كنت متخوفه قبل لا اركبها بحكم ان الوضع يحتاج حسبة كارب وتحليل تقريباً 6 مرات باليوم -انا والحساب مش اصحاب 😂- كنت احيانا اتدلع وازعل من اهلي وقت الاكل لانهم يسوون لي اكل بدون حساب 😂 واشكرهم على صبرهم صراحة لو انا مكانهم هاوشتني 🚶🏻♀️
بعد اول شهر جا وقت موعدي كنت امر بحالة اقرب مايقال عنها اكتئاب بحكم بعض الظروف اللي عشتها لكن كنت ماسكة نفسي عشان ابدا بدايه لسنة جديدة وممتازة مع #T1D مرو اول شهرين والتراكمي 7 وشوي والحمدالله على ذلك
لكن صار اللي محد يتوقعه وهو الوباء اللي حصل ، حرفياً اكتئبت اكثر لان مازالت بعض الظروف محاصرتني واضعفتني بالاضافه الى ان مناعتي ضعيفه زاد خوفي اكثر وبطلت اطلع من البيت
السكر صار يرتفع واغلب الوقت جالسه اعطي جرعه تصحيحيه واحس المضخه تقول خلاص ارحميني 😂💔 لكن الحمدالله تغلبت عليها بحساب دقيق للنشويات سريعه الامتصاص بحيث اعدل النسبه بالمضخه للفوريه تكون اعلى من الجرعه المطوله
كانت مشكلتي الوحيدة اني لما اخذ شاور يفترض ما اطول عن نص ساعه عشان مايرتفع وانا فاصلتها 🙇🏻♀️ لكن ما اقدر اتحمم بالوقت 😂 لذلك سالت وطبقت طريقه اني اخلي بالمضخه active insulin مايقارب 0.5 or 1 unit عشان يكون معتدل ولايرتفع معي
المشكلة الاخرى كانت رمضان شلت هم لانه اول رمضان لي معها وحرفياً ما افقه فيها ولا تعاملت معها بشكل كافي وكنت بعيدة كل البعد من المستشفى ، كان الموضوع هذا مرعبني بشكل🙇🏻♀️💔
لكن الحمدالله كان فيه تواصل مع الدكتور والمشرفين مما سهل الموضوع علي بالاضافه الى @T1D_Arabic و @dia_tec بنصايحهم وتجاربهم حتى وجودهم جنبك عند اي سؤال واستفسار شكراً لكم جميعاً 🙏🏻♥️
هذا الريت ل #T1D تقريباً هالفترة الحمدالله ماواجهت صعوبات كثيره بالسيطره عليه وصرنا اصحاب 🙇🏻♀️♥️♥️
بعد ماتحكمت فيه اقدر الان اخلي الهدف يكون بين 70-180 باذن الله
بعد ماتحكمت فيه اقدر الان اخلي الهدف يكون بين 70-180 باذن الله
هذا البرنامج ساعدني كثير بحكم اني الى الان ما ركبت sensor continuous وعشان الستريب حق contour next خلص من عندي ولا اقدر ارسل قراءات للمضخه بعد الوجبات 🙇🏻♀️♥️
اتمنى من كل #T1D اللي عندهم مشاكل او اقتراحات او حاجات جديدة يشاركونها لنا نستفيد ونفيد بأذن الله ♥️♥️♥️
جاري تحميل الاقتراحات...