الحمدلله ياربي عدت اول سنة لطيفه خفيفة زي ما اتمنيت اففف قاعد ارجع لصوري اول ، ياربي كانت البداية صعببة بس عدت ، خصوصاً كنت كل عمري ابا طيران،لكن انتظرت الابتعاث طال عمره ، فدخلت هنا طفششان😭😂، غير اني قدمت جراحه وسحبت عليهم 😂، بالنهاية رسيت على هندسة فضاء وطيران بالبترول🤷🏻♂️.⬇️
طبعاً زي ماهو واضح أمام ناظريكم، جدول ضغط ، و غرفه تسد النفس،حمدلله الروميت كان صاحبي من ٦ سنين ولا حقيقي بنتحر، بس اول يوم رحت اشتريت اضاءة للغرفة لان مستحييييل اعيش بالاضاءة البيضاء قطعيا.
زبطت الاضاءة ، ولو انو ماتغير الا القليل لكن داخلياً حسيت بالكثير حرفياً لأن كرهي للأضاءة البيضاء اهه بس مايوصف مستحيل كنت بنام بدون ما ازبطها، غير صحون وملاعق والخ هذي الاشياء اللي شريتها لأن عندي روميت دايخ بس ياكل مايهتم هو ياكل على فرشه ولا صحن! (: بس احبه الكلب.!⤵️
الصباح اللي ما انساه،روميتي الدايخ انسان كان نومه غبي جدا واسهرني اول يوم مع ان عندنا اختبارات بليسمنت!ولازم نستعد لها ولا حناخذ مواد كثيره لو ما اجتزنا جزء بس،اه منه جلس يلعب لودو الدايخ وفويسات وانا كل شوي صاحي مانمت الا ساعة ، وهنا شكلي دوبي متهاوش معه باول يوم😭😂 اه كلب.
صح معلومة ، بالجامعة هناك بالسكن خصيصاً محد يشره عليك بسبب ملابسك اذا مو مكويه لان حرفياً كلنا مو مكويي😭😂😭،عندنا جامعة ماشاء الله رافضه كل شيء ينشبك بالكهرباء الا الشواحن واللمبات، فكانت البهذله هناك تشوفها من اول يوم وطبييييعيييي ، بنص الترم تلاقي ناس يداومون بلبس مقلوب😭
مر اول اسبوع زي العسل حمدلله ، وخويي لقم كل المواد اخذها من الصفر وضحكت عليه لين اذنت😭😂😂 ، وانا عديت ثلاثه مواد، واقوله شايف ياكلب عشانك مسهرنا؟ كيف لو نايمين كويس ممكن كان عدينا الانقلش كلو والماث .
كنا مبسوطين بأول اسبوع بالجامعة ومستمتعين بينما غيرنا يذاكر وشاد على نفسه وحنا نشوف الكلاس ايزي ونقول يبوي ذي البترول؟😂، فزي ماتشوفون بالصوره كيف الناس كانت تذاكر من اول اسبوع يلعنم الحماس، بينما انا والحمار اللي معي اصور له مول الجامعة واقول وينك.؟ يجي هو يصورني يقول هذا انت؟😭
هنا مر اول اسبوع والاسبوع الثاني بنصه قالو يالله حبايبي اختبارات،وكانت حرفيا تمحيط وجلد يخليك تقول اها يبوني اذاكر كل المصادر مو بس الكتاب؟وتتذكر انك بالجامعة مو بالثانوي وتروح تلملم كرامتك لان انجلدنا كلنا وتربينا و بكيت اقول يبوي ادرس شي يجيني شيء خير؟درجتي ٢/١٠ باختبارين 😭😂
ها بالله عليكم ذي ليلة اختبارات؟ واه كنا اغبياء قاعد اضحك على نفسي كثير ياربي كيف كنت متوقع ان كم سلايده وافهم الكتاب وخلاص😭😂😂، هنا طال عمري اخونا بالله اشتهى شاورما! يقولي امش يرجال ذاكرنا كل شيء ، واقنعني الغبي😭 ، وهنا بالمقطع يتهيبل ويقولي وينه وينه؟😂😭
اتطمنو ترا انا لقمت ٢ بالفيزياء و٢ بالماث ، وهو لقم ٠.٥ ماث، اه بموت امه دقت عليه سفلت فيه اذكر اليوم الثاني ياعمري هو تعشى زعتر بملعقه وزيت زيتون ، وانا فول سوداني وحليب ونذاكر للكويز الثاني😭😭😭
المهم مع ضغط المذاكرة وصمودنا كمهندسين حقيقيين نعي موقفنا تجاه الجامعة ، طلعت لنا مشكلة من تحت الأرض اللي لو داري عنها كان ماسكنا سوا😭😂، ياخي الكريم هل لك ان تتخيل اننا نذاكر لين ٢ صباحًا وننام ونصحى ٦ ،انا انسان طبيعي، لكن هذا عقدني مايصحى الا لما اقول اسم عايلته! وتفف! اش في!
