الكوم الكبير بتاع المنقة في ابو جبيهة ب ١٠ جنيه ومافي زول دايرو و بتأكل فيهو الحيوانات، سعر الكرتونة الفاضية ٢٠ جنيه وترحيل الكيلو ٧٠ جنيه عشان أزمة الجاز نهاية اليوم قاعدين يخلوها في السوق ويمشوا في الخرطوم دستة المنقة ١٨٠ جنيه
البطيخ في كتم شمال دارفور الحبة ٢٠ جنيه و المزارعين بقوا ما قاعدين يحصدوا عشان تكلفة الحصاد اكثر من سعر البيع يعني بالخسارة وما قادرين يرحلوهو حتي لولايات دارفور الآخري عشان الترحيل والبطيخة في الخرطوم ٢٥٠-٣٠٠ جنيه
جبل مرة البرتقال جبال اصفر اخضر والنَاس بتتفرج تعاين وهو بيبوظ قدامها ما عارفين يعملو شنو
دلتا طوكر الطماطم علي مد البصر لا قادرين نصدر لا قادرين نكتفي والمزارعين يقولوا ليك نوديها وين الترحيل مكلف والشارع كلو رسوم وجبايات ورشوة
دلتا طوكر الطماطم علي مد البصر لا قادرين نصدر لا قادرين نكتفي والمزارعين يقولوا ليك نوديها وين الترحيل مكلف والشارع كلو رسوم وجبايات ورشوة
وعلبة الصلصة ١٠٠ جنيه وظرف الكاتشب٣جنيه ونحن بالموارد الزراعية والامكانيات دي نفشل نعمل لينا مصانع صغيرة لتعليب الخضر والفاكهة او العصائر الطبيعية في مناطق الانتاج
القمح في ولاية نهر النيل بالأطنان قاعد في الخلا والمزارعين يشكوا من كثرة الفئران والحشرات والخريف بدأ والمطر العدو الاول للحبوب لا البنك الزراعي اشتراهو ورحلوا لا عندنا صوامع للغلال عشان نخزن فيها لا عندنا مطاحن في مناطق الانتاج
يعني لا قادرين نلبي حاجة السوق المحلي ويكون عندنا احتياطي لا قادرين نصدر منتجاتنا
جاري تحميل الاقتراحات...