. حقنا ..
عويس سعيد
ماشين قدااام
المجد للشهداء .. غرسوا أو بذرة للسودان الجديد .. حقنا ..
عويس سعيد
ماشين قدااام
جاري تحميل الاقتراحات...