ماتتخيل كلامي صح؟ وتقول زامل يسولف صح؟ شف شف المقطع بالله والله ضحكةة اصرييت الا اني اصوره!😭 ببساطة! يصحى على كلمة "المنيع" ياليت اسمه! اسم عايلته! بينما منبة المفعل الننووي حقه وكأنه لا يرن !
نتجاهل الصباحات ذي لأني تعودت عليها وصرت اقوله حبيبي خلاص لاتحط منبه ، صرت اصحى انا اسوي فطور واقول منيع وببساطة وكأني منادي مارد ازرق الرجال يفز.! وطبعا دلعته اول اسبوعين اسويله فطور بعدين صرت انا واياه مانفطر من الجلد😭😂
الحين مرت الايام وجت الاختبارات الثانية ، يمه كانت لحظة خوف وحسم مرتقبه ، قلنا بس لو ماجبنا فل ، ترا المشكلة فينا ولازم نطلع من هنا😭😂، رحنا لها خايفين لدرجة وقت النوم كانت تجينا مسائل نصحى نحكيها لبعض💔، اه شقد انجلدنا ، افف عاد صباح الكويزات الثانيه رايحين برعب حقيقي اعترف.
وفديتنا بيضناها انا فل وهو فل وانبسطنا بسطه مامثلها،عزمني على عشاء وعزمته على مقهى اه بموت كان اقسى آمالنا فل بالوكيز😭😂،طبعا مافي كيني ميني حتى بالمقهى تذاكر!خلاص اتربينا وانجلدنا ال2 وال0.5 مانبي نشوفها تاني😭،
تجاهل الصوت لان ماكنت افكر انزله بأي مكان بس كأني ارتحت للتويتر.
تجاهل الصوت لان ماكنت افكر انزله بأي مكان بس كأني ارتحت للتويتر.
كانت امورنا مع الجلد طيبه وتعودنا، الا يوم وصلت اننا ناخذ كلاسات سباحة اهه، هو ياخذه الساعه ٨ وانا اخذه اخر كلاس ٣:٢٠ ، حقيقي كنا نتكسر باوقات مفروض نذاكر! وندرس لكن ماعرف اش تبغى الجامعة يعني مضغوطين سيبونا ياخي، وهنا كان اكثر كلاس ضحكني ، كلاس بغرفة تبديل ملابس! (ماقبل السباحة)
بالاسبوع الثالث تقريبا الجامعة قالت يالله حبيبي انت وياه عندك ميدات، كيف؟ بقدرة قادر كلها باسبوع واحد💔، كان ضغط. طبعا لانك بسكن جامعي انت اللي تسنع اكلك وملابسك تغسلها بالغسالات الخارجيه وتنظيف الغرفه ويومك وترتيب حياتك اه، وزي ماتشوفون اختبار الماث اش جابو لنا واحنا بالقاعة.!
طبعاً هنا اوقات مذاكرتنا للميد تيرم والفاينلات اللي وراه بسرعة،كانت مذاكره تخوف تاخذ من عمرك يوميا ٧ ساعات من تجي من الدوام ٤ لين ١ ولا ٢ وبعدها تنام زي المجنون ل٦ الصبح واحلام وكوابيس كلها ماث😭😂، حرفياً حاجة ربي لايذوقها عدو ، يعني ماعرف اش اقول لكن فخور ان الايام ذيك مضت فقط!
