بحكِي لكُم شَي قبل تقريبًا اكثر من ٣٠ سنة كانوا اهلِي ساكنين في جدة كان عندهم جيران من مصر زي العسل وعاشوا تقريبًا سنة مع بعض في نفس العمارة عبارة (الجَار للِجار) تتمثل فيهُم كانو ونعم الجيرَان الي يوقفون معك في الحلوة والمُرة
لِدرجَة لمَا كانت أمِي في المستشفى وولدت اخوي الكبير كانت الخالة(عطيات) هي الي وقفت معاها بكل شي وكانت كل يوم العصر تروح مع ابوي للمستشفى عشان تزورها وتتطمن عليها الى نزلت امي من المستشفى ولأن عيالها صغار كانت تآخذهم معاها بس عشان تتطمن ع جارتها.
ولمَا نزلت امِي للبِيت كانت عندها في البيت تنظِف وتطبَخ وتساعِد امِي ، العم محمد كمَان كان يسأل ابوي اذا يبي مساعدهه ويقول له دايمًا انه هو واقف معاهه وماترك ابوي لوحده ابدًا في الصعوبات .
بعَد تقريبًا سنة أهلِي نقلوا مِن جِدة لمنطقة ثانيَة وكانوا باقِي يتواصلون معاهم وبعدين العَم محمد نقل هو وعايلته لمصر واستقروا هنَاك انقطَع التواصُل فترهه.
بعد فترة ابوي ارسَل رسالة للعَم محمد مع بنت مصرية كان موصلها للمطَار وعطاها الرسالة وقالها اذا ممكن انها تقدر توصِلها للعَم محمد واعطاها عنوان تقريبي له.
طبعًا البنت ماقصرت وجلست يومين عند اهلها وبعدين راحت للمنطقة الي وصفها لها ابوي وبحثت عن العَم محمد الى حصلته وسلمته رسالة ابوي
بعد فترة في دوام ابوي بلغوه ان في رسالة وصلته من مصر ولما أخذ الرسالة عرَف انها من العَم محمد وصاروا يتواصلُون لِفترة وفجأة انقطع التواصل بعد ماصارت الحرُوب الي بمصر .
العَم /محمد عبدالعزيز شعيب
الخالة /عطيات
عيالهُم .محمد ومحمود ومنار ومرفت (رشا)
الخالة /عطيات
عيالهُم .محمد ومحمود ومنار ومرفت (رشا)
أتمنى الي يعرفهم او يعرف معلومه عن الناس الحلوين هذولا يتواصل معي ع الخاص .
جاري تحميل الاقتراحات...