#الاختيار عمل درامي خلي المصريين يتابعوه واقفين او قاعدين، خاطب جواهم اقدم جين (الارتباط بالارض والدفاع عنها)، العمل ده قام بتحشيد المصريين وفوّقهم من خدر الانبطاح لشعارات العدو الدينية اللي بتخفي جواها نزعة قومية استعمارية لا علاقة لها بأي دين.. (1-9)
اللي شوفتوه الليلة من ثبات دراماتيكي لأبطال الكتيبة ١٠٣ صاعقة أمام أعنف هجوم إرهابي علي ارتكاز أمنى ثابت في ٢٠١٧؛ ما يجيش نص الحقيقة.(2-9)
مهيد مدفعي بالهاون للتشتيت، يليه اقتحام العربات المفخخة، اللي بتتولي تحقيق عنصر "الصدمة"، وبعدها تقتحم عناصر الانغماسيين نقطة الارتكاز او الكمين وتقوم بعمليات قتل "سهلة" لمن بقي علي قيد الحياة من افراد الكمين بعد قصف الهاونات وتفجير المفخخات في قلب الكمين.(4-9)
وعشان ما انساش، في ظل "الدعك" ده كله، الارهابيين بيقوموا بتفخيخ الطرق اللي بيجي من خلالها أي دعم لقوة الكمين.. يعني فعليا بيعزلوا الكمين عن اي دعم لعدة ساعات..وبيخلوا التدخل الجوي له مخاطر عالية جدا لان القتال هنا "التحام مباشر".(5-9)
للي حصل من ابطال كمين #البرث كان اسطوري.. ليه؟ لان التكتيك ده في دقايق بيصفي كامل قوة الارتكاز الامنى، اللي حصل كان اسطوري لان ابطالنا لم يمنحوا الارهابيين رفاهية "القتل السهل"، رغم عزل الكمين.. وبدل ما المفخخات تسكت نيران ابطالنا، درات معركةلساعات! كانت المواجهة وجهاً لوجه(6-9)
بين عناصر ارهابية جيدة التسليح ضعيفة العقيدة، وبين جنود امتصوا موجة انفجارية ضخمة "السيارات المفخخة" وواصوا القتال بشجاعة عجيبة!.
هنا معدن المصري .. هنا الارث الحضاري.. هنا جينات المحاربين القدامي، من رمسيس لابراهيم الرفاعي لاحمد #المنسي ورفاقه.(7-9).
هنا معدن المصري .. هنا الارث الحضاري.. هنا جينات المحاربين القدامي، من رمسيس لابراهيم الرفاعي لاحمد #المنسي ورفاقه.(7-9).
ربنا اختار #المنسي لانه يستحق، وربنا اداك عقل تحكم بيه وتعرف عدوك حتى لو تلون زي الحرباء وخاطبك بالدين والخلافة.. وربنا اداك قلب، عشان تحب بلدك زي ما منسي ورجالته حبّوها .. بدون مقابل..(8-9)
#مصر باقية (9-9)
جاري تحميل الاقتراحات...