وهنا صارت الطامة اللي ماعرف اش اقول كانت الغصة بالنسبة لي والحين انا اتذكرها وادمع، انو صاحبي صديقي ورفيقي من الابتدائي اللي والله دخلت الجامعة عشانه، قرر يخرج منها!!!، يا ابني كيف؟ طبعاً ماكان لوحده خرجو مايقارب ٥٠٠ شخص ، وكان عذره الضغوط الي كنا نواجهها يومياً
والدرجات اللي كان يقول انو صعب نلحق عليها ونجيبها، حقيقي انا ذاك اليوم ماعرف هي اوفر؟ او انا احبه بزياده لكن جلست ابكي كثير ومادخلت الغرفه نهائياً، رحت اتمشى بالسكن زي المهبول واتصل عليه اقوله تكفى يا ابني لاتسويها ، يقول خلاص جاني قبول بالجامعة الثانيه ونفس تخصصي موجود😔💔
اتألمت كثير والله لأن الجامعة ذي لازم يكون معاك صاحب ، وكأن اطلق صاحب بالنسبة لي )' ، لأن مذاكرتنا سوا وكل حاجة نفس مود بعض ، لكن اهههه بس طلع الحيوان وغبت اليوم الثاني وجلست افرفر معاه بالخبر ودموعي اربع اربع😂، كان اكبر حافز اني اكنسل اكمل بالجامعة ، لكن صملت
وما اصعب من تركه لي وقت الفاينلات الا النوم وحيد وفقدان منبه الصباح اللي ضحكت فوق عليه بس اعترف اشتقت له، من يومها يومي طفششش يعني لك ان تتخيل يا حبيبي انك تداوم من٧ لين ٤ ترجع الغرفة وتذاكر ٧ ساعات لحالك!. حقيقي بموت كنت، وضيعت وقتي لعب وترفيه بس عشان اطلع من عالمي.
بعدين حمدلله غرفتي بديت احبها لوحدي وصارت مكاني الجميل ، اتابع فيها افلام لوحدي واحاول اخلص مذاكراتي اول باول عشان اتفرغ لنفسي او للعب، وكمان زبطتها بشموع وصنعت لها جو غيرها جذرياً ومتأكد انكم ماحتصدقو انها اللي فوق شفتوها.
حبه حبه بديت اتعلق فيها مو بس احبها ، وصرت اعتزل الناس وصارو هم يدقون علي واقولهم مشغول اذاكر وانا كذاب بغرفتي مبسوط😭، صح ماقلت لكم سكن معاي صاحب لي لكن يحب بيتهم اكثر من غرفتنا(: فصارت الغرفة زي ماتقولو غرفتي حمدلله😭😂، فتعلقي فيها جاء بمكانه،وعايش لوحدي اطلق عيششششه😂
وصلت فيني اني اذاكر بالغرفه واتصل بروميتي الواحشني الكلب فديو ونجلس ساعات وانا اذاكر للفاينل وهو يراجع معاي، طبعا الحيوان اللي كان خايف وانه مايجيب درجات بالبترول ، بجامعته اللي راحلها مع انها قويه لكن الدرجات التاففه الي يجيبها عندنا بجامعته ذيك خلته يجيب اي بلس بكل المواد.!
انا نادم أشد الندم لكوني ما اصور كثير بسبب مساحة الجوال، وتمنيت ان عندي صور كثير لهذي السنة اللي كانت عسسسسل ، وحمدلله ياربي عدت بخيرها وشرها والله يسعدكم يارب وشكرا للي ماشاء الله فاضي وقرا هذا كله ، في تفاصيل كثير ممله لم اتطرق لها لأني لو تطرقت ما بسكت اعرفني وشكرا لكم مرهه♥️
هذي الصورة اللي نسيت اطرحها، طبعا عيون منفخه من النوم 🌚دموع؟ لا يبوي شدعوه ابكي. اكبر من كذا انا ، طبعا يلبس فروه لاني مجنون كنت احط المكيف على ١٤ يعمري شكله هذا سبب خروجه من الجامعة😭😂.
🖤🖤🖤🖤🖤🖤🖤🖤🖤🖤🖤
@Rattibha رتبها ياعمري انت عشان شكلها يفشل والله😭😂.
جاري تحميل الاقتراحات...