اييييييييييييه خل اكمل دامني فاضي، ابد وصلت هاك الديرة الساحلية و قعدت ادور السكن حقي لفترة طويلة بما ان اللوكيشن كان مضروب شوي لين فرجها الله و لقيته ثم نزلت عفشي و رحت ادور عيادة اضمد جراحي
عاد قعدت بهالديرة كم يوم تمشيت بسوقهم فترة ادور زنوبات و انتم بكرامة 🙂، و لقيت ذولي و صورتهن ل @iivii79
عاد الديرة ذي حقت ركمجة 🏄♂️ لكن بما اني منفلق و منجرح و وضعي صعب فما تركمجت و قضيت الوقت عند الشاطئ مسوي فيها استرخاء و مساج يعنني رايق
ايه صح ضاع وقت طويل و انا في سطح الهوستل صراحة مع اني كنت نادرا ما اسولف مع احد لكن كنت اتكي هناك و اغلب اكلي فيه خليتهم يطبخون لي سمكة حمراء و ميلك شيكات و رحت البقاله اخذ اسكريم بعد
بعد ما قضيت يومين استرخاء في هالديرة و سويت بدكير و منكير من الفضاوة جاء وقت الرجعة لمنطقة قريبه للمطار فاول شيء برحلة العودة كان اني اركب القطار الي على البحر
طبعاً هذا القطار كان يوصل للعاصمة الي اول يوم امرها من جيت كانت الخطة اني اتغدا و اجدد ضماداتي و اروح للديرة الثانية و فعلا طلعت من المحطة انا و شنطتي و مشيت لين بيتزا هت 🙂 و تغديت و عينت من الله خير ثم اخذت توك توك لمستشفى فخم خليتهم يغيرون الشاش
(صور من القطار)
(صور من القطار)
طبعاً اخر شيء خذت توك توك من المستشفى لين محطة الباصات و خذت باص لين وصلت عند الهوستل الي بمشي منه بكرا للمطار
طبعا هنا تنتهي رحلتي في سيرلانكا و نجي لغثى المطارات و الحظ الي يدور اهله 😂. رحلتي كانت الى عمان عندي ترانزيت 6 ساعات لكن بما ان الخطوط رهيبة جدا كان لازم اطلع استلم شنطتي و ارجع اشحنها و عاد طلعت و استلمت الشنطة لكن تفاجأت ان النت عيا يشبك معي و قعدت ثلاث ساعات لين فتحوا الرحلة
تحسبون شحنت شنطتي و مشينا خلاص؟ لا، جيت ادخل الجوازات و يجوني موظفين من المطار و يقولون تعال معنا و دخلوني غرفة و قعد ينشد وش عندك وين جاي منه وش قاعد تقرأ و وش هالطقات و من هالامور و طبعا فيه ثاني اخذ جوازي و طلع مدري هو يسجله بالسسيتم ولا وش يسوي (يوم ادخل عمان علق نظامهم علي)
و بعد ما لطعوني ربع ساعة مدري ازود و تحملت نكتته السامجة عن البار الحلال طلعوني و رحت أخيراً تغديت ماك لانه داقني الجوع و بعدها ركبت الطياره و بكذا انتهت السفرة و لله الحمد ♥️
الغرفه كانت بدون مكيف و ازعاج المراوح و الشارع، الي يبي فيديو لها يجي خاص 😭
رتبها @Rattibha 🥺🥺🥺🥺
جاري تحميل الاقتراحات...