قررت اسوي ثريد انصح فيه جميع الطلاب -اللي ماصرت منهم ولله الحمد- في جميع أرجاء الوطن العربي والإسلامي لإعتماد الأيباد في الحياة الجامعية
طبعًا الأغلبية العظمى من الطلاب اصلا صار يدرسون من الاجهزه بس الثريد موجه للي للحين ما يبون لانهم متعودين على الورق، واللي يقول ما أقدر انا لازم امسك الورق بيدي واتشعبط في امه واشخخخبط .. كلنا قلنا كذا وكلنا ضحكنا على نفسنا بعدين وهذا مثال حي ومباشر :
الفصل الأول : الأشياء اللي يوفرها عليك
أولًا : يوفر عليك ماديًا، يعني لو تحسب قيمة الكتب و الاوراق اللي بتطبعها خلال حياتك الجامعية بالاضافة الى الاقلام " اللي كل شوي بيتسلفها منك احد ولا يرجعها " و الهايلايتر " خاصه للي مثلي اذا ما ظللوا الكلام ما يدخل مخهم "
أولًا : يوفر عليك ماديًا، يعني لو تحسب قيمة الكتب و الاوراق اللي بتطبعها خلال حياتك الجامعية بالاضافة الى الاقلام " اللي كل شوي بيتسلفها منك احد ولا يرجعها " و الهايلايتر " خاصه للي مثلي اذا ما ظللوا الكلام ما يدخل مخهم "
ثانيًا: يوفر عليك الوقت اللي تروح وفيه وترجع للمكاتب عشان تشتري الكتب، وخاصه مكتبة الكلية فوق مشوار الروحه والرجعه تقعد ساعتين تنتظر دورك ويلا ويلا
ثالثًا : بيوفر عليك المشاكل اللي بتصير بسبب انتظار دورك في المكتبه، احد تعدى دورك، حق المكتبه انشغل ونساك، الطباعة سيئة الخ.. برضو المشاكل اللي بتصير بسبب انك تاخرت عن المحاضرة لانك قاعد تنتظر في المكتبه
رابعًا: يوفر عليك الجهد اللي بتبذله وانت تشيل كتبك معاك من مكان لمكان، خاصه لو كنت تدرس طب يعني مثلًا كومار ولا داڤيدسون هذولا الواحد لو يشيلهم على يده من الكلاس للمواقف احتمال يجيه compartment syndrome
خامسًا: بيوفر عليك الجلطه والنكد اللي يجيك بعد ما تكتشف ان الدكتور بيشرح غير المحاضرة اللي انت جايبها، او نفس المحاضرة بس غير السلايدات تغيير جذري " يعني شفت المحاضرة اللي قعدت ساعتين في المكتبه تطبعها ؟ بلها واشرب مويتها "
سادسًا : بيوفر عليك مسألة ان احد يستعير منك ملخصاتك عشان يطبعها ويرجعها اليوم الثاني " هذا اذا رجعها " وتلقى بقايا غداه وعشاه عليها ، ايردروب في ثوااني وخلصنا
الفصل الثاني: المميزات
اولًا: تكتب وتمسح ستين مره بدون ماتتحول كتبك لشي يشبه العاصفه، اي كلام ما استوعبته في الكتاب " خاصه في الاناتومي و السيرجري " انسخ صور من قوقل و اللي يعجبك الصقه جنب الكلام
اولًا: تكتب وتمسح ستين مره بدون ماتتحول كتبك لشي يشبه العاصفه، اي كلام ما استوعبته في الكتاب " خاصه في الاناتومي و السيرجري " انسخ صور من قوقل و اللي يعجبك الصقه جنب الكلام
ثانيًا: لو بتسجل المحاضرات ما تحتاج جهاز ثاني، سجل في نفس المحاضرة و احلى شي في النوتبلتي حركة ربط التسجيل بالكتابه .. يعني جزء ما استوعبته، فصلت بنص المحاضرة صدعت نمت .. ما يحتاج تسمع من البدايه او تقعد تدور اي جزء من التسجيل اللي فاتك ( مرفق فديو توضيحي )
وترا كل مازاد عدد اللي يستخدمون الايباد في الدفعه كل ما قل عدد اللي يشغلون اهلك في نص الكلاس دكتور عيد مافهمت .. برضو عيد مره ثانيه مره ثالثه مره زفت
ثالثًا: الموضوع بيئيًا ولا موارديًا ولا مدري وش هي الكلمه المناسبه بس انه فيه ميزة ان امك ماراح تبتلش فيك نهاية كل سمستر انت وكتبك واوراقك ووش نرمي ووش نخلي " مرفق صور الكتب و والاوراق حقتي في اول كم سنه بالجامعه .. لو استمرينا شوي كان اهلي خيروني يا انا يا الكتب في البيت 😂 "
رابعًا: ماراح تكون محصور بمرجع واحد، الكتب محمله عندك بأنواعها وأشكالها وشوف اللي يناسبك في كل ماده.
خامسًا: ولو اني ضد هذا الشي بس لو انت من اللي الله يعينهم على نفسهم ويقعدون يراجعون لين يدخلون الاختبار .. ف ما يحتاج تفكر وانت رايح الجامعه ايش تاخذ من وايش تترك ؟ كله موجود
خامسًا: ولو اني ضد هذا الشي بس لو انت من اللي الله يعينهم على نفسهم ويقعدون يراجعون لين يدخلون الاختبار .. ف ما يحتاج تفكر وانت رايح الجامعه ايش تاخذ من وايش تترك ؟ كله موجود
سادسًا: مدري وش اسمي هذي الميزه بس لمن تنهار بنص المحاضره وفجأة توصلك هذي الاشياء تدري ان المصاب جماعي وتهون والله تهون 😂😂😂
جاري تحميل الاقتراحات...