الشخص اللي اتعود يتحمل المسئولية حتلاقي طلباته قليلة جداً عشان هو ما أتعود يطلب..وما حينتظر من أحد مساعدة لأنه هو اتعود ينجز أموره بنفسه لذلك لو ما طلب منك مساعدة فهو ليس تقليل منك..عمره ما حيستوعب انه يجي شخص يفرض عليه أشياء أو يتحكم به،هو كل اللي يحتاجه شخص يتقبله كما هو ويفهمه

حتلاقيه ما يندمج مع الآخرين بسهولة وعنده انتقاء للأشخاص في حياته، لأنه البعض عندهم مبالغات ودراما كثير وهو شخص ماله خلق للأمور هذي..حيتصرف من عقله من غير ما يرجع لأحد ويتحمل النتيجة عشان هو اتعود يختار ويتصرف..حيبان عليه إنه قوي لكن في الحقيقة هو شخص لين وحنون من جوة..

بيكره الأسئلة الكثير وإنه يكون محور حديث أحد..حولينه دائرة مساحة شخصية ما يسمح لأحد يدخلها ويتمنى من الجميع احترام حدوده لأنه هو شخص يحترم حدود الآخرين ومساحتهم الشخصية..ما عنده قدرة للنقاش والجدال الكثير..بيكره الغباء لأنه كفيل انه يجيبله اكتئاب..

حتلاقيه واقعي جداً ماعنده حلول وسط، يا أبيض يا أسود يا يحبك يا ينساك لذلك هو ما يحب الزعل ولا يطول فيه ويحاول على طول يحل المشكلة لأنه ما يحب يبقى معلق، يا ينسى ويكمل حياته يا يصالحك ويرجع يحبك..بيستحمل وصبور بطريقة كبيرة لكن اتقي شره اذا انفجر لأنه حيخربها مع الجميع بدون تفكير

يوم ما يدخل علاقة حب حتلقاه شخص مجنون وعاقل وغريب وكل شيء معاك انت لوحدك فقط فحاول تدخل معاه في عالمه، وشخص مختلف امام كل الناس الآخرين عنده حدود واحترام..بيكره المقارنات لأنه هو مو شبه أحد..شخص بسيط ماعنده غرور هو فقط ما يحب يجامل على حساب نفسه لذلك حيكون واضح وممكن صراحته تزعلك