ثريد: ٣ علامات تدل علي الخداع و الوهم في الخريطة التوافقية! ازاي تعرف انك مش موهوم/مخدوع؟ #أبراج #خرائط_فلكية
"الجزء الأول"
"الجزء الأول"
جزء كبير مننا بيدخل علاقات مختلفة وبعد وقت بيكتشف انه كان موهوم او انه اتخدع او ان الشخص مختلف عن تصوره و ده فخ كلنا بنقع فيه وعشان كده حبيت نعمل ثريد نتكلم فيها عن العلامات اللي لو لاحظتها من البداية تاخد بالك وتتأكد ان حكمك علي الشخص صح وبما ان الزهرة متراجعة فده وقت مناسب 😅
١. البيت ١٠:
عادةً لما بشوف كواكب طرف معين واقعة في البيت ١٠ في خريطة الطرف التاني بعرف ان في نوع من الاعجاب القوي والثابت يعني مش مجرد اعجاب وهيروح لحاله بالعكس في بعض الحالات بيبقي في نوع من الاصرار والهوس للارتباط بالشخص او التعرف عليه سواء في اطار صداقة، حب، شغل مش هتفرق.
عادةً لما بشوف كواكب طرف معين واقعة في البيت ١٠ في خريطة الطرف التاني بعرف ان في نوع من الاعجاب القوي والثابت يعني مش مجرد اعجاب وهيروح لحاله بالعكس في بعض الحالات بيبقي في نوع من الاصرار والهوس للارتباط بالشخص او التعرف عليه سواء في اطار صداقة، حب، شغل مش هتفرق.
وعادةً هتلاقي ان الشخص صاحب الكوكب بيخطط للتعرف او للتقرب من صاحب البيت خاصةً لو بنتكلم في علاقة عاطفية والرجل كان صاحب الكوكب والست كانت صاحبة البيت هتلاقيه بيحلم او عنده طموح يكون معاها بس هنا الخدعة لأن مش دايماً ده بيوحي بقبول واعجاب صادق احياناً ده بيكون "طموح" اكتر من حب.
فسهل تلاقي ان الطرفين عندهم طموح يكونوا مع بعض او يتشافوا سوا وممكن طرف يبقي متصور ان وجوده مع التاني هيحسن من مظهره و وضعه و هيرفعه كأنه اخد اوسكار مثلاً وهنا مش شرط يكونوا بيخدعوا بعض بس عادةً هيبقي في التوقع بتاع ان حياتي معاك هتتحسن وهتشاف افضل حتي لو ده مش حقيقي.
فسهل الطرفين يحملوا بعض مسؤوليات والتزامات اكبر من قدرتهم احياناً "اعتقاداً" منهم ان كل طرف يقدر يقدم ده. والكواكب اللي بتكلم عنها: الشمس، القمر، الزهرة، عطارد والمريخ وقبل ما اسمع "صريخ" في التعليقات ده مش هينطبق علي الجميع ولكن لو لاحظت دلالة مماثلة انتبه مش اكتر.
٢. البيت ١٢:
البيت ١٢ ده حوار وبالمناسبة هعمل ثريد عنه لوحده لأنه موضوع جداً مهم ولكن عشان نختصر لو لقيت ان كواكبك بتقع في البيت ١٢ في خريطة الطرف التاني او كواكبه بتقع في بيتك ١٢ في خريطة ميلادك اعمل "خط احمر" وابدأ حلل العلاقة واتعامل معاها علي الرايق وبدقة خاصةً في البداية.
البيت ١٢ ده حوار وبالمناسبة هعمل ثريد عنه لوحده لأنه موضوع جداً مهم ولكن عشان نختصر لو لقيت ان كواكبك بتقع في البيت ١٢ في خريطة الطرف التاني او كواكبه بتقع في بيتك ١٢ في خريطة ميلادك اعمل "خط احمر" وابدأ حلل العلاقة واتعامل معاها علي الرايق وبدقة خاصةً في البداية.
٣. اتصالات بلوتو والزهرة / بلوتو والقمر بين الطرفين:
الاتصالات دي مش بتخلق خداع بين الطرفين لكن اللي بيحصل هنا مختلف لأنها احياناً بتخلق الوهم بتاع ماقدرش اعيش من غيرك، انا ممكن اموت وسهل تلاقي الشعارات بتاعة بعشق جنونك، هحرقك وهحرق اللي يحبك 😂 وتحس انهم ثنائي طالع من فيلم هندي
الاتصالات دي مش بتخلق خداع بين الطرفين لكن اللي بيحصل هنا مختلف لأنها احياناً بتخلق الوهم بتاع ماقدرش اعيش من غيرك، انا ممكن اموت وسهل تلاقي الشعارات بتاعة بعشق جنونك، هحرقك وهحرق اللي يحبك 😂 وتحس انهم ثنائي طالع من فيلم هندي
اتصالات بلوتو احياناً بتخلق "وهم" الاحتياج بين الطرفين واللي بيدعم ده ان بلوتو بيقوي مشاعر الشخص فبيبقي صعب عليه يقاوم فكرة انه يقدر يعيش من غير الطرف التاني، بيشوف انه ازاي ومشاعره دي كلها معناها ايه؟ في حين انهم يقدروا يعيشوا من غير بعض عادي جداً ولكن حدة المشاعر سهل تخدعهم.
العلاقات معقدة للغاية ولذلك اطراف العلاقة بتلعب دور اقوي واهم من الخرائط لأن ممكن تلاقي الدلالات دي مع شخص معين ومع ذلك علاقتك بيه صحية وده شئ رائع ومش مستحيل ولكن لو انت في علاقة ومحتار ولاحظت علامات مماثلة في خريطتكم اتعمق واحسبها تاني وانتظروا الجزء ٢ لأننا هنتعمق في نقط تانية
🕊 العلاقات بتحتاج مجهود لأن الحب والاعجاب والفضول والشغف مش كفاية خاصةً لو انت محاولتش تهتم بالبذور دي مع الوقت لأن ببساطة الشئ اللي بتهمله بيموت منك وتأكد ان تسامحك ومصداقيتك مع نفسك هتلعب دور كبير في حكمك ورؤيتك للأخرين..
وافتكر دايماً ان مفيش بطل لحكايتك غيرك 🦄💜
وافتكر دايماً ان مفيش بطل لحكايتك غيرك 🦄💜
جاري تحميل الاقتراحات...